1
Ko kwe vitacini,ba masulaki ni vitikem` mai,so kwe na lea tata na Momo Levu, qa me vagugutaki na kea vatetelagitaki ,me wetai ga muni i tautu iva iko,
2
Ba masu mete laka dei mai i na vi kwa vakaca qa na vi kwa vaka yanitu i vuara,ie vu ni te tam vakabautia coko.
3
Ia na Momo Levu sa rui yalo du okoya ina vukeko qa maroroi tiko mai na cakacaka ni gigilo.
4
E ba sa vakabautia na Momo Levu baleti iko mona tara ruarua qo ba vakuria ga no na vi kwa o ba lei vece ba tara.
5
Me laka sara vadodonu na Momo Levu im` uto mai na loloma ni Kalou ,qa vinumi sa tam` vaiyalayala i va Karisito.
6
Ko kwe i ba sa kwa va kaikai i va iko i va vatikem` vitacini na yaca ni vatileda Momo Levu o Jisu Karisito mo ba lavi kora yalia na vitacini o kora e re cola tu ina duakara ni cola ,qara tam cola taki na cola vai vakarau ,o sovia mai i va vatikem`.
7
O ba kilatia vina ni dododnu mo ba vakatokotokoci vatikem`,a ba sa tam cola vata qai vatikem` me wetai o kora e re tam` vakaivakarau.
8
A ba tam` kania na kea magiti ei lia ni ba tam` saumia,ia a ba cakacaka na siga qa na bogi ina vocotia qa ma kea medre me kua ni vabitabita nia na lea dagidagi ei lia leqa na tamata.
9
Ei tam` kea i balebale ni lala i va vatikemam` na lewa, ia i ba tara na kwa kwe me rewa ni ba tia i vakarau mo ba rewa ni vatokotokoci vatikemam`.
10
Na gauna teva no vata vali ka,a ba va taulewataki nia ,"O koya ei tam mata cakacaka me kua ni kani o koya ".
11
I ba varogo ni ru sewa i va vatikem` i ru visabuki vali, ere dau cikociko be.
12
O kora na mataqali kwe i ba vakararatira qa tolomaki nira i na Momo Levu o Jisu Karisito me re tara galugalu qa duku kania ga na kedra.
13
O kem, na taci au qa, mo ba kua ni yalo sewasewa i na cakacaka dodonu.
14
Ia ma ga i lia ei tam` takucia na vatilemam` tata i nai vola kwe, ba vakatania qa mo ba kua ni legaya,me rewa ni qei wariwari ka.
15
Ia mo ba kua ni tolavi koya me tia meca,ia teva o katia ga me ni wekai vatiketa.
16
Me vatileda vata na vakacegu mai vua na Momo Levu i na vigauna qa na vicalevu coko.
17
O au o Vaula qi sa loloma tu yati,qi volavola no yati kwe,i qu titit ni lima boto, koi tia vakadudu i na vivola coko qu sa vola rewa.
18
Me vatilem` coko na lea loloma na leda Momo o Jisu Karisito. Emeni.