¹ Ebhiloto ingulu ya Ninawi. Echitabho che bhiloto cha Nahumu, Mwelikoshi. ² Yehova ni Nyamuwanga unu ali na libhubha na unu kasubya amasili, Yehova kasubya amasili na ejuye lisungu, Yehova kasubya amasili kubhasoko bhaye, na kagendelesha ebhinyiga byae kubhasoko bhae. ³ Yehova ni munu wa managa mamfu na nimwolo wa bhinyiga; atalibha kwa unu kasiga okubhabhalila ubhunyamuke abhasoko bhae. Yehova kakola ejila yae mumuyange gwa kashololo no gwe shule na mele ni luteli kwa magulu gae. ⁴ Kaigonya inyanja naikola yumile, komisha engile jona. Bhashani ni ndenga na kalimeli ona, amatwisho ga Lebanoni ni malenga. ⁵ Ebhima ebhuyalala anu kabha alio Omwene, na ebhima ebahinyalambuka, echalo echigwa mbele yae, chimali, echalo nabhanu bhona bhanu bhekaemo. ⁶ Nigaunu katula okwimelegulu imbele ya lisungu lyae? Nigaunu katule okuganya obhukulu bhae lisungu lyae? Lisungu lyae litiwe lwa kutyo oulola omulilo, na amatale agafumishe gabhuli mbaga. ⁷ Yehova ni wobhana, Inyumba Omwanya gwa inyanko; no mwene ni mulengelesi kubhanu abha mubhilimila. ⁸ Nawe kakola obhutalo bhwa bhasoko bhae kwe migelesi jokulugasha; kabhafwima muchisute. ⁹ Abhanu abhaganilishaki ingulu ya Yehova? omwene alisimagisha, jinyanko jital,emuka lindi lwakabhili. ¹⁰ Kulwokubha bhalibhaga bhanyalambukile lwa mesong'oma; bhalinikwa muchinynwebhwa chebwe abhene, bhalinyamulwa chimali kwo mulilo lwa masina gamasagata. ¹¹ Omunu umwi emuka okusoka mwimwe, Ninawi, unu aligaeganilisha obhunyamke ingulu ya Yehova, Omunu unu akumisishe obhunyamke. ¹² Kutya nikwo kaika Yehova, "Nolo kutyo bhana amanaga gebwe jinu jile no bhukumi bhunu bhile, nawe bhalimwegwa, abhana bhebhwe bhatalibhao lindi Nawe awe, Yuda: nolo kutyo nakunyansishe, ntakunyansha lindi. ¹³ Woli enibhutula ingulwema ya bhana okusoka kwawe; emjibhutula eminyorolo jao. ¹⁴ Yehova asosishe echilagilo ingulu yao, Ninawi "Lutalabhao lwibhulo lundi lunu. Olwokubhatula lisina lyao. Nilijiganya amasusano jinu jikolelwe no kujisoshao ebhisusano bya echuma okusoka munyumba je misambwa jemwe. Nilisimba jimfwa jemwe, kwo kugalwa kwemwe." ¹⁵ Lola, ingulu ya bhimagalio amegulu gomunu unu kaleta omusango gwo bhwana, unu kalasha omulembe. Mukondelewe jinsiku jemwe ejolumula, lwemwe, Yuda, Mubhike emilago jemwe, kulwokubha omunyamke alibhejila aonao lindi: asosibhweo chimali.