¹ Tsama, ku nfuku iisyo no bhakati uubho, ho ndaku helela mateka ghwa Yuda no Jelusalemu. ² Noone ndaku ghakonka mataifa ghoose, no kubhaleta mpaka kwi kolongo lya Yehoshafati. Ndaku bha hukumu uuko, kusabhaabhu jya bhaantu bhaane no bha hyanyi bhaane israeli, bho bhaka bhasamba syanga kati jya mataifa no kusabhaabhu bhaka ghabhulanga inchi jya kwaane. ³ Bhahula kula kujili jya bhantu bhaane, bhaka ghulanga musumbakijili jya mumalaja, kughasya muhala kujili jya divai ili bha kobhole kunywa. ⁴ Saasa kusabhaabhu sii ulikungajila, Tiro, Sidoni no mikoa syoonse sya bhafilisti? Je! muba kunhelelesya maliho? Niagi kubha mwandisha mala jimwi ndanku bhahelesesya maliho gheenyu halughulu jya mitwe syeenyu mwe bheene. ⁵ Ku sabhaabhu mwatwala mpija syaane no sababu syaane, noomwe muka twalite hasina syaane sya thamani no kusileta kiji hekalu syeenyu. ⁶ Mwabhaghusya bhaantu bha Yuda no Jelusalemu ku bhayunani, ili kubhwate la kule no maeneo ghaabo. ⁷ Tasama ndoku bha halamusya, bhafume mahali ko mwaka bhagusyanga, nondokubha helesya maliho gheenyu halighulu jya mitwe syeenyu mwe bheene. ⁸ Ndaku bhaghusya bhaana bhoobhe no bhaha la ghoobhe, ku bhantu bha Yuda. Bheene bhalo ku bhaghusya sheba, kutaifa kulee. Ku sabhaabhu Bhwaana atensile. ⁹ Tangasya iije kati ja mataifa, 'Mwitayalisye mwe bheene kujili jya fita, mubha halamusye mashujaa mubhaleke bha soghele, mashujaa bhoose bha bha fita bhatande kulughulu. ¹⁰ Muskubhe nfuka nyeenyu kubha lupanga no kambi tweenyu twa kubhasila kubha masumo. Bhaasi bhadhaifu bha bhale, ndili no managha! ¹¹ Bhwaangu no mwise mataifa ghppnse gha hehi, mili konke hamwi kokoe. Ee Bhwaana , bha sosye mashujaa ghoobhe. ¹² Naamu, mataifa ghali bhalile gheene kwisa mpaka kwi kolongo lya Yehovashafati. Ku sabhaabhu ndo mwikala koko kuhukumu mataifa ghoonse gha hehi. ¹³ Bhiike katiki mundu, kusabhaabhu mafuno ghahya. Jise mulye sabibu kujili ipipa lya divailibhambike. Fipuli fyosibhu mbike, kusabhaabhu bhubhi ghwaabhoni mukulu nkana. ¹⁴ Kuli no mususuko, mususuko kwi kalongo lya hukumu. Kusabaabhu mfuku jya Bhwaana na jilihehi kwi kolongo lya hukumu. ¹⁵ Isyabha no mwensi fikubha jikoto, nyota syaleka kubha no ilangasi. ¹⁶ Bhwaana alokubhola kufuma Sayuni no kubhusya sauti jaaje kufuma Jelusalemu. Ighulu no ilongo sila ku tetema, lakini Bhwaana alokubha makao kujilija bhaantu bhaaje, no ngome kujilija Israeli. ¹⁷ Kutetyo mulo kumanya ja kubha uunendi Bhwaana, kabhuumba gheenyu, ghooaliho ku sayuni, musosi ghwaane malafu. Kabhili Jelusalemu jilakubha takatifu, no kutuhu ijesi lyolila ku sunguluka kabhili. ¹⁸ Kufunku iitijo, misosi jilo kutayalisibhwa divai nsogha, misosi jila kusobha masiwa, myonga syoonsesya Yuda sila kuhita hakati jya mansi, no nsoko sila kwisa kufuma lugho lwa Bhwaana no mansi gha ikolongo lya Shitimu. ¹⁹ Misili jilakubha bhukiwa, no Edom jilaku bha jangwa lya mwengwa, ku bhaantu bha Yuda, khusabaabhu bhaka ghonanga malaso ghabhusila makosa kwi longo lyaabho ²⁰ Lakini Yuda ghalakubha mwenyesi mileje ,no Jelusalemu jilakubha bhufyalo ningibhufyalo. ²¹ Ndaku bhalihi sisya malasoghaabho ghosyalili hisisya kisasi, ku sabhaabhu Bhwaana ekwikala ku Sayuni.