¹ Wa Paulus, Yesus Kristus bapoke anara tata ke pung e, ropë pokelekotë teba tata tëfëëtëtemete Efesus, hupalang teteng motë Yesus Kristus. ² Hupalang pa pepate mëmë mepemote teing, wa nerene, tata Yesus Kristus netotang keleile. ³ Tata pi neteteng anara Yesus Kristus, ja hefeng keleleile lentung kang wa surga te. ⁴ Patata fitong we lenangka pa, newe kekirö nëlëng we laung ke ho netëtëka, pa hupalang nenewe to famomo. ⁵ Tata ke nëwë kekï lopana fua pa nekëlëëtë anara ko këkë ne kotë Kristus Yesus anara pung këkë lëkolë. ⁶ Hefeng pa pupate këkë ne këlëlo anara teangko këkë pu patekëlë. ⁷ epane hi këkë pa nejata këlë, pa nëlëng nënë kejo wa hefeng këkë. ⁸ ke hupalang kehefeing kele mote neba motë fitong wë wa hupalang ke kewo, ⁹ tata kejahefang kelemote nënënë, anara wengkotëing jano këkë kelewa hupalang këkë pa të kotë Kristus në këkë. ¹⁰ Wakote bang hefeng këkë kotë hupalang këkë anara ropë nukotë keingra tata teba mëtë surga pa neba mëtë fitongwe këlëtëtë aling nemëmë Kristus nepara këkë, ¹¹ Nëwë keki ko nemëtë Kristus nepara këkë nekeki ko anara teangko këkë pepipafe jalëlëpa këlëilë waetë hupalang këkë anara ke pung lekole. ¹² Jalelepa kelemote në në në king anara ke nekepa piteng nëtë newe anara neba lopana hupalang nënë motë Kristus. ¹³ Wa këä hoho këkë efeng ing nere pa pifeng hefeng ing wakote neba keletëpi pa keleingle pa Roh Kudus ni keleing king anara ni lengkotenya, ¹⁴ Roh Kudus ing ja hefeng king anara pa hefeng kekëlëtë neba motë fitong we kelekora anara ja këkë pa kefa rï nëtëngnete tata kewo. ¹⁵ Wa bangia me hupalang bamua mëmë kotë Yesus pa me hefeng mëpëmëpë teba tata tëfëëtë. ¹⁶ ni atale rani pengka janawo ni waëtë tata ni lë patëëtë me pa lupong-pong ni leelera bati mëmë nilaëlë. ¹⁷ Pani waëtë tata nënë Yesus Kristus ai mëlë jengpeng bapokëkë kelajuhëtë më nëmëmë pa pi mëpë mërä pë wae hupalang këkë, ¹⁸ lupong- pong nileung me hupalang hefeng pa nafeng koko anara keleng, japana hefeng ing ketëpi ko motë ing keleleleng teba ke tefipa tefëëtë. ¹⁹ Mä kelekotë në nënë we ma, bapalewo. ²⁰ Ma bapalewe pejona rëëtë Kristus hupalang ke anara banging ke keleko kelefete pa ke mëëti mëlëlë reke nopala ke sorga. ²¹ ma pa hefeng pa jalelepa motëwë, wa fitong uang we pa fitong tëtëtë bati keke fa ete koteë, ²² jalelepa ing mote tange këkë pa ne këkë pa nëkëkëing këkëëti ti jemaat rëbë tëtë. ²³ Jemaat king anara napara këkë jalelepa motë ing pewaëtë loma hähäfä tepaëtë.