¹ Kwa nneyi, mmanganya nninginji mmakongwe nnombwilenje nnapingangangwa kwishoya kwa ashimbuje venu mmayenenji, hata kama vayenenji vayene vakanave kulipinga lilove, kupitilila shivalinginyi ashikoakongo vaonyi vanaweza kuutwa pangalilove. ² Kwa likongo vayenenji shivave valilolilenje tabia jenunji janimbone pamo na lunda. ³ Nneyi itendeshemgava kwa manonyelo ga pilanga malinga kuluka umbo indu ya dhahabu, ama nnguvo ya konja. ⁴ Lakini badala yake itendeshe kwa gundu gwa nkati mwa ntima, na kupuya mukonja kwa kutindivala na kuitimalika kwa ntima, uli gwa thamanimmejo mwa ashipanganya. ⁵ kwa vakongwe vakonjelo vaitenje konja vayenenji kwa mpanda angu. Vashikuvavanga na imani kwa, ashipanganya na vashikuva pilikamila ashi ambuje vaonji vayenenji. ⁶ Kwa nneyi Sara ashikunku balia malove gane Ibrahimu na kwashema venevo '''ambuje'' vao. Mmanganya nnaino ni vana vake ntendangaga gali ga mmbone na nkajogopanga ga ngali ga mmbone. ⁷ Kwa nnepeyo, mmanganya mmalume nnapingangwa kutama na ashiakongovenunji nnikwamanyanga kuti ajenunji vakongwe vangali mashili, nnikwamanyanga venevo ajenunji vaposhelangi uupo gwaalama. Ntendanje nneyi kufuga kwenunji kunaivililwe. ⁸ Kungai, mmowenji ntumbilile ng'aniyo (ng'aniyo) jimo, nninginji na shia, kupingana malinga mpwanga, mmateteleshiana mma nununu. ⁹ Nnalipananje ya nyata kwa ya nyata ama matukano. Shinyume shaka, nng'eleanje kupeleganaga akonje, ligongo lyake nchikushemwangwa, mmegwanje balaka. ¹⁰ Jwene apinga kulama na kulilola lyuva lya mbone alulimbie lulimi lwake kwa ga nyata na nnjeje yake kutanga ya ngali mana. ¹¹ Atandeushe na aleshe ga ngali mana na atende ga mmbone. Mana na atende ga mmbone. Aloleye ulele na kuu kagula. ¹² Meyo ga Nkulungwa ga kumuvo na akwete haki na mashikio gake ganapilikana kujuga kwake. Lakini kumeyo kwa Akulungwa kuli kushi ngongoni kwa vatendanga shambi. ¹³ Gani apinga kummenganga mmanganyanji, ivaga nnikulupalilanga lili lya mmbone? ¹⁴ Ikaveje mpotekwangaga kwa umbone, kupoka. Nnajogopanje gegala guvakugajogopanga. Nnakola lipamba. ¹⁵ Kwa nneyo mwavishe Akristo vakulungwa mu mitima jenu malinga nkonjelo. Muda gowe mmanganje tayari kuninjangula kila mundu akummuyanga kwa nndi nnakulupalilanga kwa Ashipanganya. Ntendanje nneyi kwa umbolembole na lunda. ¹⁶ Mmanganje na kukulupalila kwa mmbone pana vandu vatukana kulama kwenunji kwa mmbone muka Akristo vakolonje omi kwa kukungulishia shingongoni kwenunji kama mwalinginyi nkutenda yangali ya mbone. ¹⁷ Ni mboboone kajekaje, ivaga Ashipanganya vanakulupalila, kati nnapotekwanga kwa kutenda ga ngali mana. ¹⁸ Akristo vashikupotekwanga mala jimo kwa ligongo lyo shambi. Jwenejo akwete haki ashikupotekwa kwa ajili jetu, twalinji twangali haki, atupeleshe kwa Ashipanganya. Ashinkuwa nchiilu, lakini ashikutendwa jwa nkoto mbumu. ¹⁹ Akaveje ashnkwenda na kuitangulila mbumu ili mpaka nnaino kutawa. ²⁰ Ikavelenje na kujitishia shipindi sha ngakatima ja Ashipanganya pujalindililaga makati gaka Nuhu makati ga shenga Safina, na Ashipanganya vashikwalapula vandu vashiki gumu ncheshe kuumila mmashi. ²¹ Jejino ni alama ja ubatizo ukuntapulanga mmanganyanji nnaino, nngava malinga kujo ga likaku nchiilu, lakini malinga kujuga kwa ng'aniyo ya mmbone kwa Ayesu Kristo. ²² Venevo kuvali kunkono gwa nnilo gwa Ashipanganya. Vapite kumbinguni. Ashitumetume va Ashipanganya, mashili na ukulungwa lazima kwapili kavula venevo.