¹ Kokitevi jileitalwa loi ko mwido oucha, jiode oucha o Makilunga ko mwido o Mndumi odu o Yesu Kristo. ² Lidya icho ise jiode imanya ko mwido ko imanya ko mora mbora yo isa ipo kwake jineimukama. Jinavarokya ko pinya usaakerijininga Makilunga kokitevi kyaadu, ko pinya rusa, jipedamya aundi amu ko ucha o Makilunga. ³ Wai nyiji tu, kake ke jinavorokiwa ko ukiva odu, jiuhi ke ukiva nyuchashaa irimija. ⁴ Ilimija nyicheshaa, na ighaluka jisheshaa pinya ko kitevi kyaade. ⁵ Irimijaji kiche dumbwe moopo, ko kitevi ukundo o Makilunga nyopulugwa ko ngoo sedu iidya ngoomwele, usa aledumwa kodu. ⁶ Andu jikeri jiode pinyapo, ko kieri kija Kristo nyalepa ko kitevi kyavaja vavichwa. ⁷ Kokitevi kipeva kionye umu yio kokitevi kya mudu aodeucha. Ikikee kywa mndu nyeghesha ipa ko kitevi kya mndu mucha. ⁸ Kake Makilunga nyaleona ukundo wake amonyi kodu, kokitevi kieri jekeri andu jeve ode sambi, inyamari, Kristo nyalepa kokitevi kyedu. ⁹ Na siku sose, haraka kokitevi kileetawa loi ko ndakame yake, jipefunwa ifuma ko unyamarinyi o Makilunga. ¹⁰ Kokitevi jekeri, kieri jekeri vavichwa, jiledorwa na Makilunga ko mwido o kipa kya mwanake, andu mnu, andu jekeri idosirwo jipefumwa ko iishi jake. ¹¹ Ke nyikadipo, ila kee jikerworokya kokitevi kya Makilunha iidya ko Mndumi Yesu Kristo, ko iidya icho usalwaha jilewadija ikundanishwa na cho. ¹² Ko kitevi ki, chakundu iidya mnelumu unyamari ukaingia urikenyi, ko mwido o kipu kikaingia ko mwido o nyamari. Na kipu kikataghanyika ko vandu vose, kokitevi vose valuuta unyamari. ¹³ Amu mpaka sheria, unyamari nyokeri urikenyi, kake unyamari o keitarikapo kieri ko maada sheriapo. ¹⁴ Nakudo kipu kipokileongejika ifuna Adamu na Musa, navaja valeuta unyamaripo koja iachanya ko Adamu, usa nyafananiye na cho amu eveeha. ¹⁵ Kake atakudo mbora ya mana chakundu unyamaripo. Kokitevi kuhava unyamari umu na mbora kokitevi kya Mndumi, Yesu Kristo, kile zidi ongerijika ko vafoje. ¹⁶ Kokitevi mbora chikee shipefunyapo shaufaamu okuta unyamari. Kokitevi kya ngaliko yaingi, kulecha kipungo kya mndu. Kake tatizo ja mndumu jilecha ko ngalikoiingi, kipaji kya maana kisa kinatuma ko iitaliwa haki kiluha andu uyaode unyamari ufoje. ¹⁷ Kokitevi, kikava ko unyamari jumu, kipu kilengia lidya Mndumi, vafoje mnu vaja vapeadija mbora ifoje andamu na kipaji kija loi veve vapetawala iidya idanya javo umu, Yesu Kristo. ¹⁸ Kudongu, ke iidya unyamari vandu vose valecha andu kipungonyi ku iidya kundo kinu ko loi kileeha ietaliwa loi ya ko iishi javandu vose. ¹⁹ Kokitevi ke iidya ko kulegha achanya ko mndu vafoje valefanya unyamari, kudo ko iilwa indikija umu vafoje valefanya shindo sha loi. ²⁰ Kake sheria ileingia anduamu, ili kee unyamari udime. Kake andu unyamari nyileogerijika iva ifoje, mbora nyileongerijika jikatuwa. ²¹ Ikikiletumya ili kee, koje unyamari chakundu ileongerijika ko kipu, kudo ate mbora naipedima o ngenjika iidya loi kokitevi. kyaidamya mumu. ko Yesu Kristo Mndumi odu.