¹ Chila chene alinge kufuma uwandijo-Chene twiivwile chine twachiona ku-miso yitu chine twachilola ni mikono yitu yalema-ipangwe indya upuma. ² Na ula uupuma wiine walongeliwe kumanikwa, twaulola na twachitotondomesha, na kuwatangazyiizya uupuma uuwa iisiku zyosi. ³ Chila chene twachiona nakuchiitegezya tumachiitangazya kuuminu, ngani mkomengane papamwi nusweswe, nuu-ukomengani witu papamwi nuu-Tayi nuu-Mwanakwe u Yesu Kristo. ⁴ Tuuwandikila iimbola izyi umwemwe ngani isekelo dyitu liilinganile. ⁵ Izyi zine imbola zinetwivwa kufuma kukwakwe na kuwatangazyizya:Uumuluunguu nu-welu na nkasi yakwe kutakolichisi nangakache. ⁶ Nge tumakela kukuti tulinu ukomenganifu nakwe na tuukwenda kuchisi, tuwalongopa na tutalonga izya mwene. ⁷ Ngiitwenda kuuwelu changati vino iili kuuwelu, kuukwavwana uusweswe kuusweswe, nuulanda uuwa uu Yesu Kristo; uumwanakwe kutwelufya kufuuma kuumbi zyosi. ⁸ Nge twati tutakoli iimbi, tukwilongopa twa wene akale, uumwenemwene uutakwali nkasi mitu. ⁹ Ngi twatonda iimbi zyitu uu-mwene uuwa mwenemwene ni sao kutulekela iimbi zyitu nakutwelufya iimbi zyitu. ¹⁰ Nge tutele kuuti tutalonga iimbi, tukumbika umwene kukuwa undongofi, nuulunogwa dwakwe nalimu nkasi yitu.