¹ Omonto ono wonse akuikerya igha Yeesu yebhoywe na Waryobha na ono wonse amohanshire anaure wa tata Waryobha gwiki abhahanshire abhana bhaye. ² Ko linga'na leno tomanyire igha tobhahe nshire abhana bha Waryobha anotohanshire Waryobha tolakola amakaniyo ghaye. ³ Komohansha Waryobha nigha kokora amakaniyo ghaye. ⁴ Ono wonse yebhoywe na Waryobha ana ghatola agha ikyaro. ⁵ Nare ono akekotora ikyaro no akuikerya igha Yeesu no omona wa Waryobha. ⁶ Ono yiishire na amanyigha na amanshe newe Yeesu. ⁷ Kona abhatato bhano bha kuimererya. ⁸ Omokama omohereru, amanshe na amanyinga bhano bwonse abhatato nkuikereraniya amang'ana ghano tata, ling'ana na omokama omohoreru te ghakororekana mo endaghano ya kale. ⁹ Kama toraikerya ubhwimereri ubwa abhanto tuikereri ubwimereri ubhwa Waryobha mbhohene kokela bhuyo. ¹⁰ Omonto ono ana ubwimereri kowe ana ling'ana lyaye na ono atakoikerya amang'ana agha Waryobha alamokola no molongho. Kobha tiikereyi eng'ana eno Waryobha yatomile omona waye. ¹¹ Ne ng'ana neno igha Waryobha atohaye obhohoru na obhohoru bholenge kowe. ¹² Ono alenge no omona ano obhohoru na ono atho omona wa Waryobha tano obhohoru. ¹³ Nandikile ghano igha momanye igha mona obhohoru, bhano mwikereyi rina lya omona wa Waryobha. ¹⁴ Obhokare bweto mbele ya Waryobha ni gha leno tosabire mo bhohansi bwaye tolalinyola. ¹⁵ Lende alatuigwa tosabe ekento keno kyonse nalatohaye. ¹⁶ Alakora amabhebhe bhono bhotana uruku, amosabhere Waryobha nalamohaye obhuhoru. Ndaghamba na bhana bhatana amabhebhe ghano gha kuleta uruku, ntakobhatebya monsabhere ghayo. ¹⁷ Amaghogho ghonse namabhebhe gwiki ghano ghatana uruku. ¹⁸ Tomanyire igha keno kebyoywe na Waryobha ketakokola amabhebhe. Keno kebyoywe na Waryobha kelalenda kila nseko na lisambwa letakomotola. ¹⁹ Tomanyire bheto na bhana bha Waryobha gwiki embaleka yende bhalenge olo pande ulwa isambwa ²⁰ Gwiki tomanyire omona Waryobha yiishire kutohana obhomanyi gwiki kotoleta waye tolanyola ubhomanyi tolamomanya mahenehene gwiki tolenge monse waye waye Yeesu Kiristo Waryobha no moheene gwiki ano obhohoru ubhwa mbele. ²¹ Abhana bhano mwikale ahale na masambwa.