¹ chuck changing a chunk....Tabea waki si Yakobus, hamba ni Empung wo ni Tuhan Yesus Kristus, wia se mapulu’ o rua suku waki pasengkotan. ² Patuariku waya, papokeiy mola tanume e nesa ka’aruiyan, sakawisa kouw i kawolon witu e reiy’ sa mina’asa pewa’awa’an, ³ karengan nikouw kouw mete’u, kaa e nujian witu e imanmu i ti’i e minua’la katenteman. ⁴ Wo i waya mola eng katenteman i ti’i maka’ato wu’ana wowos, rio kouw mamuali reiy’ siperoan wo lekep wo reiy’ sikinakurangan sapa i te tu’u. ⁵ Ta’an sakawisa witu e nelet miouw wawean sikinakurangan hikmat, satorona nisia si makiweela nyi’a wia si Empung, – si mineela wia em baya ne tou ampit e mura ate wo ampit e reiy’ mebangki-bangkil –, takar eng kapualitan i ti’i e laa i weela wia nisia. ⁶ Satorona sia si kumiwee nyi’a witu e iman, wo kasa reiy’ toro meware-wareng, karengan sitou meware-wareng si masuat ampit em balolongan en tasik, si’i pelengki-lengki’la e reghes mea o meiy. ⁷ Sitou tuana te’a mouw sia mawona’la, kaa nisia si laa maka’ato wo’o sapa wia si Tuhan. ⁸ Karengan sitou rimua ate si reiy’ laa lumompon witu em patou-touanna. ⁹ Le’osouw si patuari witu eng ka’ada’an kakumengan si sumawa’ karengan eng kinaruberanna e rakek, ¹⁰ wo sitou kaya karengan eng kinaruberanna eng kumeng karengan nisia si laa mere’i tanu wungangna e rukut. ¹¹ Karengan si endo si rimetik ampit em pasu’na te’etel wo minelesla e rukut i ti’i, i ka’ayo rima’araghouw em bungangna wo mina’apu mouw en sena’na. Tuana mouw kangkasi eng kapualitanna ampit sitou kaya; witu eng keuneran e reiy’ sa mina’asa pe’inakutanna nisia si laa mere’i. ¹² Ma’aruiyola sitou timaang witu em pewa’awa’an, karengan sakawisa sia taangouw uji, nisia si laa maka’ato mahkota em patou-touan neiy i ta’arla ni Empung wia si seiy i te si meupusla Nisia. ¹³ Sakawisa siesa tou si wina’awa’ala, te’a mouw sia lumila’: “Em pewa’awa’an i yi’i e waki si Empung o meiy!” Karengan si Empung si reiy’ mete’u i pewewa’awa’la ni lewo’, wo Nisia nuesa si reiy’ mewewa’awa’la si seiy i te tu’u. ¹⁴ Ta’an susur tou si’i pewa’awa’la eng kepa’aranna nuesa karengan nisia si kineong wo niaruiy nyi’a. ¹⁵ Wo sakawisa eng kepa’aran i ti’i e winu’anola, nisia si mapatoula en dosa; wo sakawisa en dosa i ti’i minawowosola, nisia si tumiea’la e maut. ¹⁶ Patuari waya si’i koupusku, te’a mouw seip! ¹⁷ Susur en tetaber le’os wo susur e anugerah lekep, waki atas o meiy, neiy i tumpami waki si Ama’ e reiy’ sa mina’sa terang; wia-Nisia reiy’la peroba’an ka’apa bayangan karengan e mineteto’oran. ¹⁸ Witu eng kepa’aran-Na nuesa Nisia si simiwo mola nikita kaa e nuwu’ eng kaulitan, rio kita witu e ransun neiy i ketantu kita mamuali oki’ polon witu e nelet em baya en siniwo-Na. ¹⁹ Heiy patuari waya i koupusku, ghenangenouw eng kapualitan i yi’i: susur tou satorona si repet laa luminga, ta’an si ngerer laa matoto-totor, wo kangkasi ngerer laa meupi’; ²⁰ karengan e nupi’ ni tou e reiy’ mepa’ayangla eng kaulitan witu en sinaru ni Empung. ²¹ Kaa ni’itu i tea’ mouw e reiy’ sa mina’asa wo’o sapa eng kotor wo eng kalewo’an tuana eng kelaker i ti’i wo sungkulenouw ampit e rinda e nuwu’ neiy i ketanem witu natemu, e makakuasa melelawirla e imukurmu. ²² Ta’an satorona kouw mamuali tumetuana e nuwu’ wo reiy’ lumelinga i te; karengan sa reiy’ tuana nikouw kouw lime’ekok en tou nuesa. ²³ Karengan sa siesa tou si malinga e nuwu’ i te wo si reiy’ matuanala nyi’a, nisia nyi’a mouw si peulurela siesa tou kasuatan mengeti-ngetip eng giona ulit witu en sinaru en sereming. ²⁴ En tare mouw i te sia nu limoo’ eng giona, nisia si minea mouw ka’apa si makarengan lumiurla sa kumura eng giona. ²⁵ Ta’an seiy i te si sumoisap e nukum kalekep, nyi’a i ti’i e nukum mamerdekala sitou wo nisia si timentem witu nyi’a, jadi reiy’kan i te liminga kaa laa meleliurla nyi’a, ta’an si kasa uli-ulit matuanala nyi’a, nisia si laa ma’aruiy kaa em pasiwo-siwonna. ²⁶ Sa wona’ wawean siesa tou mapokeiyla en touna e meraghes, ta’an si reiy’ tumaang e lila’na, nisia si male’ekok en touna nuesa, takar e minaghio mouw e raghesna. ²⁷ E raghes murni wo e reiy’ siwalulang witu en sinaru ni Empung, Ama’ ta, nyi’a mouw e melalesla se ula wo se balu-balu witu eng kasusa’an nea, wo mategha-tegham rio en touna nuesa e reiy’ kewurela eng kaoatan.