¹ Uja apekunya mara shitubu tubu apecha kilevi kyapo:Ringa ng'anda sa mri,ringa barabara, kuvikkienyi pinya inwe koinywe vavenyi, vasang'irienyi majeshi vanu. ² Amu Yehova anauringha ikutata ja Yakobo, cha ikutata ja Israeli, nava letekwa nyara vale vanyamara ninyamara maramba va zabibu savo. ³ Ngavo sa mashujaa vake sitorodu, na vandu vaapinye yararikie ngavo sitorodu; magari vamederwa vashida vasanjiwa menya sake msanyenyi, na shichakarisha mivinje yekubwauye. ⁴ Magari va shida vakerishiongonyi; vana kambia mbele na numa shiongonyi. Vakeri cha kwunzi, na vana kambia cha ikururuma. ⁵ Icho apekudosa shitubutubu nyne vavikia vasima vake; vamekava mtulia kila umu koongi koidambuka javo; vaki na tebere ikavana na ng'anda ya mri. Ngavo ndue imetobirwa yekuringa na iva vekavana. ⁶ Mongo poshi dahu valariwa ipunguka, na inumbaja mfalme jinagwa ko unyamari. ⁷ Husabu amefumwa nguvo sake na ameiriwa; vatumishi vake vavaka vanafurigha cha maita, vana shikava shipu va shavo. ⁸ Ninawi nyikeri cha irija mringa jikerifuma, vandu vake andumu vanadicha cha mringa ukina roroka.Vengi vaneamba, "Imuka," kake kuode ameghalukanumapo. ⁹ Iria sahela, Iria nyara sa dhahabu, amukuode eneakepo, ko ikutata yashindoshose shicha sha Ninawi. ¹⁰ Ninawi nyikeri mana nyinyamariwa.Ngoo ya kila mundu imesangaruka, ndii sa kia mundu sina tulana anduamu, na ivaviwa jikeri ko kila umu, mbwana savo soso siva rukie. ¹¹ Lwaha nguku jikeri mbakoja ngatunyi, andu ngatunyi vanina vejijakyeja, andu ngatunyi ya vomi na ngatunyi ya vaka valedambuka, anduamu na vana-ngatunyi, valeogwa kyokyosepo? ¹² Ngatunyi nyale ragha kij ale winda kyake kokitevi kya vana vake; nyashada mawindo vake kokitervi kya vaka vake, naichurusa mbsko yake mawindo, nyianduakekodera shipie shiraghiwa. ¹³ "Lambwa, inyi ngakeri kibalia naigwe-ijinyi kidedo ja Yehova Omajeshi. Napevakokora magari vanu va shida ko musu, na ipanga jipe vaagha ngatunyi sana sa kisoro. Ngapeshingie nyara sakwa ifuma orikenyi lokwa, na iru ja va dumo vanu sipeichwa sepo.