¹ A oti na vikwa kwe,a laka dei yati o Jisu ina lia leqwa na sakesake ni ruwai o Kaleli e yaca muni na wai o Taiperia. ² A lia nai nono levu na tamata a re takuci koya ni re sa dania a sawe nai vakadudu a tara vuara na raraci. ³ A laka i ulunivanua o Jisu qa lai gatule qaru na lea tisaiveli. ⁴ ( A valeke no na marau ni kani vata ni lakosivia ni ledra na Jiu.) ⁵ Na lea mata i yata o Jisu qa qei dania alia nai korokoro levu na tamata a re laka no yati i vua ,a qei kwaya va Vileve ,"I vei ina lei voli mai ka na madrai me re kania o kora kwe.?" ⁶ ( A kwaya o Jisu kwe me vatoveli ti Vilive, ni kilatia no o koya na kwa i rewa ni tara ). ⁷ Saumia lesu vua o Vilive ," ei ruanadrau boto nai lavo i rautia na madrai e i na tam virauti me re viyayavica". ⁸ A lia vuaru na tisaiveli,o Adriu,i ru vitacini qa Samoni Vita, a kwaya va Jisu. ⁹ E i lia na driadria tagwane nodoki kwe i tau no vua i lima nai buli madrai qa rua na ika,ia ei na rautia na tamata bi kwe ?" ¹⁰ A kwaya o Jisu , "Va no nira i ra na tamata ," ( A bi na vi`o`o i na vanua so kwe ).A re sa qei no i ra na tamata ,rautia ni lima na udolu na kedra i wiliwili . ¹¹ A qei qulu o Jisu na madrai,oti na lea vinavina a qei vagani kora na no i ra.A tara muni i na ika,na kea levu ga a re vina tia. ¹² E re si wabute na tamata,a vecera na lea tisaiveli o Jisu "Ba torokitia mai e moromoro i vo,me kua ni vele i lia". ¹³ A re torokitia qare vaganitia a tini ka rua na vesavesa ni ika i na moromoro ni madrai a dei tu mai vuara na kani. ¹⁴ Ni re sa tolavia na tamata na kwa a tara kwe , a kwaya, " Ko kwe na varovita ko me na laka mai vuravura kwe". ¹⁵ Ni sa vakilatia o JIsu ni re sa vakarau laka mai me re mei koya vaqwaqwa me re bulia me tui, a qei tuba cake leqwa vasewasewa i ulunivanua . ¹⁶ Ni sa yaviyavi no mai , a re sa laka civo na lea tisaiveli i matacawa. ¹⁷ A ra sa vodo i na lia na waqa qa ru takosoi i Kepenaumi:Sa gilo sara ga na gauna kwe , sa tam cedre vikora ga mai o Jisu. ¹⁸ A lia na cagi qwaqwa a liwavi koru no, qasa taula caka ca sara ga na ruwai. ¹⁹ Ni ru sa voce tia oti rautia ni rua sa gavulu kwa lima se tolusagavulu nai kalawa,ru qei dani Jisu ni yato vali i dela ni ruwai qa toso vakolo tovo yati i na waqa, a qai vuraki koru na mataku. ²⁰ A qei kwaya vuaru, "O au boto! Ba kua ni mataku ". ²¹ A sa qei rewa vuaru meru vavodo ki Jisu i na waqa,tam bere sa utu sara yati na waqa i ra i na vanua areu laka no kwa. ²² Na siga taravia leqwa ,o kora na tamata ko a re dure tu mai ni bati ni ruwai tiki so kwe re dania ni laka lia leqwa na waqa a kele no o koya ko ara vodokia na tisaiveli tam teli ka a Jisu ni ra laka vataki ni ru na lea tisaiveli. ²³ Me wetai sokwe , a sewa muni na waqa a re laka mai Taiveria valeke ina vanua a tara ka na kani madrai ni oti lea vavinavina na Turaga. ²⁴ re sa qei kilatia na tamata ni vele sokeni o Jisu qa ra na lea tisaiveli,re qei vodo muni i waqa me re laka i Kapenauni me re vada ni Jisu. ²⁵ Ni ru sa qei dani Jisu i bati ni ruwai tiki leqwa sokwe a re kwaya vua,''vavuvuli,a gica o laka mai ka kwe?'' ²⁶ Saumia lesu o Jisu qa veceru,''E i du ,e i du , ba vatolavi au, e i lala ni o ba dania na vivatakilakila, e i baletia ga na vatilem kania na du ni madrai, qo ba wabute ka. ²⁷ Ba kua ni vaoca ni vatikem vakalevu ina magiti e i tau balavu me yacovia na cola tam mudu, ko isolia va vatikem na Luve momo, do na Kalou o tamaya a soli na lea vatakilakila i vua''. ²⁸ re qei kwaya vua ,'' Na ava re meba tara, me ba ma rewa ni tara na lea cakacaka na Kalou ?''