¹ Kuu bhunagya bhwa mukoro, mura weetu na abhasubhati bhane nitakwenda musarye okumenya. ² Muramenya yookubha hano mwari mutari muu mwisengerero muhere rekibhwa kutunirira erihunduguru zino zitakukerenia kwee zinara zyoosi mkakangatibhwa nazo. ³ Kuuriyo, ndenda mumenye kubha ataroho wuyo woosi akukerenia kwee Ekoro yee Eriobha arabhuga, "Yeesu nyihimirwe." Ataroho wuu woosi wuno arabhuga, "Yeesu ni Taatabhugya," hamwe muu Ekoro Enzeru. ⁴ Bhoono bhuroho obhunagya obhundi obhundi, bhoono Ekoro nii ewewurya. ⁵ Kureho okuhokya okundi okundi, nawe Taatabhugya niwe wurya wurya. ⁶ Na ziroho ezitemwa hagari hagari zyee mirimo, nawe Eriobha ni we wurya akugikora emirimo gyoosi kuu bhoosi. ⁷ Tiga kiro omumwe arahanua abhukundukurwa bhwee Ekoro kwoobhwera bhwa bhwoosi. ⁸ Aroho omutu wumwe aherwe ne Ekoro eng'ana yeerisego no owundi eng'ana ya amang'eni kwe Ekoro yirya yirya. ⁹ No wundi arahanua eheene kwe Ekoro ewe wurya, na kuhundi abhunagya bhwobhuhorya kwe Ekoro yimwe. ¹⁰ Owundi amatiemio gee zinguru, no owundi obhuroti. Na kuuundi obhunagya bhwookumenya Ekoro, owundi ebhigambo bhya hagari hagari, naa kuundi okukosya ebhigambo. ¹¹ Nawe Ekoro ni yirya yirya ekukora emirimo gino gyoosi, kuhana kiro omutu obhunagya kuu kyeego obhusori bhwaye ewe omwene. ¹² Kookubha omubhiri ni gurya ogumwe, gyoosi guna ebhimo bhyabhu, neebhimo bhyoosi nii bhyoo mubhiri gurya gurya, gwoosi bhuyobhuyo na Kristo. ¹³ Kwookubha gati Ekoro yimwe etwe twoosi tukasubhwa kubha omubhiri gumwe kubha, kubha turi Bhayahudi hamwe Bhayunani kubha turi bhabhagati hamwe bhatazurwa naa bhoosi tukagotomeribhwa Ekoro yimwe. ¹⁴ Kwookubha omubhiri gutari kimo kimwe nawe nibhyaru. ¹⁵ Aribha okugurukuribhuga, "kwookubha enye nitari kubhoko, enye nitari ibhara ryaamubhiri," yiyo etakutama kukora kubha ibhara ryaa mubhiri. ¹⁶ Nii eribha okutwi kuribhuga, "enye nitari ibhara ryoo mubhiri" yiyo etakurikora kutamakubha ibhara ryaa mubhiri. ¹⁷ Aribha omubhiri gyosi gurabhuga eriso, kwari kurabha hayi okwigwa? aribha omubhiri gwoosi guribha kutwi, kwari kurabha hayi okwihuzirya hayi? ¹⁸ Nawe Eriobha rikatura kira kimo kyoo mubhiri hagiro haye kyeego akwikarya ebhigiro omwene. ¹⁹ Aribha bhyoosi bhingabheri kimo kimwe, omubhiri gwari gurabha hayi? ²⁰ Kweego ebhimo nii bhyaaru, nawe omubhiri ni gumwe. ²¹ Eriso ritakunagya okukubhurira okubhoko, "nitana ibhaga naawe." Wara omutwe gutakunagya okubhura okuguru, nitana ibhaga na neemwe. ²² Nawe ebhimo bhyoo mubhiri bhino bhikukororekana kubha noobhusuki bhusushu bhirenderwa bhyaru. ²³ Nee bhimo bhyoo mubhiri bhino tukwisega bhina bhinobhusuki bhusuhu, turabhiha obhusuki bhwaru, neebhimo bhyetu bhino bhitana obhurorekano bhina obhuzomu bhukong'u. ²⁴ Bhoonego ebhimo bhyeu bhino bhina obhurorekano bhitana bhwera bhwa kuhanwa bhusuki kwookubha bhimariri kubha nookusukwa. Nawe Eriobha ribhigwatenie ebhimo bhyoosi hamwe, hayo na abhiheri obhusuki bhwaru bhino hitana bhusukwa. ²⁵ Akakora bhuyo ataza kubhaho obhutwanikani kuu mubhiri neebhimo bhyoosigo bhiribhane kwoobhusegi bhumwe. Hano ekimo ekimwe kikunyaharika ebhimo bhyoosi bhiranyaharika kwa hamwe hayo. ²⁶ Hamwego ekimo ekimwe kirasukwe ebhimo bhyoosi bhizomererwe kyaa hamwe hayo. ²⁷ Bhoonego emwe ni mubhiri gwaa Kristo, na kire ekimwe hagari. ²⁸ Nee Eriobha riteri mwisengero abhabhagati bhaye, bhakabhiri abharoti, bhakatatu abhegya, okumara bhayo bhosi bhakutemia amatemio amakuru, okumara obhunangya bhoo kuhorya bharya bhakusakirya, bharya bhakukora emirimo gyookukangata, naabhoosi bhano bhanebhigambo hagari hagari. ²⁹ Hwe etwe bhoosigo ni abhabhgatai bhaye? Etwe bhoosigo ni abharoti? Etwe bhoosigo ni bheegya? Awe twosigo turakora a,atemio gaa amarimanio. ³⁰ Awe etwe twoosigo tuunobhunagya bhwoo bhuhorya? Etwe twoosigo turakerenia kuukigambo?Etwe twoosigo turakyosya ekigambo? ³¹ Mumohye bhukong'u obhunagya bhuno bhuri bhukuru. Na niinye ndabherekya enzira yino erinzomu bhukong'u.