¹ Munirwe inyuma, kyego enye nkumurwa inyuma Kristo. ² Bhoono ndabhakumya kwokubha kyego mukunihita kumang'ana goosi ndabhakumya kwo kubha mugagwatiri amang'ana kyego ngaretiri kwemwe. ³ Ndenda mumenye kubha Kristo ni mutwe gwa musubhe, No omusubhe ni mutwe gwe omukari, na Eryobha ni mutew gwa Kristo. ⁴ Omusubhe uno akusabha au akurota rakini akundikirye omutwe arakora ezisoni kumutwe gwaaye. ⁵ Kira omukari uno akusabha au kurota no omutwe gwaaye guri mwaasi arasukya omutwe gwaaye kwo kubha ni kama amuuri. ⁶ Kama omukari atakundikiirye omutwe gwaaye, amwebhwe ezinzweeri zyaaye zibhe nguhi. Erabhe ni soni kumukari kumwa ezinzweeri zyaaye au kuzikata, bhasi akundikirye omutwe gwaaye. ⁷ Etakwenderwa omusubhe kukundikirya omutwe gwaye, kwookubha ewe ni mfano kwa obweru bhwa Eriobha. ⁸ Bhoonigo omukari ni obweru bhwo omusubhe. Omusubhe atarekiri kuumukari. Nawe omukari akareka kuumusubhe. ⁹ Omusubhe atabhumbure kwa ajoiri ya omukari. Omukari akabhumbwa kwa ajiri ya omusubhe. ¹⁰ Ino nioesabhabhu omukari arenderwa yerekibhwe obhunagya iguru wo omutwe gwaye kwo kubha ya maraika. ¹¹ Hata ego, ku Taatabhugya, omukari atareho omwene bira musubhe, omusubhe bira mukari. ¹² Kwo kubha omukari akareka kumusubhe, no omusubhe akareka kuumukari. Ne ebhigiro bhyoosi bhirareka kuu Eriobha. ¹³ Mwihukumu emwe abhene: Nibhuzomu omukari asabhe Eriobhra eribhaga riyo omutwe gwaye guri mwasi. ¹⁴ Hata simuka yaabhu etakubherekererya kubha omusubhe arabhe ne ezinzweri ezitambi ni soni kunewe? ¹⁵ Je simuka yaabhu etakubherekererya kubha omukari arabhe ne ezinzweri ezitambi ni obhweru kunewe? Kwookubha aherwe zirya ezinzweri ezitambi kama ibhoho ryaye. ¹⁶ Omutu wowosi uno akwenda kuhakana iguru wa rino, etwe tutana bhung'eni bhundi, wara amasengero ge Eriobha. ¹⁷ Kuumaragiriryo gano garoho enye ntakubhakumya. Kwookubha hano mukusikana, etari faida ira ni hasara. ¹⁸ Kwanza, ndigwa kubha hano mukusukana mwisengero, muratwanikana kati yenyu, kuzisehemu ndamini. ¹⁹ Kwookubha mutagwigwererena emwe, ni kubha bhano bhikiriribhwe bhamenyere kunemwe. ²⁰ Hano mukusikana, kino mukuurya kitari kyakurya kyo Taatabhugya. ²¹ Hano mukurya, kira oumwe ararya kyakurya kyaaye omwene kabhura abhandi bhakyaari. Kuurya hata wuno asingiiri, na wuno agwatirwe. ²² Mutana enyumba yookuriira na okunywera? Ni hene murarega erisengero rye Eriobha na kubhasukya bhano bhatana kigiro? Ngambiri ng'anaki kwimwe? Ndabhakumya? Ntakubhakumya kuurino! ²³ Kwookubha nabhwe kureka ku Taatabhugya kirya mbaheri emwe kwookubha Taatabhugya Yeesu, obhutiku bhurya bhwamangiri, akagega omukate. ²⁴ Kwookubha yo okukumya, akakenyuura akubhuga, "Gano nigwe omubhiri gwane, guruho kwemwe. Mukoreebhu kwo kunihita enye" ²⁵ Nego ego, akagega ekikombe hano yariri, na akabhuga, '"Ekikombe kino kyaobhurage obhuhya kumanyinga gani. Mukorego kwibhaga ryoosi hano mukunywa, kunihita enye." ²⁶ Kwibhaga rino mukurya omukate guno no okunyweera ekikombe, murarika oruku rwo Taatabhugya mpaka hano ariiza. ²⁷ Kuugayo, kiira wuno akurya omukate no okunywera ekikombe kiyo ekikombe kye Taatabhugya, kyabhurya etakwenderwa arabha yiheri obhubhubhwo omubhiri gwa amanyinga go omutemi. ²⁸ Omutu yibhuurye omwene singa amare arye omukate, no okunywera ekikombe. ²⁹ Wino akurya no okunywera bhira kwitegerera, okurya no okunywa arihukunirwa omwene. ³⁰ Ino niyo esabhabhu abhatu abharu ni bharweri no omunyoha na abhandi bhakuuri. ³¹ Hano turirore abhene tutakuhukumirwa. ³² Hano tukuhukumirwa no omutemi turakyoorwa, iri tutaza kuhukumirwa hamwe ne ekyaaro. ³³ Kuuriyo, bhamura bheetu na abhasubhati hano mukusikana kukurya muganyaane. ³⁴ Omutu arabhe ne enzara, arye yika waye, hano murasikane hamwe etaza kubhaho ehukumu. Na amang'ana agandi gano mukamiri ndabherekerya hano ndiiza.