¹ Kabhula ja ghonse nkusumbula namaombi, ne sala, ne maombezi, ne shuklani fikoleke kwa ajili ja bhonse, ² Kwa ajili ja bhakulu na bhonse bhakanya mamulaka, bhwangu twikale na maisyagha amani ne bhuhole katika utauwa bhonse ne heshima. ³ Lelini isogha ni likanya kumanyika kumbele kweke kabhumba mwokozi ghwentu. ⁴ Nyene akohensa bhantubhonse bhasabhulwe ne kumanya bhulya bhwene. ⁵ Ninga bhakuli kabhumbaghumwi, kansi kuli mupatanisi ghumwi kati jeke kabhumba ne bhantu bhaje ghogholi mupatanisi ni Kiristo Jeesu. ⁶ Ghakefumianga nyene kubhamalihi kubhantu bhonse kobhe musyahidi kubhwakati bhufaile. ⁷ Kwa ajili jeji, unewamwenga nankelwanga kubha mujumbe bhwa injili ne mutume. Kutenda bhukweli. Syomalami. Une ndi mwalimu wakumaifa kujejo imani ja bhwene. ⁸ Hensile bhwaghosi kila mahali waombe ne kubhusya mabhoko mitakatifu bhusila ghazabhu ne mashaka. ⁹ Hensile tetyo, bhakema bhefyike mavazi ghakubhalike kuheshima ne kukubhalika ne kwizuwiya musibhi ne nyele sisukilwe, au dhahabu, au lulu, au mafwasi ghaghalama nkulu. ¹⁰ Hensile bhafwale mafwasi ghakubhalike wakema bhekukili bhuchaji kukuhitila maghambo masogha. ¹¹ Mukema alifundisye kwikala ne bhuhoe nekuti konse. ¹² Nsilakumuha luhusa mukema kufundisya, au, kubha ne mamulaka juu ja bhutulame. ¹³ Ninga Adamu bhighabhubhwanga lwa kwansa, bhalonda Eva. ¹⁴ Adamu tighakalebhwanga, lakini mukema ghakale bhwanga kabhisa katika bhuasi. ¹⁵ Ninga tetyo, alokasabhulwa kuhitila bhana bhoghakafya langa, kubhe bhalokaendelea kubha ne imani ne bhupendo ne katika bhutakaso ne masala masogha.