¹ Gari a /aymu a Mungu lodaa a hardah dir Sefania na/ay a lushi na/ay o Gedalia na/ay o Amori na/ay Hesekia qombada'a ar delor Yosia natad o Amoni,wawutumoo Yuda. ² Umooqo gaaro ardaw baraa' gitse/aa danedoa yamuwo an qwaare esa hhe'ees gaari a ooar Aako iri. ³ Hee ur qwarees ne la mikite oor te oor tsir lor gawaa' dawri an qwere'ee nee Samakir baraa' tla wito hhitira nae tlaku e Gawaa idoriye hee un hengesa hae'ees amor saaw i ale gawaa gitse/aa dandoo yamuwo gari Aako inoo kilos ngina oo. ⁴ Ari hardah ner dakwee gaaa dandoo Yuda slemeero nee muku kitangw Yerusalemu Metodaa aar baali ar fiits amor sawi wa dir yamukaa o diri nee umeer mukuda firo in huwahuu dir moroola tlehh ner dabain kodaa baraa tla/eri itsahhatuse. ⁵ Mukuda baraa dandema mareinee xirfeenisa ner slaqoo oo dawri nee mukuda inoin xirifeemisa ner afoo dir Aakoo Mungu nee kwas sleme afoor huwa ahuwa dir wwawutumoin. ⁶ In fitsi mor saw sleme kodaa a wa ghayee aluiale wa dir Mungu degidelidela kwadaa sleme Mungu degidelilaa tam khumoros kayahaamisika. ⁷ Xasliita hhees dir geera Aako Mungu asuma idorihee deloor Aako aa tseewuur Mungu ilahhooa nga amoohhees dahaayeeros nga waagweer. ⁸ Ni xeer baraa' deelor ilahhooar Aakoo idosihee urusee an diif nee na/aa wawita nee umoqoo hee ota tlabaa dahaye idahaas. ⁹ Baraa' dolosiye in diif slemeero kwadaa inoin /akumitaa ner gawaa gillahharmo kwadadaa doo Aako hatsimisa ner xwara ngw xwariinaw nee lamemo. ¹⁰ Abaraa deloo dadaa tii a uiir Aakoo ar gidaaba /a/ee o gurhami ni hhaya wa mor baraa tsufee o samaki uui ngina taahhwa mor wilayar tsar nee afor dingisimoo uur waamor tlomii. ¹¹ Ilaharise yal muku aya solor wilaya dir mu slemeero o laqwaltimisa kahhitin nee slemeero kwada tlara/ar pimimimaa kahangee amor saw. ¹² A baraa delodaa Yerusalemu ngiwalele hh nee tsaa i nee hhawate ngire diif koda inoin iwiita wa baraa burar-in baraa munemaine tare oo Mungu gar tlehh i kahh lahhohhoo lagha ar tlaluu. ¹³ Daqaariimar in hahayohaas ay ne mare in ki ilagoow asma tsu/uta. Doo kutleehh nee kuwahotikana ne /amu o Sabibu kudahaas nee buraros la malee wahilaang. ¹⁴ Deloor ur ar Mungu ka teew tsewama ng haraa komaakona ner ganslay Afor deloor Mungu a ar /a/e o slahhaar may eer magi. ¹⁵ Delosi a delor munane a delor gur hamine slahhaamuye a delor bambeo ne tsu/uta delor bo/a nee utusitiisi delor tlafoo nee bo/ar ur ar gilhimit. ¹⁶ A delor afor loa ur nee debe dir baqamoo mijini nee /ampa loa tleer. ¹⁷ Idoriiye alemaa in hu gawaa muu tam idosihe tanhiimit wa dir tsew idor hhawale o khumisaaka laqa tamaaho imir ir inge kawa tleesli dir Mungu wa ale. Tserer in kan kuwa idor tlarangw nee yamuuin o baraa guraa aidor /o/o. ¹⁸ Tam tlara/ar in tam ila ilahhoar in ngi ale slerakang ba/amisar gawaa' muneneer Munguhe baraa' aslta tlomuwose dando yamu slemeero kin qororoos idosiye ganaamu nguri huu alhheesay o gurhami gawaa' kwada' slemeero hotatimia dandoo yamuwo.