¹ Lolii uuluutogochi yene atupile utaii kukwiliwa awana wa Mulungu na vino luulii. vino uwelelo uuchli uutatumana vino, alinge uutaimmna uumwana. ² Wanawiitu usweswe twawana waka Muulunguu, poshe wuulo iitamanikwa kuukuutii iikuwa wuuni. Tuumanile kuukuutii uu kilisitu ngi waoneka tukwifana nuu mwene viino tuukumbona viino alii. ³ Na chiilandu mwene hatakola uuwowa kuukuutii iisambo liiziile kuulumwene kuukwiielufya mwene changati uumwene vino uusokofu. ⁴ Chiilandu mwene aendeleii kulonga iimbi kuuvuuna amasunde. vino iimbi uuvuunifu wa masuunde. ⁵ M'manile uu kilisitu wiziilishe uuli kuuziifunya iimbi zyosi. Na iinkasi yakwe kuutakola iimbi. ⁶ nayuumu mwene aduumu inkasi yakwe na kuukwendelea kulonga iimbi. ⁷ Wamawitu mtayozye kuulongopwa nuunduu yeyosi. Alongaye uusokofu na mwiine uusokofu, viino zili uu kilisitu napiinye usokofu. ⁸ Alongaye iimbi vino uuibilisi alongaye iimbi kuufumiila uuwandilo. Viino zili uu Mwana waka Muulunguu wiilondizye kuuiluwanga iimiilimo yaka iibilisi. ⁹ Yeyosi mwene aleliwe nu Muulunguu hatalongaya iimbi, viino iimbeyuu yaka Muulunguu iimakwiikala iinkasi yakwe.Tanga apimbile kuulonga iimbi viino alelikwe na Muulunguu. ¹⁰ Kuulili awana waka Muulunguu na awana waka iibilisi wajuliikine.Yeyosi mwene hatakola chine chi sokofu kasi waka Muulunguu yula mwene atan'togwa uumwanao. ¹¹ Izi zine iimbola zenetwiivile kuufuma pawandilo , kuukuuti tuumavambiwa kuukwiitogwa uusweswe kuu sweswa. ¹² Kasi viino uukaini mwene alingeni iimbi na wankominge? vino alinge alini iimbi nii yaka mwanao yalinge yausokofu. ¹³ Wanawitu mtakasamale piine uuwelelo uuwanyesela. ¹⁴ Tuumaniile twafuma kuufwile na kuukwinjila kuupuma, viino tuuwatogwile amiitu. Yeyosi mwene atakola utogo ashalikile kuufwile. ¹⁵ Uundu yeyosi mwene anyeselile uumwanao un'komazi . Na muumanile kuukuuti uupuma uuwa iisiku zyosi uutakwiikala inkasi yan'komazi. ¹⁶ Kuuliilii tuulimanile uuluutogo, viino uu Kilisitu afuunyizye uupuma wakwe kulusweswe. nuu usweswe tumava mbiwa kuafunya amaisha iitu kuwamiitu. ¹⁷ Poshe wulo yeyosi mwene alininjatu na amakumbona uumwanao mwene atakola, poshe wuulo amaukana uumoyo wake wii iinguumbu kuuluumwene,Je uuluutogo iwaka Muulunguu luukwiikala chifanochi iinkasi yakwe? ¹⁸ Wanawane atogwe,tuutatogwe kuumiindomo. Poshe kwa iivitelo vitupu bali kumalanganizyo nuu uukweli. ¹⁹ Kuulitii tumanile kuukuuti usweswe tuuli ku uukweli, ni iimiioyo iitu iimalondoosha kuulumwene. ²⁰ Changati vino iimiioyo iitu iimatuhukumu uu Muulunguu uunkuulu kupita iimioyo iitu, nuu mwene amanile imbola yosi. ²¹ Atogwe ngii miioyo iituu iitatuhukumu, tuuliinao uujasili kwa Muulunguu. ²² Ni ichochosi chene tuulenga tuchipata kufuma kuulumwene , viino tuulonga iimbola zyene zyakunonela kuuumbele yakwe. ²³ Niiyi yane amasunde yakwe kuukuuti tuumavambiwa, kuukwamini kwiittowa dya mwanakwe uu Yesu kilisitu na twiitogwe usweswe kuusweswe changati viino atuupile amasuunde yakwe. ²⁴ Mwene amalema amasunde yakwe hukwiikala iinkasi yakwe, nuu Muulunguu amakwikala iinkasi itu, kuu yuula umoyo yene atupile