¹ Wowose aminwe ke Yesu nyi mkira nyalionwa na Makilunga, na wowose amkundye icho ke nyalefuma ko Papa kake nyavakundye vana vake. ² Kweiko jichi kee jikundye vanava Makilunga, jikamkunda Makilunga naitimisa amri sake. ³ Kudi nyikudo nyinamkunda Makilunga koikyo nyanasiada amri sake. Na amri sake sianguhye. ⁴ Ko uja alonwa na Makilunga nyapeshinda orika. Naicho ncho ushindi oushinda orika, imani yedu. ⁵ Nginga aleushinda orika? Nyuja aleanunike Yesu nyi Mwana OMakilunga. ⁶ Ichuncha alecha ko mringa nandakame Yesu mkira. Alecha ko mringape kake, kake nyalecha ko mringa na ndame. ⁷ Koikyo kode varadu vakenena, ngoo,mringa, na ndakame iva vevaradu vacheewana. ⁸ Roho, maji na damu. Hawa watatu hukubaliana. (Zingatia: Maneno haya "Baba, Neno , na Roho Mtakatifu" hayaonekani katika nakala bora za kale). ⁹ Koje jipeuadija ushuda omwanadamu ushuda OMakilunga nyi mdue kuliko icho kwaikyo ushuda OMakilunga, nyichu koikyo nyaode ushuda mahusiano na Mwanake. ¹⁰ Icho akeri mwaminifu Mwana OMakilunga nyaode ushuhuda ngonyi yake amonyi na wowose alapemwamini Makilunga nyaleuta vongo, koikyo aleamini ushuhuda OMakilunga uleendwa ehusu Mwanake. ¹¹ Na ushuhuda cho nyichuke Makilunga nyalejirunga uzima orandasi na uzima cho nyukeri ngonyi ya Mwana. ¹² Uja aede mwana nyaode uzima uja alaode Mwana OMakilunga aode uzimapo. ¹³ Ngavarenghenyi iva mdime amenya kee nyode uzima ondarasi - inywe mkeneamini korina ja Mwana o Makilunga. ¹⁴ Na ichu ncho ujasiri jiowode o shangunyi lwake, ke jikatereva kindo kyokyo sava sava na ifuda jake, anajiichwa. ¹⁵ Koje nchi kee anajiichwa - kyokyose jipemtereva jichi kee jode ikya jilamtereva. ¹⁶ Koje mndu kamwona mndyavo aneuta sambi ilapemdamadya kipu, nyai nyare etereva Makilunga apemmninga uzima, nganadeda ko vaja sambi savo nyia alapedamadya kipu - kode sambi ipedamadya kipu ngokeneidedya ko uja anepaswapo etereva ko kitevi ya sambi iso. ¹⁷ Uo wowose nyi sambi kake kode sambi itapedamadya kipu. ¹⁸ Jichi ke eleonwa na Makilunga apeuta sambipo, kake eleonwa Makilunga apeshumwa nacho necha loi na uja mnyamari apedimapo emumisapo. ¹⁹ Jichi kuwa ise nyo Makilunga na jichi ke orika lose nyikeri wanda ya utawala o uja mnyamari. ²⁰ Kake jichi ke Mwanao Makilunga amecha amejininga ujuzi, ke jimwichi icho akeri loi kweikyo jikeri ngonyi yake icho akeri loi kokitevi Mwanawe Yesu Mkira, nyi Makilunga na uzima o ndarasi. ²¹ Vona vakundya, lekanenyi na sanamu.