¹ Simoni Petro,Mmanda na mtume wa Yesu Kristo,kwa balo baipokile imani yeyelo ya thamani kati twaipokile twenga,imani yaibile nkati ya haki ya Nnongo na mwokozi witu Yesu Kristo. ² Neema ibe kwinu,amani iyongeyekeye pitya maarifa ga Nnongo na Ngwana witu Yesu. ³ Pitya maarifa ga Nnongo tupatike makowe gake yote kwa ajili ya uchaji wa maisha.Boka kwa Nnongo ywatukemile kwa ajili ya uzuru wa utukufu wake. ⁴ Kwa ndela yee atitutumanisha ahadi ngolo ya thamani.Apangite nyoo ili kutupanga barithi ba asili ya Nnongo,kwa kadiri tuyendelya kuuleka ubou wa dunia yee. ⁵ Kwa sababu yee,mupange bidii kuongeza uzuri kwa ndela ya imani yinu,kwa sababu ya uzuri,maarifa. ⁶ Pitya maarifa,kiasi,pitya kiasi saburi,na pitya saburi utauwa. ⁷ Pitya utuwa upendo wa alongo na pitya upendo wa alongo,upendo. ⁸ Mana makowe aga gabile nkati yinu,yayendelya kukua nkati yinu,bai mwenga mwapangika kwaa tasa au bandu babeleka kwaa matunda katika maarifa ga Ngwana witu Yesu Kristo. ⁹ Lakini yeyote ywabile kwaa na makowe aga,ugabona makowe ga papipi kae;ywembe nga ipofu,atisahau utakaso ba sambi yake ya kale. ¹⁰ Kwa eyo,alongo bango,mupange juhudi ili kujihakikishia uteule na wito kwa ajili yinu.Kati mugapanga aga,mwalowa kuikwaa. ¹¹ Nga nyoo mwaipatia bingi ba nnango wa jingya katika upwalume wangayomoka wa Ngwana witu na nkochopoli Yesu Kristo. ¹² Kwa eyo nenga nalowa pangika tayari kuwakombokya makowe aga kila mara,hata kama mwayatanga,nambeambe mubile imara katika kweli. ¹³ Nawaza kuwa nibile sahihi kubaamsha na kuwakombokya nnani ya makowe aga,ningali nibile nkati ya hema lee. ¹⁴ Kwa mana nitangite kuwa muda kwaa mrefu nalowa liondoa lihema lyango,kati Ngwana Yesu Kristo atubonekeya. ¹⁵ Nalowa jitahidi kwa bidii kwa ajili yinu ili mkombokeye makowe aga baada ya nenga kuboka. ¹⁶ Kwa mana twenga twafata kwaa hadithi zatijingya kwa ustadi palo patulongela nnani ya ngupu na kujidhihirisha kwa Ngwana witu Yesu Kristo,ila twenga tubile mashahidi ba utukufu wake. ¹⁷ Ywembe ywapokile utukufu na heshima boka kwa Nnongo tate palo lilobe liyowanike boka katika utukufu nkolo yatibaya."Ayoo nga mwana wango,mpendwa wango ambaye ywatipendezwa niywembe." ¹⁸ Tuyowine lilobe lee iboka kumaunde palo tubile niywembe katika chelo kitombe kitakatifu. ¹⁹ Tubile ni lee neno lya unabii lyalithibitike,ambalo kwa lee mwapanga vyema kuliteketeza. Kati taa ya'ing'ara mulibendo mpaka bwamba na ndondwa ga mawio zatibonekana katika mioyo yinu. ²⁰ Mutangite aga panga,ntopo unabii wauandikilwe kwa sababu ya kuwaza mwabene kwa nabii mwene. ²¹ Kwa mana ntopo unabii wabile kwa mapenzi ga bandu,ila bandu bapangilwe na Roho mtakatifu ywalongela boka kwa Nnongo.