¹ Isaizi, nakukwandikila uwewe walutongo iyi ibarua iyauweli shangani ikulangazye changati injele, ² iyi changai uwezye kukubuka imbola yene yateliwa nmbwilagu nuu utukufu shangine iamri yene iya nkasokofu wetu upulushi ku watulima alinganishi. ³ Umane iilii moja ungati chavine wakanile walize shangani ulusiku dwamwisho kuwasumba umwemwe, angi wawala ivinonu na amajivuno yao. ⁴ Na nginawapozya kukuti ilikwi iadi iyasuwa? Utayi witu wafile, shangine ivindu vyosi alinge vilolonyulo kufuma kali inge wauba. ⁵ Wifanyile kukwiwa ugati isi ni kumbi zyazizye kumanikwa naamazye na kupetela amazye apakali alinge, alinge kulineno idya Mulungu. ⁶ Nakupozya kupetela imbola yakwe na amazi yawa pikumbi isiku zyosi ungati izula amazye, waluwangiki liwe. ⁷ Shangani isaeza palulu pikumbi ni induniya zituzimwe ku maneno eyonyeyo chagati ichimanilo chandilo. Vikazile changati ichimanilo icha ulusiku udwa iukumu na ukomazi ya wandu wene kasi awaka Mulungu. ⁸ Iyi sanga iwezye kudyega ujumbe uwakukwakwe, atogwe shangami isiku idyemi changati upulushi ni changati imyaka ielufu idyemwi na miaka iyelufu idyemi ni changati isiku idyemi. ⁹ Si shangine Utayi amaloga kutalatibu kuvamba ihodai changati amafikiliwa nungati, nakuti umwene unvumilivu changati ukali winu, umwene atatamanianga dyumu azimile, shangani wavyamba kuusha amasaa ngani wosi washuke wakili. ¹⁰ Shangine, ulusiku dwa Tayi lulize changati umwivi ikumbi lilapete nukulilamba ichongo ivindu zilazimangizwe ku ndilo. Ise ni vindu shyosi ivindu vyosi vyene vilimla vilaoneke pawelu. ¹¹ Changati ivindu vyosi vilawe vyazi mila kuzila ila ngani ulawe wandu wanamna chii? umaisha kutukufu na amaisha aya chi Mulungu. ¹² Shangani umane nuku mwelewa iyalaka uwizilo uwakumwene ulusiku udwa ka Mulungu. Ulusiku ulo ikumbi lila teketee kungilo, ni vindu vilayeyushwe changati ilungula ikali. ¹³ Shangani kuwika ihooda iya kumwene, tuwetekela ikubi upya ni esi impya, changati awene wene wakamike walaishi. ¹⁴ Ulo atongwe shangine tuzivyomba ivindu izi, itaindi kumankini na utalaumiwe nungati izumilo papamu i nashwi. ¹⁵ Na kuwetelekela uvumilivu Unkali witu changati upulushi, changati utogwe wakaka wetu u Paulo, chavino wawaindi umwemwe, na changati na ishima dyene wapewiwe. ¹⁶ U Paulo amatelela eya yosi kupitila ibalua nzyakwe, kuli vindu zyene ivi kangu kuvimara, awandu wene wata watakota la ishima ukakamavu waviluwinge ivindu ivyo, changati vine walonga ya ku maneno. Kuwara kumaangamizi ayawene. ¹⁷ Nulo, mwatogwe shangani uyamanili eyo. Ilindi umwemwe shangani mutize mulongopiwe nuu ulongofi nu uwivi nu kuulizya uluazi. ¹⁸ Shangani mukule shangine ulutogo na kumana kukumana ukali nu mmpulushi u Yesu u Kilisito ni isaizi isikuzyosi ishisini.