¹ Taem sabat dei ifinis,meri magdela,meri mama blong Jemes, mo salomi oli karem senda blong kam putum long bodi blong Jisas. ² Eli long fes dei blong wik,oli ko long tum taem san ikam antap. ³ Oli stap talem long olgeta wanwan se,"Hu bae hemi rolemaot bigfala ston ya blong yumi save ko insaed?" ⁴ Be taem oli lukluk iko,oli luk we ston ya oli rolemaot finis,from hemi bigwan. ⁵ Taem oli ko insaed long tum ya oli luk wan yangfala man ya hemi werem wan waet klos,hemi stap sidaon long raet saed,nao oli luk oli fraet. ⁶ Hemi talem long olgeta se,"yufala ino fraet.Yufala iluk Jisas,man Nasaret,we oli putum hem long kros.Hemi laef bakegen!hemi no stap ya.Yufala luk ples ya we oli putum hem islip long hem. ⁷ Be yufala iko,talem long ol disaepol mo Pita,'Hemi ko fastaem long Galili. long ples ya bae yufala save luk hem,olsem we hemi talem finis long yufala.'" ⁸ Oli ko aotsaed oli ron oli fraet mo oli sapraes.Oli no talem eni samting long eni man from oli fraet tumas. ⁹ [Eli long fes dei blong wik,afta we Jisas hemi laef bakegen,hemi kamtru festaem long Meri Magdelen, hem we oli ronemaot seven devel long hem. ¹⁰ Woman ya iko talem long olgeta we oli stap tugeta wetem hem,taem we oli stap sori mo oli stap krae wetem hem. ¹¹ Oli harem we Hemi laef mo oli harem we woman ya hemi bin luk,be oli no bilifim nomo. ¹² Mo afta sam dei ipass hemi kam tru long tu man oli stap wokbaot blong ko long wan narafala ples be bodi blong Jisas hemi difren. ¹³ Oli ko talem long evri disaepol, be oli no bilivim nomo. ¹⁴ Nao bihaen Jisas hemi kamtru long ol eleven disaepol taem oli stap sidaon raon long tebol,nao hemi tok strong long olgeta from oli no stap bilif mo hat blong olgeta istrong,from oli no bilivim olgeta we oli bin luk hem afta we hemi laef bakegen long ded. ¹⁵ Hemi talem long olgeta se,"Yufala iko long ful wol,mo talemaot gud nius ya long evriman long wol. ¹⁶ Man we hemi bilif mo hemi baptaes bae hemi sef,be man we hemi no bilif bae God hemi jajem hem mo ikivim wan panis long hem. ¹⁷ Ol saen ya bae oli ko wetem ol man we oli bilif:long nem blong mi bae oli save ronem aot devel.Bae oli toktok long ol difren langwis. ¹⁸ Bae oli holem snek,mo spos oli drink eni samting we iposin, bae ino save kilim ded olgeta.Bae oli putum han long ol sikman,bae oli harem gud." ¹⁹ Afta we Jisas hemi toktok long olgeta,Hemi kobak antap long Heven mo isidaon long raet saed han blong God. ²⁰ Ol disaepol oli ko talemaot gud nius long evri ples,Masta blong yumi hemi wok wetem olgeta mo isoem ol saen se hemi stap wetem olgeta]