¹ Mafarisayo ne bhamwi bhebhandisi abho bhabhanga bha vwile Yerusalemu bhibhilingile kumupilima eye. ² Ne alabhona bhi hamwi bhe bhahemba bhalalya mukate hane kulabha yaya. ³ Bhafalisayo ne bhayahudi bhona bhata kulyanga olo bhatekala bha mabhoko gabho kusoga, walakwatilile kazile ke bha na mpala. Ahone ⁴ Mafarisayo olo bhakuvwa sokoni bhatakulyaga mpaka bhoge mbela, neka zile kandi kaliho ako bhakulondezyanga ane, nesi hamwi ne kozya vikombe, masafulia, viseme vya syuma, nelo matebhe gakwikalizibhwa mukulya.) ⁵ Mafarisayo ne bhandishi bhalamu bhuzya Yesu, "Kusi bhahemba bhako bhatali bhwikale katiomo hebha nampala, oko bhakulyanga mukate neku kalabha yaya mabhoko?" ⁶ Na he alabhabhwila, "Isaya alahama kusoga kwimwe bhatolani, alandika, bhantu abha bhekunkuzyanga hami lomo yabho tuhu, nahe mizyo zyabho zyali hale none. ⁷ Bhalongeme kwisenga okwo kutali neka panga, bhaku ladya malandisyo ge bhantu bhekulazyanga malagilo gabho.' ⁸ Mulailekile ilagilo lwe Mungu nekukwatilia habhwangu mizilo zye bhantu." ⁹ Ne alayomba kwabhe, mwalilekile ilagilo lye Mungu ha bhwangu koti mukwate hizilo zinu! ¹⁰ Oko Musa alayombe, 'mukuzye nsyo ne noko,' noyo ekuyomba mabhi ha lise nolo hali nina akufwane.' ¹¹ Nahe mwekuyomba olo muntu alayomba hali ise nolo hali nina kuhelwa lyoko kwona mweka kuhelwa kuvwa kone ne bhikilo lisalililo,'' (Nge kuyomba oti ilapunya hali Mungu') ¹² Otine itenka muzumilizya kubhezya muhayo ogwo ghona hali ise nolo hali nina. ¹³ Mwekulilemela elye lye Mungu kubha gele kwe kuleta mizilo zinu ne yindi yindi eyo mukubhezyanga." ¹⁴ Ala bhalanga bhantu bhiki nekubhabhwila mundeleke one imwe bhona nemuni nvwe. ¹⁵ Sitalino sintu syehohona esyo sikupunhyanga helu ye muntu esyo syenkamu bhiya muntu, syenkamunisya we, nahe syo syeka mupunhya muntu ngesyo syeka mubhiha. ¹⁶ (Ibhukile lwata olwa olo muntu ali ne matwi ge konvwa ninvwe, utalimo mubhandikwe bhekale). ¹⁷ Yesu bhabhaleka bhantu bhinkine kwingila munumba, bhahemba bhamwe bhala mubhuzya hisigemela esyano. ¹⁸ Yesu alayomba, "Negwene musyali kwitegelezya? Mutekumanya oti esyo syona sye nkingila sitenka bhiha muntu, ¹⁹ oko kusyekazya kwi mwiso gwamwene he kwingila munda nekuzya musalani." Ha mihayo eyane Yesu alasibhezya esyo silibha syona sibhe sisoga. ²⁰ Alayomba, "Esyo syeku mupuna ndesye syekumubhinganga muntu. ²¹ Oko kuvwa mu muntu, helu ne mwizo gwe muntu, hakupunanga neganiko mabhi, bhusihani, bhivi, bhwihazi, ²² bhusobhozyo, kwikumbwa kubhwi, bhubhwi, bhubhehi, kusanzya, ibhubha, bhugayilila, kwibhona, bhuhumbe. ²³ Mabhi gona gapunhya mugati, gago gakumubhingaga muntu." ²⁴ Alabhuka kuvwa ahone ne kuzya ha mukoa bhe Tiro ne Sidoni. Bhalingila mugati he hatalasima muntu tyeyo bhona amanye aho ali nahe italadulika kumubhisa. ²⁵ Nahe simililene ukima oyo mwana bhamwe mudo aline mwizo mubhwi alinvwa mpole zyamwe, aliza, ne alagwa mumagulu gwamwe. ²⁶ Mkima oyone ali Myunani, bhe luganda iwe Kifoeniki. Alamwikumbilizya alilusiye syambwa kuvwa ha mwanike bhamwe. ²⁷ Yesu alamubhila oyo mukima leka bhana bhalisilwe mbela itali kusoga kubhusola mukate ge mwana ne kubhatagila mbwa." ²⁸ Na he mukima alamusubhya ne kuyomba ngotine mukama, no lo mbwa ha meza akulyanga ebhyo bhesaga hasilibhwa sye bhana." ²⁹ Alamubhila, "Oko bhayomba otine nzyalelo isambwa lyamu vwileho mwanike wako." ³⁰ Mukima alasubha kaya bhamwe akamusanga mwanike bhamwe agonile habhulili, ne sambwa lya bhanga lya muvwileho. ³¹ Yesu alapunayo kandi ha mukoa bhe Tiro nekuhitila Sidoni kuzilila ha nyanza ye Galilaya kuhisya halubhahih lwe Dikapolisi. ³² Ne bhala muletela muntu ali nzibhe nali atayo mbanga kusoga bhalamwikumbilizya Yesu anenekeze mabhoko gamwe mwigulu gwamwe. ³³ Alamupunhya helu halimbwiso ne alatulo mata gamwe ha matwi gamwe aho bhamala kutuga maswante alakumika lulimi lwamwe. ³⁴ Alalangamila lugulu mwi lunde alesela alamubhwila, "Efata," Ngekuyomba oti "Iguka!" ³⁵ Simililene matwi gamwe galiguka nensyo sya bhanga silakemezizwe lulimi lwamwe luladula kuyomba kusoga mpola ezyo ne zindi. ³⁶ Alabhahangiza bhatakala mubhila muntu tyeyo bhona. Katyomo alabhalangiziga ngomo bhalongezya kuzya bhakuyomba mpola ezyone bhinki. ³⁷ Tyotine bhalakamala nekuyomba bhagema mihayo yona kusoga oko bhabhagema nzibhwe kunvwa ne bhatita kuyomba.''