¹ Patuariku waya, te’a mouw laker tou witu e nelet miouw o pa’ar mamuali guru; Karengan nikita ta mete’u, kaa sa kita tanume si guru kita laa akimen i ki’it e nukuran lebe wuter. ² Karengan nikita nu waya kita simelok witu e laker kapualitan; seiy i te si reiy’ simelok witu e lelila’anna, nisia nyi’a mouw sitou lekep, si toro kangkasi mengulinla e minapekasa nouwakna. ³ Nikita ta minakela en tom witu en semur ni kawalo, i ka’ayo sia maki’itla sapa eng kepa’aran ta, ampit e lalan tuana nikita ta toro kangkasi mengulinla e minapekasa nouwakna. ⁴ Wo loo’on i tela eng kapal-kapal, ma’anouw tu’u tu kasa sela wo ni’i paoghela e reghes ente’, ta’an en toro ulinen e ne’ulin kasa rintek kumi’it eng kepa’ar ni mengulin. ⁵ Tuanakan kangkasi e lila’, ma’anouw tu’u tu esa weteng rintek witu e nouwak, ta’an en toro mesawa’la em perkara-perkara wangko’ Loo’onouw, kumura tu’u eng karintekna e napi, nisia si toro tumunu en talun kasela. ⁶ E lila’ tu’u nyi’a mouw e napi; nisia si tanula e nesa kaoatan eng kalewo’an wo e minedo tampa witu nelet e weteng-weteng e nouwak ta tanume sapa en toro sumeringla e minapekasa nouwak wo lumayasla e wola patou-touan ta, kasuatan nisia nuesa si linayasla e napi naraka. ⁷ Em baya en jenis ne tekapen siru, burung-burung, ma’an se tekapen-tekapen maanap wo se tekapen-tekapen en tasik se toro ninaramla wo se ninaramola en sifat ni tou, ⁸ ta’an reiy’la siesa tou tu’u si makakuasa menenaramla e lila’; nisia nyi’a mouw si wo’o sapa lela’, si reiy’ kakuasa’ala, wo si wuta e racung mekepaten. ⁹ Ampit e lila’ ta malo’or si Tuhan, Ama’ ta; wo ampit e lila’ ta makutok sitou siniwola neiy i ki’it e rupa ni Empung, ¹⁰ witu en suma esa rime’umi em berkat wo eng kutok. Eng kapualitan i yi’i, patuariku waya, reiy’ toro tuana e mamuali. ¹¹ Wawean ku’a re’en eng kembu’an makeresoti rano tewang wo e rano pe’it witu eng kembu’an masuat? ¹² Patuariku waya, wawean ku’a re’en e nakana ara en toro mua’la wu’ana en zaitun wo wawean ku’a re’en e nakana nanggor en toro mua’la e wu’ana ara? Tuanakan kangkasi eng kembu’an wurasen e reiy’ mete’u rumeu’mi rano tewang. ¹³ Seiy ku’a re’en si witu e nelet miouw si sama’ wo makabudi? Le’osouw sia ampit eng kenaramen em patou-touan le’os si mapaloo’o-loo’ola em pasiwo-siwonna kaa eng hikmat timoumi waki karinda’an. ¹⁴ Sa kouw minee’la em pedaman iri ate wo kouw me’ukum i tela en tou nuesa, te’a mouw kouw mesesawa’la en tou wo te’a mouw matowo masu’usuk eng kaulitan! ¹⁵ Ni’itu e reiy’ mouw hikmat waki atas o meiy, ta’an e waki kaoatan, waki e nafsu ni tou, waki se setang-setang. ¹⁶ Karengan wisa wawean iri ate wo me’ukumla en tou nuesa witu wawean eng karungkea’an wo e reiy’ sa mina’asa pasiwo-siwon lewo’. ¹⁷ Ta’an eng hikmat ni waki atas nyi’a mouw eng ketare-tare murni, tumodongla nyi’a, en dumedame, rinda, maki’i-ki’it, wuta en tongkoupusen wo e wu’ana-wu’ana le’os, reiy’ mesangaweka wo reiy’ munafik. ¹⁸ wo e wu’ana neiy i karedeiy witu eng kaulitan neiy i wu’uwurla witu en dame i wee nisea se timuanala en dame.