¹ Bakegen Jisas hemi wokbaot iko long haos blong prea,igat wan man we hemi no save stretem han blong hem. ² Sam man oli muv klosap blong lukluk gud se bae Jisas hemi save hilim hem long sabat blong oli save faenemaot sam poen blong hem. ³ Nao Jisas hemi talem long man we han blong hem ino save stretem,''Yu kirap mo yu stanap long midel blong evriwan." ⁴ Nao Jisas italem long evriman se,"igat wan loa we italem se igud blong mekem wan samting long sabat dei o blong mekem wan nogud samting;blong sevem wan laef o blong kilim ded wan laef?''be evriwan istap kwaet. ⁵ Hemi lukluk iko raon long olgeta wetem kros,mo hemi sori long olgeta from hat blong olgeta istrong tumas,nao hemi talem long ol man ya se,''stretem han blong yu.''hemi stretem han blong hem,mo han blong hem ikam gud bakegen. ⁶ Ol farisi oli ko aot mo hariap nomo oli stat blong ko joen wetem ol laen blong king herod mo oli stap toktok hao blong oli save kilim Hem ided. ⁷ Nao Jisas,wetem ol disaepol,oli ko long solwota,igat wan bigfala grup blong ol man we ol folem olgeta we oli kam long Galili mo Judia ⁸ mo long Jerusalem mo long idumia mo iko mo long jordan mo raon long tyra mo sidon.Taem oli harem ol samting ya we Hemi stap mekem,wan bigfala grup oli kam tru long Hem. ⁹ sas hemi talem long ol disaepol blong faenem wan smol bot iredi ffrom fulap man we oli stap,blo oli no fasfas klosap long hem. ¹⁰ From hemi hilim fulap finis,nao olgeta sikman long ples ya oli stap kam pus blong mas tajem hem. ¹¹ Mo taem ol devel oli luk Jisas,oli foldaon long foret blong hem mo oli stap krae strong,mo oli talem se,''yu stret son blong God.'' ¹² Hemi tok strong blong oli no mas talemaot nem blong hem. ¹³ Nao Hemi ko antap long wan bigfala hil,mo Hemi singaot olgeta we Hemi wantem olgeta,nao oli kam long hem. ¹⁴ Hemi jusumaot ol twelf man blong hem we naoia (oli singaotem olgeta ol aposol)blong oli save stap wetem hem mo Hemi save sendem olgeta blong talemaot gud nius blong hem, ¹⁵ mo oli save gat paoa blong ronemaot ol devel. ¹⁶ Hemi jusumaot saemon we hemi putum niu nem se Pita; ¹⁷ Jemes boe blong sebedi mo Jon we brata blong Jemes,Jisas hemi kivim niufala nem blong tufala se Boanejes,hemia hemi,boe blong tanda; ¹⁸ Mo Andru,Filip,Batolomiu,Matiu mo Tomas,Jemes boe blong Alfeas mo Tadeas, Saemon we hemi sialot, ¹⁹ mo Judas Iskariot we bae hem nao iletem jisas long han blong ol enemi. ²⁰ Nao Jisas hemi kambak long haos,nao ol grup blong ol man oli kam tugeta bakegen,nao oli no kakai bred. ²¹ Taem oli famli blong hem oli harem olsem,oli ko aot blong tekemaot hem,from oli harem se,''tingting blong hem istap lus.'' ²² Be ol tija blong loa we oli kam daon long Jerusalem oli talem se,''hemi fulap long devel blong Bielsebul''mo imekem se igat paoa blong ronemaot ol devel.'' ²³ Nao Jisas hemi singaotem olgeta oli kam long hem mo italem wan parabol long olgeta,''Hao nao Setan isave ronemaot setan? ²⁴ sipos ol man blong jif oli seraot mo haf oli agens long nara haf,bae wok blong jif ya bae inosave stanap. ²⁵ Sapos wan famli long wan haos oli sraot long tu haf,bae famli ya bae oli no save stap gud. ²⁶ Mo sapos ol man blong setan oli stap agens long olgeta mo oli seraot,hemi no save stanap hem wan,be bae ifinis. ²⁷ Be nogat wan isave ko insaed long haos blong wan strong man blong stilim ol ting blong hem bae hemi mas fasemtaet hem fastaem,nao bihaen bae hemi save ko karem olting blong hem. ²⁸ Tru mi talem long yu,evri sin blong Son blong man bae oli forgivim,mo tu ol nogud toktok we man italem. ²⁹ Be wanem toktok we man italem agens long Holi spirit bae inogat forgivnes,be bae istap koko ino save finis.'' ³⁰ Jisas hemi talem olsem from oli talem se,''Hemi gat wan rabis spirit.'' ³¹ Nao mama blong Hem wetem ol brata blong hem oli kam stanap aotsaed.Oli sendem wan iko blong talem long hem, blong ikam luk olgeta aotsaed. ³² Igat fulap man oli stap sidaon raonem hem nao oli talem long hem,''Mama blong yu wetem ol brata blong yu oli stap aotsaed,oli stap lukaotem yu.'' ³³ Hemi ansarem olgeta,''Hu ya mama mo brata blong mi?'' ³⁴ Hemi lukluk raon long olgeta we oli stap sidaon long sekol mo hemi talem se,''Yufala iluk hemia nao ol mama mo ol brata blong mi! ³⁵ Sapos eniwan we hemi mekem wanem we God i wantem,hem ya nao brata,mo sista,mo mama blong mi.''