¹ O vatikemam`,o Vaula, o Silivenusi qa o Timoci i nai soqosoqo lotu i Cesolonaiaka mai vua na Kalou na Tamai Meda qa na Momo Levu o Jisu Karisito. <sup>2</sup> Me vatilem na loloma qa na vakacegu mai vua na Kalou na Tamai Meda qa na Momo Levu o Jisu Karisito. <sup>3</sup> I ba sa tam cegu rewa i na vavinavina vua na Kalou me baleti vatikemam` na lequ vitacini vaka yalo.Ni sa dodonu ga ,baletia na vatilem vakabautia isa tubu sara no vakalevu qa sa tubu qa sa tubu valevu no muni na vatilem`vilomani vakataki ni vatikem`. I ba sa gadre qei vatikem sara i vuara na soqosoqo lewe ni lotu ni Kalou. ⁴ I ba sa vitalanoataki nia na vatilem` vosotia qa na vakabautia ina vatilem` vakararawataki.Ko kwe nai vatakei ni lewa dodonu ni Kalou. ⁵ Mo ba qei vakabau mo ba yaga i na matanitu ni Kalou,ni o ba sotavia kwa mosimosi. ⁶ Ei dodonu i vua na Kalou me vakararawataki ni ra o kora a re vakarawarawataki ni vatiklem`. <sup>7</sup> E i ledra na vakacegu o kora na vakacacani vata qai vatikemam`.I na qei tara kwe i na lea cedre mai na Momo Levu o Jisu mai lomalagi qai kora na agilosi i na lea kaikai. ⁸ I na mamaudre ni quto ei na qei saumia lesu iva kora na tam,kilatia na Kalou qa, kora na tamtalairewarewa ina Kosiveli ni leda Momo Levu o Jisu. ⁹ E re na qei vakasaurarataki ina vivarusai tam vaka i yalayala i e mata na Momo Levu qa na tetelagi ni lea kaikai. ¹⁰ I qei tara na kwa ni sa laka mai na siga so kwe me re qei rokovi koya na lea tamata yalo savasava qa lei qoroi i vuara na vabautia . ¹¹ Ko kwe sa tam` cibuta na vatilemam`na masulaki ni vatikem`.I ba sa masutia na leda Kalou me teli vatikem` mo ba yaga i na kwa oba sa lai co kwa.Sa vatilemam` masu me vakayaconia sara na vigagadre ei cokotia vina qa na cakacaka ni vakabautia qa na qwaqwa. <sup>12</sup> I ba sa masulakinia na kwa kwe,ia e yaca na Momo Levu o Jisu me lei vatetelagitakiva va vatikem`.I ba sa masulakinia muni mo ba lei vatetelagi taki mai vua ,i na vuku ni lea lolom a na Kalou qa na Momo o Jisu Karisito.