¹ Mwadijenyi oose anyongohye katika imani, jilahukumu mawazo vake. ² Mndu umu nyaode imani yeja kyokyose, ungi nya nyougohye nyechija mbodha tu. ³ Mndu cho echija kila kindo alammene icho alaje kila kindo. Na icho alaje kila kindo alamhukumu ongi icho echija kila kila kindo. Maana Makilunga amemuadija mnducho. ⁴ Igwe nyunga upemuhukumu mtumishi mnuleki o mndu ungi? Mbele ya Mndumi wake kimeva nya nyapeimuka ana nyapengioa. kake nyapeteshwa kimeva Mndumi apedima imuimusa kavi. ⁵ Mndu umu nye dhamini siku imu kuliko ingi. Ungi nyedhamini kila siku nyi sawa sawa. Hebu kinda mndu nashawishike akilinyi yake amonyi. ⁶ Icho echiada siku, nyechida ko Mndumi. Na icho eduja nyechija nyechija kitevi kya Mndumi, kimeva, nechimniufa Makilunga shukrani. Icho alaje nyechikuima alaje kitevi kya Mndumi. Nacho na echitereshe ko Makilunga. ⁷ Kimeva koode mdu akeri ko nafisi yakepo, na koode echipa ko nafsi yakepo. ⁸ Maana jikeri jikeri kitevi kya Mndumi. Na koja jikenapa jikenapa kitevi kya Mndumi. Basi koja jikeri ana jikenapa nyi mali ya Mndumi. ⁹ Kimeva nyi ikusudi ya Kristo nyelepa na iruka kavikitevi nase Mndumi o vose vapie na vakeri. ¹⁰ Kake ngi, ukenahukumu mnduamu? Na igwe ngiki, ukenemmena mnduamu? Kimeva ise jose jipeimuka mbele ya kitiri kya hukumu ya Makilunga. ¹¹ Kimeva kiraghwa, ''Chakundu akeri, ''Adeda Mndumi, ''Kioako hila ndi jipekaghwa, na kila olumi ifuna sifa ko Makilunga.'' ¹² Koikyo kila, umu afuna hesabu yake amonyi ko Makilunga. ¹³ Koikyo jilaendelee uhukumuana, badala yake amua kudi, koode apevekya kekwazo ana mtegho ko mndo avopo. ¹⁴ Ngaichi na ngashawishika katika Yesu, Kristo koode kindo kikeri najisi ko monyipo. Nyiuja amonyi akenaamba kyokyose nyi najisi, kimeva kwake nyi najisi. ¹⁵ Kimeva mnduamu ko kando nyakenahuzunika, ukenandambuka na ikundapo. Ula mnyamare ko kando kapo mdu ambaye ko ajili yake Kristo nyalepa. ¹⁶ Ko ikyo mlaruhusu matendo vamu mecha ikavika vandu izi haki. ¹⁷ Kimeva umangi o Makilunga nyikoajili ya kando na inywa po, bali ko ajili ya haki, amani, na sia katika mumuyo mwele. ¹⁸ Kimeva icho akamrundiya Kristo ko ajili yo ameidikijwa ko Makilunga na ameidikijwa ko vandu. ¹⁹ Ko ikyo javadye, shindo sha amani na shindo shipejenga mndu ungi. ²⁰ Ulanyamare kasi ya Makilunga kitevi kya kando shindo. Shose ni loi na shiilye, kake kivichwa ko mnduja apeja na iningiya ungi inyamarikywaa. ²¹ Kicha ulaja nyama nama inywa divai, nama kyokyose kipenyamara mnduamu ana imkwanza. ²² Imani so unghode sidere kwapo na Makilunga. Nyabarikiwa icho apejihukumu amonyi ko kija ahanakidikija. ²³ Uja aode mashaka nyapehukumiwa koja apeja bila imani. Na kyokyose kilapotokana na imani nyi sambi.