¹ Nkamaha omorabu oonde omonene arika hanse kuru kigoro. Wanyore abhohirwe kurisaro, na hareno ubhatha bwa bhasi kigoro ya omothwe gwaye. Ubhusio bwaye bware kio kiriobha na magoro gaye gare ilimikimithimo gya omoro. ² Yagothereye endaghana enke kokobhoko kwaye wanyore rekondokoywe, yathere okogoro kwa bhoryo kigoro yinyasha na kogoro kwa bhomosi kebhara haomo. ³ Akamara akathema inkubha ya kigoro kiendwa eno ikuruma, na shenkagha hano yakore inkubha kienkobha muhungate shemo shikuruduma. ⁴ Nkagha shekobha mhungate shikurunduma, nare hang'hi kuandeka, kamara nkaigwa enkubha kurwa kuryobha eraghmba, "Beka ebhe isiri keno ekebha mhungate sheghambhiri. Othakandeka he." ⁵ Wiki omorabhu ono naroshe aimereye kigoro yainyansha nakebhara yainyokeri okobhoko kwaye kigoro kuryobha. ⁶ Na akaihimiria koora aikaye nsiko shionswe ono yabhombire ryobha nabhonswe bheno bhemo mokebhara na bhyonse bhemo, ninyansha nabheno bhemo. Thekobheho no kusherereha wiki. ⁷ Kushinsiko shera, shenkagha abharabhu mhungate hanobharihika kothema ekeronda kiye ho ikubha ya Waryobha anyore ihikiri, kobhora yaghambire ko bhathomwa abhaghambi." ⁸ Inkubha eno naighure kurwa kuriobha yantheberi wiki; "Kai, ogege ndagano enke eno yahonyoywe keno kerenge kokobhoko kwa omorabhu ono aimereye kigoro yainyansha nakigoro yakebara. ⁹ Wiki nagheye komorabhu komothebia ang'hana endagano enke.Yantheberi, "Ghegha ndagano na oragere. Norakore enda yaho ebhe no bhoro, kogera kumunywa gwaho nderabhe rishomeru kya bhoke." ¹⁰ Nagheghire endagano enke kurwa kokobhoko kwa omorabhu nakakura. ndiare rishomeru kya bhoke kumunywa gwane, nkagha ahoreye, enda yane yabhaye endoro. ¹¹ Nyuma naighure inkubha eranthebya, "Orathunwa orotho wiki kobhanto abharu, mokebhara, kobheghambo na kobhekoro."