¹ Ng'amba "adanyenyi luaha. ² Inywe mkeeja shicha na ikunda shivichwa, inywe mkerishinja njonyi savo, Njiosee savo ifuma mafuenyi vavo. ³ Inywe mkeenaja njiosese sa vandu vakwa na ishinja njionyi savo, na ivatematema mafungu mafungu, chanyama nungunyi, chanyama safurienyi ndue. ⁴ Kake nainywe vaitorie mpefugha ko Yahwe, kakeape mjibunyipo. Nyaperika kyamu ifuma kwanu kokigheri kyo, ko kitevi mlenta shindo shivichwa." ⁵ Yahwe nyaleamba kee manabii vaja vechentia vandu vakwa ishinduwa," ko vaja vechi valishenyi vakenatangasa. Kupeva na ilele; kake ko vaja valachedere kindo mdonyi wavo. Vapazashida ko kitevi kyake. ⁶ Ko ikyo, kipeva kio kwanu kilapeva na iloswa kwanu; kupeva moma ili mladime manya. Ruva jipeenda guanda uye ko manabii na mfuri icho mfuri icho kupeva moma uyeavo. ⁷ Vaja vapeona vapodewa sonunyi, Vaanga vanga vapechanganyikiwa. Vose vapepu miomu yaavo, ko kilevi kuvoo de majibu kokwapo," ⁸ Kake kokwa, ngaichunsiwa oruu ifuma ko ngoo ya Yahwe, na ngaichurie Loi na idima, Imbia Yakobo ikosajake na Israeli sambi sake. ^{9 10} Lua adanyenyi ikii, Inywe shiongosi numba ya Yaboko, navaitorii va numba ya Israeli, Inywe vandu mkena chukia loii, na idesa kija kya loii. Mkeshumba Sayunu ko ndakame ya Yerusalem ko Uvichwa. ¹¹ Shiongozi vanu vake nahukumu ko rushwa, makuhani vanu vakelesha ko kilembo lembo . Na manabii vanu vakeuta iroto javo ko hela. Hata kudo bado mpemtegemea Yahhwe ko ideda, " Yahwe nakeri anduam naise? kuode unyamari upecha kudupo." ko ketevi ¹² Ko ikyo, ko kitevi kyanu, Sayuni nyi pedemwa cha mdeme, Yerusalem nyipeva irundo ja kifusi na kitimbiri kya hekalu kipeva cha kitimbiri kya msundunyi.