¹ Mushe bhonigo, bhenyu bhano morenghe abhame, mukure ko ong'oro ghwa keghoro ko bhora inyano eno ighusha ighoro yetho. ² Ubwame bhwemyu bho saribhuni na amaswaro ghenyu ghata kunyirwa ne ebhekonde ebhesarya. ³ Esha zahabu eshenyu na shimbiria eshenyu shebhore ubhuera, na abhosarya ubhakombora mahwe ko bhenyu nu kwigwa emebhere ghenyu ko omoro. Mwitoreye emong'o ko inshinsiko sia mwisho. ⁴ Mohame, amareho agha abhakori bhe meremo bhara bhano motarare ha ko mageso ko emegondo ighienyu, bhara kura na ikikuro kyabhaghesi bhara bhaghesire ebhakurya ebhenyu kihikire komathwe agha enonkwe wa abha serekare. ⁵ mmomanyire ekesono mukyaro na murishomya abhene ko bhene. Mmurrinoria shenkoro shienyu ko urusiko urwa obhoghoghi. ⁶ Ekebhohe na ukwita bhano bharenge ko bhohene ono ataghatoroka kobhanga. ⁷ Ko bhuyo mogomerri bhahiri, ubhuchi bhwa omokhama, kobhorra omorremi okoghanya omogeso umuya ghukurwa kukiaro, arraganya ko okoghomeria ko we, kuhika kushimbura sia mberre na sera sheghatwa. ⁸ Bhonswe bhenyu mobhe abhaghomeria, mokong'e emioyo kobhora ukucha ki o mokama ko hang'i. ⁹ Bhahiri, motaka itema errisoro abhene ko bhene, kori motaghasha ko bhohwa. Mahaa, omobhohi arimerra moghesaku. ¹⁰ Ko ukutobhnia, muhiri, momahere inyanko ko obhogomeria ubhwa bha bharothi bhamahe kaini korina ria omokhama. ¹¹ Momahe tora bherekere bhara a bha ghomerrya, "hahoo, mwighure obhogomeria ubho Ayubu, na mmomanyire ukuthuna kwa omokama hare Ayubu. ne yake omokama ishoye amabhe na ubhunyohu. ¹² Koheta ghonswe bhahiri bhane, mothaka ihemeria ebhe ko ikiaro hatha kwe saro. Hatha amehemerio aghande okobha "ukwitabheria ukwenyu ndaragheria igha" " Okwikeria na okwangha kwenyu" na yaroki "ukwanga" kori motagasha ko gwera mo kibhohe. ¹³ Aho uyo onswe ko bhenyu ana inyanko? mpakha asasame na omonto ono onswe ana obhosansoruku? na arenti ubhukumia. ¹⁴ Aho ono onswe ko bhenyu ono arore? Na abhe rekere abhaghakha abhe erisongero . Na abhaghaka bhi sengero bha mo sabhure, bhamohake amaghuta ko erina erya Waryobha. ¹⁵ Na masabhi aghobhohene ng'ara hueni omoroye, hano aranyorre akorre ara sarya Waryobha naramwabhere. ¹⁶ Ko bhuyo ukwirabhia obhobhe bhwenyu abhene ko bhene, ko okosabherana omwe ko murikiaye kori, motore kubhwenibwa. Amasabhi agha omo heene ghara ibhora ubhuya obhonene. ¹⁷ Eliya yare omonto mwene amaithagherro kia agheto ya sabhire ko shinguru igha imbura ethagakathwa. Ekhanga kuthwa eya emioka ethatho na emieri esansabha. ¹⁸ Eliya akasabha ghwiki, eriobha sikitera embura ku kiaro na ekiaro kekanyora omogeso. ¹⁹ Bhahiri bhane, ko ono onswe kobhenyu hano ya thuna kwichoka ko maheene kosa omonto onde akamukiorya. ²⁰ Na amanye igha, ono onswe akoragherya omosarya kurishoka ko nshera yoghosarya na arahweni enkoro yaye kukurwa ko bhaku ara ghubhe ubhwaru ubwa obhobhe.