¹ Mwisho wakwe v'adugu zyane mtogwe mkati ni M'gosha. Kaona ususho kuv'aandikila hangi impola ziline. Aga magambo gakav'apa upanga. ² Mwiangalile ni mbwa. Mwiangalile ni v'av'ezya milimo miv'i. Mwihali nawo v'oitipa miv'ili zyao. ³ Kwiv'a iswe ndio puta nyunzu. Iswe hona kumwideha Sev'a kuu kumwambilizya wa Usondo. Awo kukwidaila mkati ni Kristo Yesu, ni kwao kuluduhu usiliganzi mkati ni mv'ili. ⁴ Ninga ivyo mbendi kwav'a ni mutu walimtegemea mv'ili ugu, ene mbendinakoola iv'ezya ago kukila. ⁵ Ila ndinaputwa nyunzu lusiku lwa mnane ndinautwa mkati ni kabila ya V'aswahili. Ndi v'akabila lya Benjamini. Mkati ni ifikwa ihaki yi lagano ikali ni misayo zyailapilizya. ⁶ Kunguzu zyane ndinav'asusha Msengelo. Kumlonde ihaki zya miko, ndinkali na mpola zya miko. ⁷ Ila mkati ya mpola yakwe nd'inagaona iv'a galinifaida kuwane ene, nd'i nagesabu kati mapalala kunguno ya kummanya Kristo. ⁸ K'uhana nuv'azya mihayo zyose kuhasala kufumila kusoga wa kummanya Kristo Yesu M'gosha wane kunguno yakwe nakalekana na mihayo zyose, nugesabu kati mapalala mangu mpate Kristo ⁹ na nigele mkati yakwe. Nduduhu ihaki yane winene kufuma mkati ni lagano, kukila ndinazyo ihaki yile ikwigela kuu mola ya sombe mgat'e na Kristo, yufumila kumwa Sev'a msav'a homsingi mkati na ukonde. ¹⁰ Igisi kukov'a kummanya msav'a ni nguzu zya upanga wakwe na widime wa usuke wakwe. Nkukov'a ngeluziwe ni Kristo mkati na mufano gwa kufwa kwakwe, ¹¹ ninga nkoole iv'a na kwipa mwego mgati na upanga wa v'afwile. ¹² Ikali hana kuv'a nkoole kuipata magambo ago, au iv'a nakav'a ndinekamilifu mkati yawo. Kukila kwitahidi mangu nkoole kupata icho kupata na ichochapatikanaga na Kristo Yesu. ¹³ V'adugu v'ane, nkamanya iv'a nakav'apa mihayo izi. Ila nkuv'ezya mpola imo: nkulav'ila gakunyuma nkugaganika ga kumbele. ¹⁴ Nkwitahidi kufikila aho nufikilia mangu kupandike izawadi ya kwigulya na mwito gwa mwa Sev'a mkati na Kristo Yesu. ¹⁵ Wose awo ndikuli mkono gwa mlilya v'akombolwa kutatakiwa kwiganike ivi. Mbe kwav'a yungi v'iganike ku zira iyo ikali kulondana kwihusu mpola gosegose na Sev'a hangi akalifundukula ilo kuwinywe. ¹⁶ Ninga ivyo, ihatua iyo nafikilaga na kulonde mkati ni nsembo iyo. ¹⁷ V'adugu zyane, mdondekezye ene. Mv'alinge kumakini awo vakumlonda kumfano ivyo kuli isu. ¹⁸ V'ingi vakwikala awo v'ali imara nyingi mbav'ilile, ni gisi nkuv'av'ila ku ndililo - nyingi v'a kwikala kati v'ansika v'a msalaba gwa Kristo. ¹⁹ Mfumo yakwe ilav'e unonangi kwiv'a Sev'a wao inda, ni mpaka zyao zili mkati ni nsoni yao. V'akufikilia mihayo zya liwelelo. ²⁰ Ila ulaiya wiswe uli kwigulya uko kukumlindila mpizya wiswe Yesu Kristo. ²¹ Akageruzya miv'ili ziswe zikakoola iv'a kati mvili gwakwe ni ukulu koole wene ukumv'ezya avikoole ivintu vyonse.