. ²⁹ Saumia lesu vuara o Jisu qa Kwaya ,'' Ko kwe na cakacaka ni Kalou: Mo ba vakabauti e i lia ina vatala mai,'' ³⁰ A re qei kwaya vua ,''Na ava nai vataikilakila e na tara , me ba rewa ni tolavia qa vabauti iko? ³¹ Koru na tamai vatike mam a re kani mana mai vikaikai , me wetai i volai no,''A vagania na madrai mai lomalagi me re kania,'' ³² A qei saumia vuara o Jisu ,''E i du , Edu, a tam ni Mosese ko a vagania va vatikem na madrai ma i lomalagi , ia o tamai au ko a solia na madrai du mai lomalagi. ³³ Na madrai lea na Kalou ko i laka civo mai lomalagi qa solia na cola i vuravura . ³⁴ A re qei kwaya vua ,''Momo,vagani vatikemam ga no mai na madrai e''. ³⁵ Kwaya vuara o Jisu,'' o au na madrai ni cola ; o koya i laka mai va au i na tam mata kani,qa o koya i vakabauti au i na tam karamaca rewa . ³⁶ Qu sa vecei vatikem rewa , ba sa dani au qo ba tam vabauti au. ³⁷ O koya ga e i solia mai o tamai au , ina laka mai va au , qa i koya ga i laka mai va au qi na tam deinia dei. ³⁸ O au gu laka civo mai lomalagi , qi tam tara nai naki ni vikwa ei baleti au , na vikwa ga baleti koya a vatalati au mai . ³⁹ Ko kwe na lea i naki ko a vatalati au mai , me kua ni qu vavelenia i lia vuara a vagani au mai o koya , me re lai vakadure i yata ina siga mai taku. ⁴⁰ Ko kwe na i naki lei Tamai au , o koya ga i tolavi luvea qa vabautia i na lea na cola tam mudu, qa qu na vadurenia i yata ina siga mai taku ''. ⁴¹ Ra sa qei velegudrugudru ti koya na Jiu ina lea kwaya, ''o au na madrai ko a laka civo mai lomalagi.'' ⁴² A re kwaya, "I tam ni Jisu kwe o luvei Joseva , ko tamaya qa mnaya te kilatia koru ? Me qei kwaya no kwe ,' o au qu laka civo mai lomalagi '? ⁴³ Saumia o Jisu qa kwaya vuara , Ba kua ni velegudrugudru no vatikem . ⁴⁴ E i lala lia i laka mai va au vakavo o tamai au ko a vatalati au mai mena mea vakolo mai, qa qu na qei va durenia i yata ina siga mai taku . ⁴⁵ Are vola na varovita ,'' tamata coko ina vavulici keta na Kalou .'' Tamata coko ko i varogo qa lei vakavuli mai va tamai au ina laka mai va au. ⁴⁶ E i lala lia sa tolavi tamai au o koya ga sa lea na kalou -sa tolavi tamai au . ⁴⁷ E i du ,e i du o koya e i vakabautia i rewatia na cola tawa mudu . ⁴⁸ O au na madrai ni cola . ⁴⁹ O kora na tamai vatikem a re kani mana i vikaikai qa re mate. ⁵⁰ Kwe na madrai ni cola ko a laka civo mai lomalagi ma ga i lia i kania vica boto e tiki ina tam mate. ⁵¹ O au na madrai ni cola koa laka civo mai lomalagi.Ma ga i lia i kania i vica na madrai kwe, i na cola tu maga.Na madrai ko qi na vagania,qu yago me cola ka o vuravura.'' ⁵² Kora na Jiu a re sa qei viborisi vataki ni kora qa re taula viba,qa re kwaya,''E i rewa vakaava vua na tamata kwe vagani keta e yago me lei kani?'' ⁵³ A qei kwaya vuara o Jisu,''E i du, e i du,maga o ba tam kania e yago na Luve ni tamata qa somia e dra i na lala na cola i va vatikem. ⁵⁵ Quago magiti i du,qa qu dra i tia waini som i du. ⁵⁶ O koya i kania qu yago qa somia qu dra e i no qai au o au muni i va koya. ⁵⁷ Me wetai i cola o tamai au ko a vatala ti au mai qi ma cola no muni ei baleti tamai au, me wetai kwe o koya i kani au,e na cola ga muni baleti au. ⁵⁸ O koya kwe na madrai a laka civo mai lomalagi, tam nia ko re kania o tamai vatikem qa re mate ka . ⁵⁹ O koya i kania na madrai kwe ina cola qa tam mudu rewa. A kwaya na vikwa kwe o Jisu ina werenilotu ni vakavuli vali mai Kapenaumi. ⁶⁰ Levu vuara na lea tisaiveli re rogo kwe qa re kwaya,''Ko kwe e i lia na i vakavuli medre ;o ei i na ciqomia rewa?'' ⁶¹ Ia o Jisu i sa kilatia no ni ru sa vikwaiyaki ni a no na lea tisaiveli na kwa kwe,a qei vece ru ,''ei derei vatikem va bibita na kwa kwe? ⁶² tai vei na vatilem ligocia na luve ni tamata ina lea laka i yata i na vanua a nodoki ka i mata? ⁶³ Ko na yalo e i tara na cola,na yago i tam rewatia lia na kwa. Na tata coko qu kwaya va iko i vaka yalo, qa re tata ko i cola. ⁶⁴ re sewa ga iva vatikem re tam vabautia .''A sa kilatia rewa o Jisu mai na i tautaula o kora na tam vabautia qa o koya ina soli koya ati. ⁶⁵ A kwaya, e i baletia na vikwa kwe qa kwaya ka va vatikem e i lala lia i laka mai va au vakavo i sa camani koya o tamai au ⁶⁶ Baletia kwe, a levu lea tisaiveli re sa laka dei ya,a re tam mata laka qai koya. ⁶⁷ Aei kwaya o Jisu vuaru na tinikarua ,''I kua o ba sa mata laka dei muni ya o vatikem , se i kua?'' ⁶⁸ Awaya vua o Saimoni Pita ,''Momo , me ba laka leqwa i va cei? E i tau ga va kem na tata ni cola i tam mudu. ⁶⁹ I ba sa vabautia qa ba sa qei kilatia o kem na tetelagi talia lea na kalou ⁷⁰ Kwaya o Jisu vuara,'' Qu tam digi vatikem,na tinikarua,e i lia va vatikem na nitu?'' ⁷¹ Ko kwe a kwai Jiutasa no o luvei Saimoni Isikarioti,o koya ga a lia vuaru na tinikarua o koya ina soli Jisu ati.