¹ Hano Petero na Yohana bhashumashaga na abhantho, abhasubhi na omorendi wa risengero na Masadukayo mbageye ho. ² Wanyore barereye bhokong'u kobhora Petero na Yohana bhabheginga ko Yeesu no kotangasa kwabho iga yaryoka kuru kobhaku. ³ Mbathagothire bhakathora mwigeza mbaka inkyo enayafathire, kobhora wanyore emare kobha mogorobha. ⁴ Okobhako abhantho abharu wanyore bhamare kwigwa amang'ana bhakikeria abhashasha bhano wanyora bhakeri bare ebhekwe betano. ⁵ Hata hano yahikiri ikiyo yaho runa rufathire igha abhanene bhabho abhaghaka na abhandeki, ko hamwe mbaikomire Yerusalemu. ⁶ Anasi umusubhi omonene hoyare, na kayafa na Yohnana, na Isaka, na bhonswe bhare bhawabho umusubhi omonene. ⁷ Hano wanyore bhathore Yohana na Petero gathegathe yabho, mbabhabori, ko bhonswe ke au kurina ke mokoreye gano? ⁸ Okonyora Petero aishoywe na omoka ohoreru, akabhathebia, benyu abhanene bha bhantho na abhagaka. ⁹ Nyere bhentho rero thoboribwa kong'ana inshiya eno ikore komontho oroye. Ko nshere ke omonthono akorwe mohoru. ¹⁰ Bhono emanyekane hare bhenyu no ko bhantho bhonswe ko bhaisraeli, Iga kurina rya Yeesu Kiristo uwa Nazareti, ono mwathemereye ono Waryobha yariokeri kuru kobhaku, konshera yariga omontho ono amere hano bhere yenyu arenge omohoru omorebhe. ¹¹ Yeesu Kiristo nirigena reno abhahaghashi mwaresere, bhonigo rikorwe kobha righena rinene irya mbareka. ¹² Thebhoho okothoribhwa ko montho oonde ono kare bhonswe kobhora thereho rina riende hanse ya iryobha renorihaywe abhantho, reno kuriyo thowensa kothoribhwa. ¹³ Bhono hano bharoshe obhokare bhwa Petero na Yohana, na bhakamanya igha mbhare abhantho bha tobhu bhano bhathare hatha na kesomo bhakaroghora bhakamanya igha Petero na Yohana mbare hamwe na Yeesu. ¹⁴ Kobhora bharoshe omonthora yahwenere emereye hamwe nabho, thebare na ng'ana ya koghamba kobhohe. ¹⁵ Okobhako hano bhamare kwikeria abhathomwa bharisheka bhagende mbere ya mumuguthano ugwa ribara mbhasumanshire abhene kobhene. ¹⁶ Mbhagambire yake tharakore abhantho bhano? Kweri bhakore ekentho kya korogora kushinguru shiabho, mbamanyekine na kila ono amenyire Yerusalemu, thethe wese kwanga riyo he. ¹⁷ Bhono eng'ana eno ya komnyekana kobhantho bhano thohani abhantho bhagekogamba wiki ko montho wowonswe kurina reno. ¹⁸ Mbarekeye Petero na Yohana mnyumba na kobhakania kemwe wabhage kushumasha hata kuegia kurina rya Yeesu. ¹⁹ Bhono Petero na Yohana mbhahonshokeri na kobhathebya, nyore mbhuya ko maiso ga Waryobha kobhoha bhenyu kokera Waryobha, mwihokomere abhene. ²⁰ Hata igho honothwamare kobhakania shetho thithuthige koghamba amang'ana ghano ghano thwamaha koghagiara. ²¹ Hano bhakanibwi bhokong'u, Petero na Yohana, mbhabhathigire bhagende. Thebhanyore eng'ana yoyonswe eno ekaghera bhahokomerwe, kobhora abhantho bhonswe mbhare kokonia Waryobha kokera kionswe kiyaikore. ²² Omontho ono nebehwe ibhia ukuhwenia wanyore ana imioka geno ghikuhika merongwene. ²³ Hano bhathigire bhorage, Petero na Yohana mbaishire ko bhentho bhabho kobhathebhia gonswe ghano abhasubhi na abhaghaka bhabhatheberi. ²⁴ Hano bhaigure mbhasumanshire bhokong'u ko hamwe ko Waryobha na bharaghamba, " Omonene nuwe wabhombire iryobha na ekebhara na inyansha na keno kionswe kimo. ²⁵ Uwe ono ko omokama omohoreru ko munywa gwa thatha wetho Daudi omokori we meremo waho, wagambire, kwahe abhanto bha ekebhara bhakore inyanko, na abhantho bhaithegereye ghano ghathare amaiya? ²⁶ Abhathanghathi abhekebhara bhaimere hamwe na abhakoro bhaikomire hamwe kogera omonene na kogera omoghabhi wabho. ²⁷ No bhohene bhonswe Herode na Pontio Pilato hamwe na abhantho bhe kebhara na abhantho bha Israeli, mbhaikomaini hamwe kuumugi gono ko motangathi wao omohoreru Yeesu, ono wahakire amagutha. ²⁸ Mbhaikomaini hamwe kokora gonswe gano amabhoko gaho no obhohanshani bhwao bhwamoyo kurwa kare netha bharasha. ²⁹ Bhono, omonene, maha amathakio ghabho, na ohane abhana bhaho koghamba eng'hana yaho ko obhokare bhonswe kore. ³⁰ Hano mamboye okobhoko kwaho ukwa ubhunia, nobhorageria na ebheka bhewense kuokora kohethera irina na omokori wa emeremo waho omorabhu Yeesu. ³¹ Hano bhamare kosabha hano wanyore bhaikomaini ko hamwe hayo, hakasingisibhwa na bhonswe bhakishorwa no omahama omohereru na bhaghambe eng'ana ya Waryobha ko bhokare. ³² Rikomo rinene nia bhara bhaikerei na bhono bhare moyo gomwe na omokone gomwe: na athaho hatha omwe wabho ono yaghambire igha keno kionswe yarenakio kiare ikiaye umwene; ko mbareka eyende mbhare nethentho bhonswe ibhia hamwe. ³³ Kushinguru shenene athomwa mbhere kothangasa ubhohene bhwabho ko ukurioka kwa omonene YeesU na obhohene obhonene bhware kigoro gabho bhonswe. ³⁴ Thiareho omontho wowonswe gathe yabho ono yasoheywe ne gentho he, kobhora abhantho bhonswe bhare na shebharua shia ebhewanja ne shinyumba, mbhabhegori na okorentha shehera shia ebhento bheno wanyore bhagori. ³⁵ Na okobhathora hanse ya magoro ga omothangathi na mbathuinaini ko kera omosabhi, kogero bhora kera omwe bhono yathunanga. ³⁶ Yusufu Omolawi omontho kurwa Kipro akahanwa irina ria Barnabasi na omothangathi ( iyo erasioribwa no omona wa ubhuya). ³⁷ Hano yare no omogondo yagori na akarentha shehera, akashethora hanse ya magoro gha omothanghathi.