1
O vatikem`na taci au , ko i sa no vina na vatilem ` cola vakayalo,ba vukera mai koi lia i tao tu mai na valavala cakaca,i na yalo malum`malum`.
2
Mo qaraunia no lem cola mo kua i lia i veretiko.Ba vivuketakinia na vatilem dagidagi o ba sa na qei takuicia na vunai lei Karisito.
3
Ko maga i lia i numia me sa lia nakwa o koya,qa tam` rewatia i lia na kwa ,sa vakarivarivaci koya vali boto.
4
Mo dau tara talia na lem`ogaoga qa mo kua ni vakatautauvata taki nia iva lia me rewa ni o lei gadretaki kwa.
5
Mo dagi talia na lem likoliko.
6
O koya alia i sa lei vakavuli na tata vina,i dodonu me wase rauni na vi kwa vina ivura me ra vakavulitaki.
7
Mo kua ni vakarivarivaci iko .Na Kalou i tam` lai vakarivariva ,na vi kwa ga o ba na launia, o ba na qei vutia muni e vua.
8
Maga i lia i na ceburakinia na vi kwa cakaca ina vanua cakaca,i na kea i sau na mate,ko maga i lia i ceburakinia na Yalo Tabu, i na vikwa ni Yalo Tabu,i na qei saumi vua na cola tam` cidruta.
9
Mo ba kua ni watete na tara na vi kwa vina ,i na qei yaco ga mai na gauna i na qei saumi kwa,mo qei tomania ga no na tara ni vikwa i vina.
10
Ko i maga i sa tau i va keta na ca levu vina ,me te tara ga no na vikwa vina vuara na tamata vakabibita i vuara na tamata vabautia na Kalou.
11
Ba ligocia na levu ni vola qu sa vola yati iva vatikem`i qu titi ni lima.
12
O kora e re mata vakarere vina taki ni kora i na yago e re sagatia me va qwaqwataki ni iko me savasavam` yago tabu.
13
O kora boto re ko a re vakasavasavatakinia medra yago tabu me re maroroya boto ka na lawa ni ledra no, e re vinatia me vakasavasavatakim`yago tabu me re rewa ni raqwataki m`yago.
14
o au mequ kua ni vakalavelavetia leqwa i lia kwa,na lea kaivilatai ga na leda Kalou o Jisu Karisito, a sa laka dei iva au ni vikwa vakavuraura baletia na kaivilatai au dagi , a qu sa tam vinatia leqwa na vi kwa vakavuravura.
15
I na tam` wili kwa maga i sa vakasavasavatakim` yago tabu se si bere,i na wili ga kwa ma ga e sa sucu vou leqwa. I vuara coko na colataki na lea savasava,i
16
na soli vuara na vakacegu,qa na yalo loloma i vuara muni na Isireli ni Kalou.
17
Me taula kwe me kua i lia i me tuvu ni au,ni qu sa laka no i na mawe ni yago lei Jisu.
18
Me qei vatilem na lequ vitacini, na loloma levu lei Jisu Karisito.Emeni.