¹ O Vaula nai Avositolo lei Karisito Jisu i na vicoco qa na lea vivatala ni Kalou, i vuara na tamata Lotu mai Efeso. O kora sa vakabauti Karisito Jisu. ² Me vatilem na loloma qa na vakacegu ni Kalou na Tamai meda qa na Momo Levu o Jisu Karisito. ³ Me vakarokorokotaki na Kalou o Tamai Jisu Karisito na leda Momo, o koya sa vakalougatataki ni Kifa, i na lea vivakalougatataki vaka yalo i na vanua valomalagi va Karisito. ⁴ Sa digitaki ni Kifa oti mai na i tautaula ni vuravura, me rewa ni vakayalo qa lala lia na kwa te lei tavui i e mata loloma na Kalou. ⁵ Sa digitaki ni keta i mata mete rewa ni luvea i vu mai va Jisu Karisito me wetai na lea vakatulewa vakayalovina. ⁶ Na macala ni vikwa i tara me dokai na lea loloma soli boto i vaketa. ⁷ I va Jisu Karisito te na rewatia ka na cola i e dra qa na vivosoti levu ni valavala cakaca, me wetai na sinai ni lea loloma. ⁸ Sa vakalevutakinia na lea loloma i vaketa i na Yalomatua qa na kila kwa. ⁹ Na Kalou i na vatakea i va keta na vikwa sa vunia na lea lewa. Me wetaki na kwa e i vina i vua, i na kwa e i tara i vu mai va Jisu. ¹⁰ Na taucoko ni leda dania ei lia na i tuvatuva me cokoti vata, na vikwa vaka lomalagi qa i vuravura, i na lia boto na ulu o Karisito. ¹¹ I va Karisito te sa lesi me leda na i wasewase ni vikwa sa vota i va keta, me wetaki ga na lea lewa. ¹² Sa solia i vaketa na Kalou nai tutu me rewa ni teimata me tau i va keta na sa kabi i va Karisito me vakarokorokotaki ka na lea kaikai. ¹³ I va Karisito, o iko muni ni o sa rogo na tata du, na kosiveli ni lem vakacolai, qo vakabauti kora qo sa tau i va iko na drega ni Yalotabu me wetaki na tata ni Yalayala. ¹⁴ Ni sa nia nai vakadei ni leda i votavota me yacovia ni te sa maroroi tia taucoko, me rokovi ka na lea lewa. ¹⁵ I na kwa kwe, ni qu sa qei varogo baletia na vatilem vakabautia na Momo Levu o Jisu qa na vatilem loloma i vuara na tamata vakacolai ni Kalou. ¹⁶ Qi sa tam mudu rewa ni vavinavina i vua na Kalou me baleti vatikem ni qu sa cavuti vatikem i na lequ masu. ¹⁷ Lequ masu i vua na Kalou ni leda Momolevu o Jisu Karisito na tama vaiukuukume na solia na yalo ni vuku qa navatakei ni kwa vuni qa na vikilati qai koya. ¹⁸ Qi sa masu me vakacecetaki na mata i vatimem yalo, mo rewa ni kilatia na i nuinui sa covi iko ka qa na kea levu ni vikwa e i taukenitia tu i va kora na lea tamata vakayalo. ¹⁹ na lequ masu qu kerevia me na solia i vatikem na vina qa na kea levu ni lea kaikai i va keta sa vakabautia me cakacaka yaco i na kea levu ni kabo. ²⁰ Na kaikai kwe e i wetaki na kaikai ni Kalou a yaco i va Karisito i na lea dure lqwa mai na mate qa sa lei va no ni koya i e lima i matau ki na vanua vakalomalagi. ²¹ Sa va no ni Karisito me tetelagi i vakora na teteimata i na viliutaki qa na lea na lewa kaikai qa na Matanitu qa na vi yaca taucoko i e lei kwai rewa, tam nia boto i na gauna kwe, i na vi gauna i si bere mai. ²² Na Kalou sa taunia na kwa taucoko i e ruku ni e la na Karisito sa solia i vua me lewa na vi kwa taucoko i nai soqosoqo lewe ni Lotu. ²³ Sa nia e yago na Lotu sa sinai tu i na vikwa taucoko sara.