¹ Tubhugiri kubha ndakerenya kuu bhigambo bhya abhatu na amaraika. Kama ntana obhusegi, mberi shaba ino ekuzegera no obhukama bhuno bhukuhemba. ² Nina orubhango rwa obhuroti, no obhwisegi bhwe obhuheene bhuno bhwibhwisiri na amang'eni, no okubha nina obhunagya bhwo okusanya ebhiguru. Kama ntana obhusegi ntana kigiro. ³ Na tuhaye kubha nirushe ebhigiro bhyane okubhaha masikini bharye, na kubha nirushe omubhiri gwane nihye omuriro. Kweego kama ntana obhsegi , itakukora kigiro. ⁴ Obhusegi bhurikongererya nookusakirya. Bhusegi bhutakwikumya na kwizuma. Bhuta kisirani. ⁵ Obhutindi. Bhutakukomya mang'ana gaye, bhutakurora bhururu bhwangu bhutakubhara bhubhi. ⁶ Bhutakuzomererwa bhubhi. Ibhaga nindi, bhurazomererwa kuhene. ⁷ Obhusegi bhurikong'ererya amang'ana goosi, bhuna ekisubhe kumang'ana goosi, na bhurikong'ererya amang'ana goosi. ⁸ Obhsegi bhutakwiturirya. Abhe bhuroho obhuroti, bhwoosi bhurahita. Bhiribhaho ebhigambo bhirabhera, hayo. Kurabheego na amang'eni garahita. ⁹ Kwookubha tumenyiri orubhara na turaroterera orubhara. ¹⁰ Ino yabheeri bhwaheene, irya itabheri bhwahene erahita. ¹¹ Hano nyaari mwana, nkagamba kyoo omwana, nkisega kyoomwana, nkamuura kyoomwana. Hano nyabheri mutu mugima, nkatura kure amang'ana gye ekyana. ¹² Kwookubha turarora kye ekiroore, kama esura mukirima, eribhaga rirya turarora bhusyo kwa bhusyo. Bhono nimenyiri kusehemu, eribhagya ndamenya bhukong'u, kyego nosi nimenyekeni bhukong'u. ¹³ Kukubha bhono amang'ana gano atatu garazidi kwikirirya, eribhaga rya baadaae, no obhusegi. Irikuru rino ririho ni rino, ndyo obhusegi.