¹ Uu Yuuda uuzya wa Yesu u Kilisitu, nuu mwanao u Yakobo kuu wala wene wiitwa, atgwe kwa Taii Uumuulunguu, na kuusuungwa kwa Yesu Ukilisitu. ² Uutekam nuu lutogo vyonjenzye kwe kuuluumwemwe. ³ Wawawiitu, pine alinge nawiika uulo kuwaandiikiila uumwemwe kuupuuluushii wiitu wosi, iza navwambiwa kuwandiikiila na kuuwayanguula ngani mwikwese kuutekam wine iza ampile luuluumwi kwa saleli. ⁴ Vino awandu wamwi winjiila kupisa pakati yitu- awandu wene wawawiikiiliile iialama kuhukumu awanduu wene kasi apeule wene wageuzya ulutogo dwa Muulunguu wiitu kwa aluwazi, na kuukuunka na Utayi wiitu adyuumu u Yesu u Kilisitu. ⁵ Epa nawizusha umwemwe viine kuuli sambo mwamanile kuutimuu kuukuuti Utayi wawapulwishwe awandu kuufuma kusii iya Misiri, nanga ulo wawako minge wala wene walinge watanzumiila. ⁶ Na malaika ene alinge wataiisuunga iisikuu yao akala pine waleka uwikalo wao uwa Mulungu wawawilka kuu minyororo iiya sikuu zyosi , iinkasi ya chisi kuu hukumu ya siku iila inguuluu. ⁷ Changati Kusodoma na Kugomora la nii kaya zyene ziipilime yene iiyiinjile iingala kuuwuukuwi nukuu waikonga iisula yene kasi iingaya. Walondizywe kufwaniinganye ya wandu wene alinge wagaya kumagayayo aya ndiilo uwa siku zyosi. ⁸ Nanga uulo kuziila yiila nye yiila waalota nape ewa waluwangaya iimiimbiilii yao na kuukana uukali na kupanga izya ulongofi kupita uunsokofu. ⁹ Nanga Uumikael umalaika uukuuluu pine alinge amapotana nuu uiibiilisi n kukwiiwiilikiisha nakwe kuu mbiilii uwa Musa, alinge atayezya kuleta iihukumu iya uulongofi kuulumwene, nanga uulo watezile kuukuuti , "Utayi akukaliipiile!" ¹⁰ Nanga uulo awandu ewa aletaya uulongofi kupita chochosi chene watachimana. Na chila chene anyama watakola iinjele wamanaya akala- eya yene yawaluuwinge. ¹¹ Ole wao! Vine weenda kuu- zila iiya Kaini, na kulikonga iwi idya ka Balaamu. Wafwa kuuluwazi uwa Kora. ¹² Ewa wene ivitunda kuuwiinga wiinuu uuwa luutogo, wene wasekela bila lyazi, wakwiidyiisha wene akala. Yene amakuumbii yene yatakola amazii yene yasendiwa nuu mweya, yene amakwi yene yalakishe yese yatakola amakomi ngani yafwe luu wiilii yene waikumbwii amasinde. ¹³ Yene amatundumusi aya iindukuwa yene yaliiniichongo yene yafunya iiyazi dyao aakala, Zyene iizota zina zikwendaga zina uuwiluu wa chiisi wawiikiwa kuluwene iisiiku zyosi. ¹⁴ Uu Enoko, uwa saba yene aliinge afwatiingiine nuu Adamu, wawile ilagu kumyayo, watela , "Lola! Nkali ayiziilena maelfu kuumaelfu aya sokofu wakwe. ¹⁵ Ngani alonge iihukumu paluuluu ya chila nduu na kuwanye pa wosi wene watakuundenya uu Muulunguu kuu yosi yene waayalongiile kuu zila zyene kasi izya wala wene apeule, na kuunogwa zyosi iingalii zyene kasi izya apeule waayateziile kuuluu mwene. ¹⁶ Ewa weme wala wene wakuumana, wene wakonga iisuula zyao izya amawii, wene wakwibaanda iichiisiini, vina ngii chine wapata walongopa amyao. ¹⁷ Umwemwe, wananawitu, izwiiki iinongwa zina zyateliwe apakali na ahemba awa Taii uu Yesu uu Kilisitu. ¹⁸ Watezile kuminuu kuukuuti apamalizya kuukuuwa na wanduu wene walii ni byedo wene wakonga iisuula zyao zyene kasi iimbeule. ¹⁹ Awandu ewa wapeulaya, wameniwe nii iisuula izya pakaya,kaliinjii watakola umoyo. ²⁰ Epa uumwemwe wanawiituu changatii vine mwizyengelile kwii izumiilo dyinu isokofu iichisini, na vine Mulenga kuu Moyo unsokofu. ²¹ Mwisunge kuu lutogo udwa Muulunguu na kuuweta iiteko dya Tai witu uu Yesu uu Kilisitu yene amawapa uupuuma uuwa siki zyosi. ²² Londezyi iichiitimbano kwa wala wene walii nuu wowa. ²³ Muuwapulushe awanjii kuuwinuula kufuma muundiilo. Kuuwanjii londezyii iinguumbuu kuu wowa, ngii mwanyesa nanga uumwenda wene uuwiikiwe iiwala idya mbiilii. ²⁴ Epa kuu kwakwe yene awezizye kuuwasuunga mtikumbe, na kuuwawiika mwimiiliile kumbele iya utiimu wakwe, yene iitakola amawi na kukuwa nii seko iinguulu, ²⁵ Kwa Muulunguu uumpuuluushi kupiitiila uu Yesu u Kilisitu uutaii witu, untimu uwe kuulumwene, uukuuluu ni cha longa na maka kwi sambo dyosi, nii saalizi i siku zyosi. Amina