¹ Ekethabho kya kare nakiandekire, Theofilo, akaghamba gonswe ghano Yeesu yaghabire no nukuegya. ² Mbaka urusiko ruho yabhokereywe kigoro. Hayo hano wanyore amare kurusi ahamuri kuhethera abharabhu athomwa abhathangathi bhano ya shagoye. ³ Hano amatheso gaye, yamahekire wabho amohoru na bentho ibiara beno biorokianga. Ko sinsiko merongwe nne yomuhekire waabho. Na yashumashire komaanga go ubhunene bwa Waryobha ⁴ Hano yasikanaga nabho hamwe nabho yabhatheri bhathakarua Yerusalemu, bhaganyi keno isawabho yagambire, "ino mwaigure kuhuru haroni. Igha Yohana yabhatisiri na manshe. ⁵ Igha morabatiswe ko moyo omorabhu kusisinko shenke. ⁶ Hano bhaikomaini hamwe mbabori omonene igha sheno sho shemkaga shenoorakiri obhonene kobhaisraeli? ⁷ We akabhahonshokia thibhuye bhenyu okomanya muda thatha we ana abhoweso umwene. ⁸ Okobhako mrinyora shinguru, hano arabhu bharisha kiryoro yunyu na benyu, morabha abhashahidi bhane honsigu Yerusalemu na Uyahudi yonswe na Samaria mbaka mwisho gwe kebara. ⁹ Omonene Yeesu hano yamare koghamba gayo bharekoma kigoro we yenyokibwi kigoro na risaro rekamkundikiria wange kumomaha na maiso ghabo. ¹⁰ Hano bhamaheraga kuriba bokong'u araya mbathakire abhanto bhabhere bhaimere gati yabha bhafare shingibho shendabhu. ¹¹ Mbaghambiri bhenyu abhantho bha Ghalilaya, kwake mwimereye hano momahera kuriobha? Uyo Yeesu yageye kuriobha moramoha, narikiora bhuyobhuyo yageye Wariobha. ¹² Kaho yakiore Yerusalemu kuru kushinguku shia Mizeituni, ene orenge hangi na israeli kakerengere kya urusiko rwa sabato. ¹³ Hano bhahiri mbageye kogorofa hano bhaikaranga na bhare Petro, Yohana, yakobo, Andrea, Filipo, Thomaso, Batholomeo, Mathayo, Yakobo omona wa Alfayo, Simoni Zelote na Yuda omona wa Yakobo. ¹⁴ Bhonswe mbahaye hamwe kia montho omwe, kwa kushinguru mbagenderanga na masabhi. Hamwe na bhayo mbareho abhakari, Mariamu nyakwabo Yeesu, na bhamura bhabho. ¹⁵ Kusinsiko shiyo Petro yaimare gathe ghathe ya kama mrikiabho kama abhanto 120, akaghamba, ¹⁶ Abhantho yare igha mbhaka gara ghaghambirwe gahike, wati kare omoyo omohoreru ngwambire komunywa gwa Daudi kuigwerana na Yuda, ono yaragerei bhara bhamogothire Yeesu. ¹⁷ Kobhora nawe omwe wetho na yagegire malipo age faida ya agasi eno yakore. ¹⁸ ( Igha omontho yagore hasa kokera yabhokere ko bhogogo bwaye na hayo yagoye athangatheri omothere omobhere gokaarokia na ibianda biayo bhehetheka kebara. ¹⁹ Bhonswe bhano bhamanyire Yerusalemu mbaigure kuriyo ehagera esehemu iyo bakageberekera nekeghambo kiabho "Akeldama" guyo no mogondo gwa manyinga.") ²⁰ "Ko gethabho kya Zaburi kiandikwa, 'Thiga hase haye rithongo athakikereribwa hatha omontho kome hara, ne, noroha omontho onde ageye umweya gwaye go obhotangati. ²¹ Mbuyo mbuya ko hayo omwe wa abhashasha bhangendire nebho hano omonene Yeesu hano yashakire nokosoha nebhetha. ²² Kowansera kobobhatiso bwa Yohana mbaka rono yagenirwe kigoro, maha abhe shahidi wa kurioka hamwe na bhetho. ²³ Bhakathora mbere abhashasha bhabhere, Yusufu ono akobhere, kerwa igha Barnaba ono wiki yaberekeywe inga Yusto na Mathia. ²⁴ Bho mbasabhire bharagamba muwe omonene, ono amanye iniyo gia bhontho bhonswe, bhono thathore harabhu ko bhanto bhabhere bhano ono ushagoye. ²⁵ Kogegha umweya gho bhotomwa eno Yuda yakore obhogogo nukuya hano akutuna. ²⁶ Bhakatema kura kogera we na ekura ekagwera ko Mathia ono yabharuwe hamwe na abhatomwa ikomi nomwe.