¹ Nee kaang iymu Aako Mungu ina hardah dir hee tabay tona na/oo amitai ookah. ² Sihhiit tlatlaw ayaa ninawi aforok tlesk asma iringer in a iaa tleeruur geraene. ³ Aluwo yona inatlay geera Aakoo waalee ay yamu tarshishi ire /eet baraa yaamu yafa nee malalumo nguna ar itarashishir kay. Peesaros ngire buu ire tsa/an gawa maringumoo ar tiwa kona tarshishi asma iwanahhati geera Munguhe. ⁴ Nee Aako Mungu furaar ur koom ngina ya/aaw baraa' tlawtiale bambeeor /uru koom ire hardat baraa' tlawti ale mari ngumo ngure aloo geeqeer. ⁵ Kwaada gadiyumamisa wa baraa' tlawi tana loa daayuut mukuda barada i diniir tare /a/amin umohee nee munguwos huwain karee kwahh tlaa maringumohe ire inslahhiy Yona ire /eet guuro maringumohe baraay nee inos a qaro guu. ⁶ Nee geera harusumo maringi tona ngure idaqaay ngure bay asma milla kung mas guu daamiitang munguwok firiimeek, doaqa Mungu wok tundu tsaahh nee tare qwaaaranaka? ⁷ Mukda garaa maringumo dirii tare kiliin axwees qwalasiri aa tsawdiman ar nginwa xuaan tlakwemakaa tinda slaye nee tare tsawdin tsawdo Yona ngure sleer. ⁸ Yona kuna bay, kuung gart tlaxwees oang an gar tlaxwemaka tunda slaye gadiyerok arkta tlehh aa mila nee amor taadah aamola ayawok aa gala, nee ayanawatleer tlahhewok aa galaa. ⁹ Yona ngire bay, ani tlahhee'e aa |Ebrania anig Mungu dawri u daimiit kwada tlawei ngaa tleehh nee yaamuu kahaar. ¹⁰ Nee mukda taredaayut waalo Yona kurebay, gaarii kuung taa tlehh a mila? Asma muuki kaatsah ar gidaaba a hee na goow wa geera Aako asma ngaa idabay. ¹¹ yona kure bay gar uitlehhannamila as tlawi iwa xaslit? Asma tlawi xatlita nga sii. ¹² Yona ngina bay ani ahari nee kwahhari baraa tlawi daa=gde tlawi ixatlit asma kuunga nee ani axuu furaari garnasxeer ner /uru tunde sleer. ¹³ Tii tlemeero muki ngarngusa sleer a maringumo kuwa ki/iis afee tlawi amor ayamuu kahaar nee kwaale slayka kuwa dosi/isi asma tlawi i baambeeor /uru koom koon. ¹⁴ Nee Aako Mungu kure firiin tare oo ufiririman Akoo ufiririman Akoo mitii geexawar maka qororotan asma hotaa heewi nee mitindi tlakwemaa harafara asma gwararos, asma kuung a Aako anatlehh idoda kaar slaa. ¹⁵ Hetabay Yona kuretatahh kurekwahh baraa' tlawi nee tlawi ire xatlit. ¹⁶ Nee mukda Aako kure ila hhoo an hariis nee kure al axwesati tseeg. ¹⁷ Aako Mungu samakumo ur nguna amohhees Yona kuwa gu/i Yona ire hoot waa baraa' guroo samakumo deelo tam amsi nee tlatla/angw.