¹ Lambwenyi ukundo oaina njiki alejikinda Papa, kee jinadikirwa vana ra Makilunga, na kudo jikeri koikyo orika ujiichipo nacho ulemmanya ichopo. ² Vakundwa lwaha nyivana va Makilunga imemanyika chakundu jipevapo jiichi kee Kristo andu apeonekana, jipefanana nacho, kee jipemwona chakundu akeri. ³ Na kila umu usa apekarija komasaa unecha ulovywa kwake na laisa nje amonyi chakundu icho akeri Mwele. ⁴ Kila mundu nyanezidi euta sambi nyapekalanya sheria. ⁵ Namuichi Kristo nyalecha ili nasifune sambi chee na ngoonyi kwake kode sambipo. ⁶ kode nama naumu adamije sambinyipo alemwona naimanya icho. ⁷ Vana vakundwa, mlaidilaje ideswa na mundu oose. Acheuta ucha nyaode ucha, chakundu Kristo nacho aode ucha. ⁸ Icho acheuta sambi nyo malatuva, kee mokituva nyacheuta sambi fuma laivoka. kitevi iki Mwna o Makilunga nyalelorwa ilinadime isinyamara wia o mokituva. ⁹ Oose aleonwa na Makilunga sambipo, kolatevi mbeu ya Makilunga ipedamya kwake. ¹⁰ katika iki vana vaMakilunga na vana mokituva vaichikye. Oose alacheute kikeri kya loi, nyo Makilungapo, nama uja usa alapedima imlanda mndu wavo. ¹¹ Kua iki nyikyo kidedo mlekiichwa fuma kuvoka, kee jinyavye jikundane ise ko ise. ¹² Cha kaini usa avekeri na unyamari na imuagha mundu wavo. Nangila alemua gha? Kokitevi shitendo shake shivekeri shirichwa, na shija mduwavo shivekeri shaloi. ¹³ Vandodu, mlaikange, kee orika upevasua. ¹⁴ Jiichi jimefuma kipunyi jine dambuka uelenyi, kitevi jivakundye vandodu. Oose usa alaode ukundo aneda mya katika kipu. ¹⁵ Mundu oose amusuje mnduwavo nyache agha. Namwichi ke moo. Ondarari ngoonyi yake nyacheagha. ¹⁶ Katika iki jilemanya ukondo kaikyo Kristo alefuna ngoo yake kokitev kyedu naise jiuvya jivafune maisha vedu kokitevi kya vandodu. ¹⁷ Kake yoyose aode shido, na nyane muona mndu wavo usa auri kake nyeche rurija ngoo yake ya makene kokitevi kyake, ke ukundo oMakilunga adamya ngoonyi yake? ¹⁸ Vana valava vakundwa, jilakunde momu nama shidedo ya bure ila koshitendo sha loi ¹⁹ Katika iki jiichi keise jikeri katika loi, na ngoo sedu ipemanyika katika icho. ²⁰ Ikava ngoo sedu sinajisuta Makilunga mdue ikela ngoo sedu, nacho ayaichi shido shose. ²¹ Vakundwa, kekire ngoo sedu sinajisutapo, jione nopekara ko Makilunga. ²² Na kyokyose jipeterera jipekinengya ifuma kwake, koikyo jisiade amri sake na jiute shindo shimuorokye mbele sake. ²³ Na ikyo nyikyo amri sake - ke mwinyavye iidikija ko rina Mwanake Yesu Kristo na ikundana iseko ise chakundu alejinenga amri sake. ²⁴ Uja adenganyi na amri sake apedamya ngoonyii yake, na Makilunga apedamya ngoonyi sake kaikyo jiichi ke apedamya ngoonyi koiya alejinenga.