¹ Baraa' kurku tsar oo wawtumoo Dario gaomar slehherngw tawa lahhoo balar geera ar slehheengw lahhoo /Amuu Aakoo nina harda ner dakoo Arusmo Hagai ay amor wawtumoo Yuda, Serubabeli garma Shaltieli nee kuhanumo ur Yoshua garma Yehosadaki iwa kahi. ² Aakoo Mungu, (Batuusmoo) Alesleemusmoo ikaahi muki ii kaahi a siwar neeke niwa xawaan laqa doo Aakoo Mungu kuwa tlehhan. ³ Alant /aymuu Aakoo niree harda ner nakoo Arusmo Hagai iwaakaahi, ⁴ xay a siwar hunge kuunga tawaahota baraa doo bu'unt nee siwasiye do'owi hhiturumiit? ⁵ Gawaa' idoosiye AAKOO MUNGU Aleesleemusmoo ikaahi uruduhung altakwa! ⁶ Dahasingw yariir unadahase, aluwo bu'ungw ninaw a mak /aynda hhe'ee axiinda'aaka a mak wahanda hhe'ee waxee fakiindaka talaba i mak dahamisa hhe'e axwanay u slesleera'aaka, nee hee ta bu'uun peesaa ngu slaslay ngwe qaas baraa' tlakwee a doxafoox. ⁷ Aako Mungu Aleesleemusmo ti ngin kahi. ⁸ Uruduuhung aldakwaa! tsa/ame gawaa' tlomii pehhay huwari nee dooe tlehhare nee sleme a hho'uu nee tire xirfees! Aako ii kaahi. ⁹ Anamak harafaade ar yariir kawa slera hhe'ee qatsite arna do'owi huve ka ninaw an sawes amor saw as umas? Idor Aakoo Mungu' Aleesleemusmo ngina oo asmaa doee in baraa hhitutar wa iwiwiit hhe'ee umoo hee ku hhoo baraa' do'oose. ¹⁰ Asuma idoori dawri kaa tseek tam hintsii ngi duxiiaaka amoroge nee hhape a oohind laqwarimiiska. ¹¹ Una /akaa wa gawaa' dandoo yaamu nee gawaa dandoo tlomi'ii gawaa dandoo balangw nee gawaa' dandoo sabibu /aben gawaa' dandoo di/i nee gawaa dandoo bu'ungw danoo yaamu gawaa muu nee gawaa' makaay, nee gawaa' dandoo gadiyyduwo'k awa daba slemeero. ¹² Aluwo Serubabeli garmaa Shaltieli nee kuhaanimoo ur Yshua garmaa Yehosadaki dinkwaa nee mu'k aa meet siwaada oo Aruusmoo Hagai asuma Aakoo Mungu in gerho ngwa ya/aaw. Nee muu getsee/aa Aakoo ngire da'aayuutii. ¹³ An dir Hagai ya/abusmo Aako Ya/abtor Aakoo ngire axwee's dir muu ire oo Ani a dinkwa nee kuung gari a ooar Aako. ¹⁴ Aako munoo urusumoo mkoar Yuda nguna gwaraangwar Serubabeli garmaa Shaltieli nee munoo huhanimoo ur Yoshua garamaa Yehosadaki, nee muneemoo mu'k a meet as idosiye sleme tare tlay gadiyee karetlehhamor ay baraa' doo Mungu aleesleemusmoo Mungu'in. ¹⁵ Baraa' balor mibeeri tsar ar slehheew tawaa' lahhoo kuruuku tsar oo wawiiti'iimar wawtumoo Dario.