¹ Amwichi, vandondu vakwa (kokitevi nganadeda na vandu vasa veuhi sheria), kee sheria nyamwingia mndu andu akeri arukye? ² Amu mundumka usaaghujwa yapungiwa na sheria kouja miake anduakeri arukye, kake kikava mii sake apepa, nyapeva nyalekejwa ifuma sheria ya ndoa. ³ Kudong'i kieri kija miake ekeri arukye, kikava nyanadanya na miiungi nyapelaghwa mwasharati. Kake kikava miake kapa, nyakeri huru na sheria, kudo ataiva mwasharati kikava nyakere damya na mii ungi. ⁴ Amu, vandodu, inyweke mleutiwa kipu ko sheria ko mwido osese o Yesu Kristo. Kyava kudi kee mnengiwa ili mdime unganishwa kimu na vengi, kwake icho alerushwa fuma ko varimu ili kee jidime mshaja Makilunga ndunda. ⁵ Kokitevi andujekeri ko osese, ndakire ya unyamari shiletukurwa shilungonyi shedu ko mwido o sheria na ivashaja kipu ndunda. ⁶ Kake lwa jarughujwa ifuma sheria. Jileipia kija na ikajikava. Ili se jinengiwa iitika hali njicha ya Ngoo, naise kuri kyakala ya mrigho. ⁷ Alwaha jiambe kuda? Sheria nyi unyamari? Wai nakudo. Ngavemanyapo unyamaripo, kyeveva ko mwido o sheria. Kokitevi ngevemanyapo ndakire chakundu sheria kyeveambapo, ''Ulaadendakire.'' ⁸ Kake unyamari nyuleda mwanya ko amri na kikaande iposhi kokwa kil akundo kye leka. kokitevi unyamari kulaode sheria i mepo. ⁹ Nanyi ngekeri ngaruke iho kutoka nama sheriapo, kake kyecha amri ya, unyamari nyulepata uhai, nainyi ngape. ¹⁰ Ami iya isanyeende uzima, nyileghaluka ikava kipu kokwa. ¹¹ Kokitevi unyamari nyulepata mwanya ko amri ya ikangilemba. Iidya amri ya, nyilengiaghe. ¹² Kudo sheria ni mwele na amriya njekeri mwele, yaloi, nanjicha. ¹³ Kudongu ikyo kisha kyekeri kipo kokwa? Kilave kudo too. Kake unyamari, yekoniongwa kee nyinyamari unduamu ndye kija kicha, iende kipa ndani kokwa. Ikikyekeri ke iidya amriya, unyamari nyuleendelea o ngengenjika. ¹⁴ Kokitevi vamanya kee sheria asili yake nyi nyangoonyi, kake inyi mndu ousesenyi. Ngakumbwa wandu upungwa ounyamari. ¹⁵ Amu kija, nganejimanya zahiri. Kokitevi kija nga kikudye, nganakulapo, na kija ngala ko kuudya njijo nganajiuta. ¹⁶ Kake kee ngauta jyo ngalajiutiye, nganudikija kee sheriaya njicha kake unyamari uja ukeri kokwa. ¹⁷ (Lakini sasa si mimi nafsi yangu ninayetenda hilo, bali ni ile dhambi ikaayo ndani yangu). ¹⁸ Kokitevi ngaichi kokwa, usesenyi, kipeala mya kudo ki chapo, kokitevi ndakire iya njicho ikeri ko kwapo, kake nganautapo. ¹⁹ kake kija kicha ngakekundye ngane utapo, kake jija ngalanejikund ngijo nganajiuta. ²⁰ Lwaha koja nganeuta jija ngalanejifunda, chi nyunyi ngimonyi ngameutapo, kake unyamari uja ukeri kokwa. ²¹ Kavo, kode kamuamini kokwa isaichelegha kindo kicha, kake unyamari ukeri kokwa. ²² Kokitevi ngakerevorokya sheria ya Makilunga kya ko utu o ndani. ²³ Kake nganevona sheria inghatukye isaikeri usesenyi okwa. Ikerekava shida zidi ya kanuni bjihya ko akili sakwa. Ngikerengiuta inyi mpungwa ko kanuni ya unyamari isaikeri kunu usesenyi okwa. ²⁴ Inyi mndu ngaode ngasusi! Nyangaponga chirana usese o kipa? ²⁵ Kake kitereshe ko Makilunga ko Yesu Kristo Mndumi odu! Kudongu. Inyingimonyi ko akili sakwa nganalode sheria ya Makilunga. Kake, ko usese ngananade kanuni ya unyamari.