¹ Leli ni ghambo lya Kabhumba lyakamwisilanga Yoeli mwana ghwa Pethueli. ² Hulike ghagha, ummwe bhakekulu no muhulike, umweni bhene sihugho. Knsi leli lyakasumbula kubhe kabla jya funku syenyu au katika fuku sya tata ghwenyu? ³ Bhabhalile bhana bhobhe kuhusu lelyo, nobhaleke bhalwana bhobhe kubhabhalila bhana bhabho no bhana bhabho bhufyeje bhulokesa. ⁴ Ghalya ghobhakasyanga no tununtu ghalibhwa na nsighe bhakulu; Ghalya ghakasazwa. Na nsighe mahaso bhagalya; No ghalya ghasazwa no haso ghalibhwa na mandumandu. ⁵ Halamke umwe bhalefi lile! muomboleze, umwe mwense mukonywa divai, kusabhabhu divai nsogha jyaputwa kufuma kumwenyu. ⁶ Bhosyabha sihugho syajisa halighulu jya nsii jyane. Fispgha bhusila bhuhela. Menos ghajye ni meno gha simba, nagho alinameno gha simba. ⁷ Ghalijila ibhala lyane lyamizabibu kubha hakutisye, ghalwala mtini ghwane. Ghatwalo ipamba lyaje no kukitagha hale; Malabhi ghaje ghabha ghaswe. ⁸ Omboleza kobhe bikila ghakafwalanga maghunila kulufulwa ibha musee. ⁹ Sadaka jabhufuma no sadaka jafinywaji syatunisibhwa hale no lugha lwa Bhwaana. Makuhani, bhakolamilimo bha Bhwaana, huomboleza. ¹⁰ Mabhala ghabhihisibhwa, ne lugha lwabha zaifu. Kusabhabhu nafaka jyabhihisibhwa, divai mpya jaghuma, no mafuta ghabhihisibhwa. ¹¹ Kunge nsonyi umwe bhakulima, lile, bhakulima bha mizabibu, kwi ngano no shayili. kuma bhusughusi bhwebhala bhwabhihisibwa. ¹² Mizabibu jyabhiha no fiti fya mlini fyaghuma, fiti fya mkomamanga, no mitende no fiti fya epo. Fiti fyose fyakwibhala fyabhiha kubhunyomwe jabhiha kufuma kubhana bha wanadamu. ¹³ Bhyala maghunila no omboleze, umwe makuhani! Mwalila umwe bhakolamilimo bha madhabahu. Jisa ulale bhufuku bhose kumaghunila, umwe bhakolamilimo bha Kabhumba ghwane. Maane sadaka jya bhufume no sadaka jya kinywaji syatunisibhwa halugho lwa Kabhumba ghwenyu. ¹⁴ Jite kufunga lakatifu, no mwite ikasanyiko takatifu. Musoghesesye hbakekulu no bhekasi bhose bhalugho bhafike munyumba lwa Bhwaana Kabhumba ghwetu no kumulilila Bhwaana. ¹⁵ Ole kulufuku? Kumaana mfufuku sya Bhwaana syakongelanagho jilojisa kubhihya kufuma kwa nyene Kabhumba. ¹⁶ Teti fyakulya lefyakakatiliwanga hale no menso ghetu, No bhunyomwe na nseko kufuma muligho mwa Kabhumba ghwetu. ¹⁷ Mbuto sikumele hansi jya bhulongo, bhwaje, ghala syabha no bhobha no mabanda ghabheleka kumaana nafaka syabhiha. ¹⁸ Tilya manywele ghalila! Ng'ombe bha musenyenge bhakusamba ku sabhabhu tebhali no hakulya. No makundi gha tama ghalikusamba. ¹⁹ Kabhumba kukulilila ughwe kumaana mliloghwahwa mwa kulila mwijangwa, no mulilo ghwahwa fiti fyonse fya mabhala. ²⁰ Nansi manywele bha mabhala bhakubhabhu nyobhe kusabhabhu mionga jya mansi jaghuma na mulilo ghwalya bhwansi bhwa jangwa.