¹ Izu lya Ngolobhe lya bhaliye Yoeli umwana owa Pethueli. ² Tejelezi ega, amwa bhazee, tejelezyaji, amwe mwakhaya mwenti mbhensi. Jeshi! Amambo ega gahweli mnsikuezyenu au ensiku ezya yise bhenyu? ³ Bhabhole abhana bhaho enongwa zyakwe abhana bhenyu bhabhabhole abhana bhabho, na bhana bhashibhole eshikholo eshamwabho. ⁴ Gagasagaliye ne tunutu galewelwe ne nzige gagasagaliye ne nzige galewelwe ne madumadu. ⁵ Bhoshi, amwe bhakholwe, lilaji! Zondaji, amwe mwenti mwemumwele ehobwa, afwanaje ehobwa epya, afwanaje okhanilwe hutali namlomu ganyu. ⁶ Fwanaje itaifa linjiye pamwanya yensi yane, yeli na mahaa. Nantele seline shabhaziwe amino gakwe neshe, gegonya, wape anamayego agengoya engosi. ⁷ Aunankenye umdhabibu wane abuduye ikwi lyane. Ayaluye abakhonda gakwe tee augwisizye pansi; esamba zyakwe zibhombewe abhe zelu. ⁸ Zonda neshe olendu ya kweto amagunila kwajili eya lume owe ulendu wakwe. ⁹ Esadaka eye usu ne sadaka uyamwele zibushilwe hutali ne nyumba eya Ngolobhe. Ebho adimi, atumishi bha Ngolobhe, bhabhonda. ¹⁰ Ogonda gunankanyisiwe nsi edhonda. Afwanaje evyale vinanchishe, ehobwa epya eyomele amafuta gapongoshe. ¹¹ Loli esoni, amwe mwemulima, lilaji, mwemlima o Mzabibu, hungano na mashairi. Akonje mmagonda ganandishe. ¹² Amizabibu gananchishe na makwi age makwi gomele, amakwi ege mkomanga, nantele mitende, na makwi ege epo - makwi gonti aga mgonda gananchishe. Ashima unanchishe afume hwa bhana abhabhantu. ¹³ Hwipinyi mdhondaje, amwe mwadimi! kholaji, eholo amwe mwemlenganya eputo. Enzaji, mgone no siku wonti mmagunila, amwemwemlenganya emadhabahu aga Ngolobhe wane. Afanale esadaka eye ubga na sadaka ya mwela bhazizubhiye mnyumba aya Ngolobhe wentu. ¹⁴ Ozi amoyo, kwizi ibongano elye dini azee. Bhabhonganye akhaya bhonti abhensi bhabhale mmnyumba uyaYehova Ongolobhe wenyu, na hulilile Ongolobhe. ¹⁵ Ole isiku! Eli afwanaje isiku elya Ngolobhe lipalamiye. Lyape lyayenza neshe anyangamile wafuma hwamwahale yali yo Ngolobhe. ¹⁶ Eshi eshalye seshatagwilwe hutali hwitagalila elye maso genyu, nantele ashime na seshele hutali ne nyumba eya Ngolobhe wenyu? ¹⁷ Embeyu zibhola pansi ye kondi lyakwe, evyanga vilehwile na sweme, evitala visanyangushe, afwanaje evyolye vyomela. ¹⁸ Shashili makoko shagashina! Amakundi age ngiombe shagayozoloshe. Afwanaje sebhali na palisizye antele amakundi age ngole galabha. ¹⁹ Ngolobhe, ehulilila awe. Afwanaje omwoto guliye otimo mwigona na omwoto ulongolezyezye amakwi gonti age magonda. ²⁰ Hata makoko aga mmagonda gazubha kwajili etahwiliwe, afwanaje amasoho age meze gomele no mwoto guliye odimo ogwa mwigona.