¹ Ndeanda ewe mumenye mura weetu na abhasubhati bhaaani, kwookubha bhataata bheetu bhahabha haasi weerisaro bhoosi bhakabhona gatiagati wee nyaanza. ² Bhoosi bhano bhakitirirya bhabhe bha Musa mwoosi werisaaro na mwoosi we nyaanza. ³ Na bhoosi bhakarya ebhyakurya bhirya bhirya bhye koro. ⁴ Bhoosi bhakanywa bhirya bhirya bhe ekoro. Kweego bhakanya kureka gatigati weerigina rye koro bhaaano bhakabhagyaku, ne rigina rirya rihabha ni Kristo. ⁵ Kweego Eriobha ritazomererwe na bhaaru bhabhu, na bhakubhabhu bhakanyaraganibhwa kukibhara. ⁶ Kweego amang'ana gano goosi gabheri gokutubhanibhwa kuneetwe, kweego etwe tutabha bhaatu bha kugongerya amabhihu kweego ebho bhakoriri. ⁷ Tutabha bhakusabha kubhino bhikukorwa, kyeego kubhaandi bhaaabhu bhahaaabha. Yiyo ni kweego ekakaamwa, "Abhatu bharikara haasi bhararya nookunywa, na bhakahuza okubhina kwo omugono gwa amega." ⁸ Tutakora obhusimbe kyeego abharu bhaabhu kyeego bhaakakora. Bhaakabha kurusiku orumwe bhaatu bhwikwi mirongo ebhiri na bhatatu kwookubheego. ⁹ Kweego tutamsakya Kristo, kyeego abhaaru bhaahu kyeego bhakamukora na bhakasaribhwa ne nzoka. ¹⁰ Na kweeki mutatinda, kyeego abhaaru bhabhu bhatindiri no kusaribhwa na maraika wooruku. ¹¹ Bhoono amang'ana gayo gakakoreko kwoo ebherengyo bhyeetu. Gakakaamwa gaturekyeetwe - bhano tukisengerwa kubhutero bhwe kaare. ¹² Kwookubha kuwuno akwirora yimereri abhwe mwiyangariri otaaza okuugwa. ¹³ Kutariho okusakya kuno kwabhabheni emwwe munobhitakwendewa mubhaatu. Kweego Eriobha nieriheene. Atakubhatiga musakibhwe kuhita obhunagya bhwenyu. Hamwe noobhusakubhwa ewe arabhaha ekiseku kyokusikirira, kyeego muranagya kugumira. ¹⁴ Kweego abhasegi bhaani mung'ose obusabhi bhoobhigiro bhyokukorwa. ¹⁵ Ndahaya na neemwe kwookubha ni bhaatu bhang'eeni kweego murore iguru ya rino nkerenia. ¹⁶ Ekisenzo kyoorubhango kino tukuha orubhango, bhutari bhugwatani bhwa manyinga ga Kristo? Omukate gurya tukubhega, gutari bhugwatani bhoo mubhiri gwa Kristo? ¹⁷ Kwookubha omukate ni gumwe, etwe turiabhaaru ni mubhiri gumwe. Etwe twoosi teragega omukate gumwe. ¹⁸ Murore abhatu bha Isrseri: Bharya bhoosi bhakurya ebhigiro bhya mwisengerero bhatari bhahokyo gatigati ya ehagiro hokusengerera? ¹⁹ Ndabhugabhwi bhoono? Yookubha ebhigiro bhyokukorwa nikigiro? Nawe ekyakurya kino rusibhwe omubhano gwookukorwa ni kigiro? ²⁰ Na kweego ndahaya iguru yebhigiro bhirya bhakurusya omubhano abhatu amakunene geezisi kwookubha bhararusya ebhigiro bhino kweemikama kweego ritari ku Eriobha. Nanenye ntakwenda emutabha bhumwe nemikama. ²¹ Mutakunagya kunywera ekisezo kya Taatabhugya ne ekisezo kyeemikama. Ntakunagya kubha noobhumwe gatigati yoobhutangura bhwo Taatabhugya na gatigati yoobhutangura bhwa emikama. ²² Kweego tumukorere erihari? Tunezinguru kumukira ewe? ²³ "Ebhigoro bhoosi nibhyaheene," kweego bhitari bhyoosi bhino bhikwenderwa. "Ebhigiro bhyoosi nibhya heene," Kweego tibhyoosigo bhikubhomboka abhatu. ²⁴ Atariho wumwe wunoakumohya amazomu geetu. Kweego atariho wumwe wabhu wuno akukumohya amazomu gaye. ²⁵ Muratura okurya kigiro kino kikuguribhwa kumtera kwookutama kubhurya - bhurya kweego yookwisega. ²⁶ Kwoobha "ekyaronikya Taatabhugya na bhyoosi bhikuzuribhwa." ²⁷ Nomutu wuno atakwikirirya akubhrarika okurya, na murenda okugya, mure kyokyoosi abhaheri kutakubhaho kubhurya mang'ana gamisego. ²⁸ Kwookubha omutu akabhabhurira, "Ebhyakurya bhino bhibhonekini eisengo kya makunene" mutarya. Gayo ni kwiguru waye gano yabhabhuriri, kwiguru yookugagongerya. ²⁹ Nanenye ntakutubhania kugongerya kwwenyu, kweego okugongera kwa wundi. Kwaki obhuhuru bhani bhusinzirwe noobhugongerya bhoomutu owundi? ³⁰ Okubha enye ndarya ebhyakurya kwookumugungya, kwaki ntakwe kwe kigiro kino ngungirye kukiyo? ³¹ Kweego, kyokyoosi kino mukurya okunywa, kyokyoosi mukukora, mukore goosi kwiguri wobhweru bhwe Eriobha. ³² Mutabhabhurya Abhayahudi hamwe Abhayunani kwisengero rye Eriobha. ³³ Musakye kyeego enye nkusakya kubhazomya abhatu bhoosi kumang'ana goosi. Ntakumohya bwera bhwani omwene, kweego ngabhaaru. Noosi ndakora ego kwoobha bhature kuturibhwa.