¹ Omusango gunu Omulagi habhakuki alamiye, ² Yahwe, kwo mwanyaki ennililila Obhosakisi, na utakungwa? ³ Kulwaki ounkola nibhone obhunyamka no kulola ebhikolwa bhibhibhi. Obhunyamka na jinyanko bhuli imbele yani; bhulio obhulwani no kubhambashanya obhwimuka. ⁴ Nawe echilagilo ni chilenga, no bhulengesi itakwikala mwanya gwone. Kulwokubha obhunyamke bhwiindile obhulengelesi; nawe obhulengesi bhwo lulimi obhutula "Yahwe" namusubya habakuki. ⁵ "Nulola Abhanyamahanga abhabhelegeji; tang'ang'ala no kulungusibwa! ⁶ kulwokubha nili na chimali ingulu yo kukola echinu munsiku jao nawe utalikulisha anu mulibwilwa emwe. Kulwokubha nolole! neiliye okubhemusha abhakalidayo liyanga lyimya na linu lilinomindo abhalibhata okulabhila obhunene bhwe chalo okiugega jinyumba jinu jitali jibhwe. ⁷ Abhetimata no kubhaya ; indamu yebhwe no bhutonda obhusoka kubhene obhugendelela. ⁸ Jifarasi jebhwe one ejibhilima muno okukila indala, bhangu muno okukila emise je mwila ejokegolo Jifarasi jebhwe ejibhakubha, na abhalenyi bhebhwe abhajifarasi abhaja okusoka kula abhagulika kutyo mukwali eilbha okulya. ⁹ Bhona abhaji kwo bhulemo; amayo gebhwe agagenda kutyo oulola omuyaga gwe mwibhala, na abhakumanya abhagaya kutyo oulola omusenyi. ¹⁰ Abhabhajimya abhakama, na abhatangasha ni bhajimya ingula yebwe. Abhaiseka bhuli chikale; kulwokubha abhakumaya oluteli nokulusoshao. ¹¹ Nuwo umuyaga gulilabhao; guligendelela okulabhao- abhanu bhwe bhikayo, bhana obhutubo bwebwe ni kumungu" Abhakuki namubhusha Yehwe libusyo elindi. ¹² "Awe utali owomwanya gao kwambila kala, Yehwe Nyamuanga wani, unu uli mwelu? eswe chitakufwa Yahwe abhauye, ingalu ya indamu nawe Litale linu likolelwe kisi ingala yo kusombola. ¹³ Ameso gemwe ni gakisi okulola ingalu yo bhunyamke, nawe mutakutula kulola ebhikolae bhibhibhij kwo kusima; kulwaki omulola lwiso kutyo ingulu ya bhanu abhabhalomela? Kulweki okujibhila omwanya hunu obhumyamka obhunu muno abhalengelesi okukila abho? ¹⁴ Oukula abhanu inswi munyanja, kutibhinu bhinu ebhilibhata bhitabha na mutangasha ingulu yabyo. ¹⁵ Abhene abhabhaleta bhona kwa makobho, abhabhakwmesa abhanu okusoka mumutego gwa jinswi no kubhakumanya mumutego gwebhwe. Inu niyo insonga abhakondelwe no kuyogana kwa likondelewe enene muno. ¹⁶ Nawe abhasosha ebhiyanwa okusoka mumitego jebwe ejokutegela no kwocha obhubani mumitego jebwhe kulwokubha jintyanyi jinene ni mugabho gwebhwe, Inyama inu inulile ni bhilyo byebhwe. ¹⁷ Kwa insonga eyo abhamala emitego jebwe ejokutegela no kugendelela okunyola abhanya mahanga, bhutetekateka.