¹ Paulo wa mbopwe wa Kilisitu uu Yesu, nuu uumwanetu uu Timateo kwa Filimoni, ntogwi iiwuundaa dyetu n'donga milimo papamwi naswii. ² Na kwa Afra ilimbu dyitu,na kwa Arkipas uundwani uuwamitu, na kwi iitekelo line likomenana kukayako. ³ Uulutongo nu utekamu ineifumile kwa Mulunguu uuayi tu na kwa Yesu uu Kilisitu.. ⁴ Iisiku zyosi nakunsalifya u Mulungu. Nakutaka kulenga kwane. ⁵ Nivwa ulutogo nu utekamu wine ulinao Tayii Yesu kwa asaliili wosi. ⁶ Na mlenga uungano nu lutogo lwinu nu linganyi wa mbola inonu line lili kwa Yesu uu ilisitu. ⁷ Vino nawa nulutongo nu utekamu kulutogo dwako, iimioyo ya asaliili italazwa nawe wamitu. ⁸ Epa vino ndili na amaka yosi iyaka Kilisitu na kutuma uwewe kulonga chene ungalongwa. ⁹ Epa kulingana nulutongo, na kufunda nene na Paulo mwine na nchikulu, epa na mbopwe wa Kilisitu uu Yesu. ¹⁰ Na kufunda kwa mwanane uu Onesmo, mwine ndezile kuvifungo zyane. ¹¹ Vine kuwandilo kutakukwila epa akukwezile uwewe na ninye. ¹² Nantuma umwene mwine iwa moyo wane ichinisi kusua kukwako. ¹³ Ngati iza aendelee kushala nani, ngani andongele badala yako,nge pine ndili kuchifungo kwa ajili ya ienjili. ¹⁴ Nanga vivyo iza ndatogwa kulonga imbola yoyosi. Nalongile huli ngani imbola yoyosi inonu iloniwe kukuti nakushulutisha, ila watogwile wankala kundongela. ¹⁵ Pamu vine wipewle nawe kisambo, yawile hulo nani uwe nakwe isiku zyosi. ¹⁶ Ngani utawe kalinji wa chilonelo ili kupita kalinji nuchilongelo. chanati umwanetu mwine ntogwile kulu nene, ichisini kukwako ku nimbili wa Tayi. ¹⁷ Nanga hulo vine wansendela unene na minu, ntangane changati vine ngi wandangana unene. ¹⁸ Nge akukoselile imbola yoyosi, nge umakundai chochosi, chida kufuma kulunene. ¹⁹ Nene na Paulo nakwandika kunkono wane nankala: unene ngulipa. Ndatela kkuti nakudai amaisha yaka. ²⁰ Haya wawitu leke mbale ullutogo lwa Tayi kufuma kukwako uunonezye umoyo wane kwa Kilisitu ²¹ Iza ndili na izumilo kwishima kukwako nakukwandikila nuku manile kukuti ulonga kupita vine na kulenga. ²² Paponye uchandae ichiwaza icha ayeni kwa ajili yane, kwani mbangaile amalengo yako kukwendangila isambo lili. ²³ Epafra, mbopi wamitu kwa Yesu uu Kilisitu amakulamka. ²⁴ Changati vino alongae uu Mariko, Aristariko, Dema, Luka, alonga milimo papamwi nammni. ²⁵ Ulutogo lwa Tayi u Yesu u Kilisitu vine papamwi ni loho yako. Amina.