¹ Ni ru utu yati i na matacawa leqwa i lia i na ledra vanua na koi Kerosini(Kerikesa). ² Ni sa sovu mai waqa o Jisu ,vakasauri asa laka mai vua ina i bulubulu a lia na tamata waqani koya tu mai na yalo ni anitu. ³ Na tamata kwe a no vali i na i bulubulu, a lalalia me taroviti koya,tam rewatia na senidodo ⁴ A sa dau vi tosoyaki tu ina vigauna ni dau wativaki tu ina senidodo, a drutakinia na senidodo a dau watilaki tu ka , a lalalia a tau vua na kaikai me sobe ti koya. ⁵ A sa dau no vali i na i bulubulu qa ina vi ulunivanua i na visiga qa na bogi a sa dau selelaki nia e yago ina vatu garegare. ⁶ Ni sa qei dani Jisu vakayawa, sa qei wavucia, a koruva civo i vua. ⁷ A sa tagi sara i yata ," Na yava mequ tara i va kem, Jisu o luvea na Kalou tetelagi"? Qi sa kilatia ina kaikai ga ni Kalou. ⁸ A qei kwaya i vua," Laka dei mai vua o iko na yalo cakaca". ⁹ Sa qei tarogia ,"O ei m~ yaca"? A sa qei saumia ,"Qu yaca o Umaumalevu ni re bi." ¹⁰ A re sa qei cauria ga no i vua me kuwa ni ra laka dei mai vuara. ¹¹ A lia nai nono levu na qo a re kani vali ina lia na tua. ¹² A re qei kerevi koya, a re kwaya , vatala tikemam yati i vuara na qo, me mam lai waqani kora. ¹³ Sa vaka doni kora na yalo cala a sa lei waqa ni ra na qo, a re sa qei wavu civo ina baranisavu i ruwai , a rautia i ruanaudolu na qo a cidrom i ruwai. ¹⁴ O kora na vakanira no na qo a re qei tuba dei qa re lai kwaya na kwa sa yaco, i na koro i na yasayasa so kwe, a re sa qei laka qa re lai tolavia na kwa sa yaco. ¹⁵ A re sa qei laka mai i va Jisu qa re sa qei mai dania na tagwane a dau waqani vali i na nitu, o koya a waqani koya tu a bi na yalo cakaca ni sa nodoki no muni qa sa vakaisulu vinatu qa tu donu tu lea cola, ia qare sa mataku. ¹⁶ Qa re sa qei dania na kwa sa yaco tu i vua na tagwane a curumi yanitu, a sa qei vatakea i va kora na kwa a yaco i vua qa na kwa a yaco i vuara na qo. ¹⁷ Sa taula me ra sa vecei koya me vagwlala ina ledra vanua. ¹⁸ Ni sa vodo i waqa, a sa kerevi koya na tamata curumi yanitu me re sa laka vta vali muni. ¹⁹ A qei vadonia o Jisu , a sa kwaya i vua," Laka i na vitiki ni were vakora na koilem, vecei kora na kwa sa tara i va iko na Turaga qa na vikwa sa vatakea i na leya lomani i ko" ²⁰ A sa qei lakwa teni qa sa taula me kwaya tovo mai na kwa levu a tara o Jisu i vua mai Tikapoli, a re sa qorovia taucoko. ²⁵ A lia muni na yalewa a no vali muni so kweni a turu ni dra balavu i na tinikarua na yabaki. ²⁶ A sa dau vosotia vakalevu na ledra viqwaravi na vuniwai qa sa vakayagatakinia na vi kwa ei taukenitia tu me rewa ni yaco vua nacola qa sa qei levu ga no mai na mate a tau no vua. ²⁷ Ni sa vakarogo nai kwalekwale kei Jisu ,sa laka mai e lobo ina ledra vibutoyaki na tamata,qa dere na lea bele ni sulu o Jisu. ²⁸ Ni a kwaya , " Maga qi na dere boto na lea i sulu qi sa na cola. ²⁹ I na gauna sa derei koya kwa ,sa mudu sar na tu ni dra qa vakawa ie yago ni sa cola mai i na lea raraci. ³⁰ Sa taula me vakilatia o koya ni sa vele mai vua na kaiakai.Sa qai vua mai vuara na tamata taucoko qa kwaya , "O ei a dere na lequ i sulu ?" ³¹ A ru qei kwaya vua na lea tisaiveli , " Tolavia re na levu ni tamata taucoko tu kwe qo qei kwaya tu , 'O ei a dere au?" ³² A sa qei vi dani yaki me vakatolavia o ei a dere na lea i sulu. ³³ A sa kilatia no na yalewa so kwe na kwa yaco no vua,a sa mataku qa saqasaqa.A sa laka qa mai qa mai lutu i e mata qa vece coko vua na kwa du a yaco. ³⁴ Qa sa qei vece i vua ," Lequ vulau ,na lem vabautia isa vakavunia mo cola.Mo laka i na vakacegu qo sa vacolai i na lem raraci." ³⁵ Ni sa tata no kwa,a sewa na tamata ara sa laka mai vua nai liuliu ni lotu qa re kwaya i vua, "O luvem yalewa asa cibuta na lea i cegu.Na yava e vakasosataki nia no kwa nai vakavuvuli?" ³⁶ Ni sa rogo mai o Jisu nakwa a re kwaya no,sa qei kwaya vua nai liuliu ni lotu, "Kua ni ko be mataku mo vabautia ga". ³⁷ A tam vakadonua me lia leqwa i laka qai koya,vakavo ga o Pita, Jemesa qo Joni o taci Jemesa. ³⁸ A ru sa qei laka mai i na lea were na i liuliu ni lotu qa tolavira na wekaya e re vitagicaki tu i na lio levu . ³⁹ Ni sa rusu yati i buto ni were a kwaya sara i vuara "Na yava o ba sa be luluvu ka,qa na yava o ba tagicakinia?" I tam` ci buta e cegu na driadria kwe ei moce no boto." <sup>40</sup> A re qei malicaki ni koya. A sa qai mera kece i tevai qa meru boto o tamaya qo m`naya qa koru na laka qa ya mai, qaru rusu i na vanua a doki no mai na driadria. ⁴¹ A sa qulu e lima na driadria qa kwaya i vua, "Talica,kumi! " na kea i balebale ,"Lewa sewa, qi sa kwaya i va iko mo dure." ⁴² Vakasauri sa dure sara mai na driadria qa sa yato ni sa yabaki tinikarua vali.A kusarira qa re vakanumia na kwa isa yaco. ⁴³ A sa qei vecera me kua nib lia me kilatia na kwa so kwe.A sa qei veceru meru solia vua i lia nakwa me kania.