¹ Hwexɔnnu, elodu ke le nyi oga tokpɔ ɛnɛ tɔn se Jezu we nukplanmɛ, ² E ɖɔ na mɛsɛntɔ etɔn lɛ: « Jaan, mɛnylɔn dosinmɛtɔ lɔ wɛ fɔn sɔn mɛkuku lɛ mɛ. E wɛ zɔn hɔnhlɔn ehɔn le wazɔn gbɔn eji.» ³ Ɖo, Helodu ko wle Jaan bo blɛ lo bo ze do gankpamɛ ɖo Helodiadi, asɛ nɔvyɛ Filiputɔn xe e nyi lɔ wutu. ⁴ Ɖo Jaan ɖɔ ni ɖɔ: « Osɛn lɔ gbɛ ɖɔ a ma kpego na yi anɔwevi we asi gɛ.» ⁵ Helodu ko jlo na hu Jan, amɔn e le ɖi bu na togun lɔ, ɖo ye nɔ mɔ Jaan do mɔ oxoyiboɖɔtɔ. ⁶ Amɔ, xe jijizan Helodu tɔn we oxweɖuɖuzan sɔgbe, Ovi nyɔnnuvi Elodiaditɔ ɖuwe le togun lɔ (gbɛtɔ lɛ kpo), we nukunmɛ bɔ e vivi na Helodu. ⁷ Bɔ e dakpa na ovi nyɔnnuvi lɔ ɖɔ e mye bo na na-ɛ nuɖe kpekpe ke e bo byɔ. ⁸ Ke ovi lɔ yi oxona ɛmɛ sɔn onɔ si godo, e dɔ: « Nawun odin Jaan we ta do gannu gbajɛ kɔ mɛ.» ⁹ Obyɔ ovi lɔ tɔn gbayido na axɔsu lɔ, amɔ do nu ke exwle le mɛlɛ kpo nukɔ wutu kpo jonɔ ke le agɔ tɛnmɛ lɔ wu lɛ, e ɖegbe ɖɔ eni bo gbo ta na Jaan. ¹⁰ E sɛ mɛ do e ni bo yi gbota na Jaan le gankpa lɔ mɛ. ¹¹ E gbota na Jaan bo sɔ do gannu gbajɛ mɛ na ovi nyɔnnuvi lɔ bɔ e ze yi na onɔ. ¹² Ahwanvu Jaan tɔn lɛ wa ze cyɔ lɔ bo yi ɖi. Exɔn godo, yeyi ɖogbe na Jezu. ¹³ Hwenu ke Jezu se oxo exɔn, e lɛ sɔn fi ke e le lɔ, bo byɔ tɔjihun mɛ bo yi fike dɛn. Ke ahwan lɔ se ɖɔ jezu wa, gbɛtɔ lɛ tɔn sɔn fi susu bo sɔ afɔ bo jɛ godo ni. ¹⁴ Bɔ, Jezu je nukɔn na ye, mɛ lɛ su tawun. Onu yetɔn blawu ni bɔ egbɔ azɔn yetɔn na ye. ¹⁵ Ke ewa jɛ hwedo, ahwanvu etɔn lɛ wa bo ɖɔ ni ɖɔ: « Gblolo mɛ wɛ mi le le fi bɔ zinvlu ka lɛ le do.» Yan ahwan lɔ na ye na yi gletoxo me lɛɛ na ye na yi xɔ nu ɖu. ¹⁶ Amɔ Jezu ɖɔ na ye ɖɔ: « Ye ma ɖo hudo bo na yi gɛ. Miye lɔsu ni na ye nuɖuɖu.» ¹⁷ Ye ɖɔ ni ɖɔ: « Amɔ, mi ɖo kpɔnnɔ xuxu atɔɔn kpo ohwe vu awe kpo.» ¹⁸ Jezu ɖɔ: « Mi ze ye wa na wun.» ¹⁹ Jezu ɖɔ na ahwan lɔ ɖɔ ye ni bo flanyi le ogbe lɔ ji. Eze pain (Blɛɖi) atɔɔn lɛ kpo hwevi awe lɛ kpo. E ze nukun etɔn lɛ do ji, bo xo ɖɛ do pain lɛ ji bo fɛɛn. Exɔn godo, eze na xodotɔ etɔn lɛ bo ɖɔ ye ni bo ma na mɛ lɛ. ²⁰ Mɛ lɛ kpo ɖunu bo gɔxo. Bɔ e lɛ kpo pain xija wyawe gigɔ. ²¹ Mɛ ke ɖunu lɛ na yi gbɛtɔ afɔwe kanweko mɔ, e ma lɛn ovivu lɛ d'emɛ gɛ. ²² Exɔn godo trolo, e ɖɔ na ahwanvu lɔ ɖɔ, ye ni byɔ tɔjihun lɔ mɛ bo jɛ nukɔnni zɔntɔ lɔ godo, hwenu ke elɔsu na le nyi mɛlɛ sɛdo xwe. ²³ Ke e nyi ahwan lɔ godo, e xɛ oso ɖe ji bo na yi xo ɛɖɛ. Ozan ku bɔ ekpo e ɖokpo nɔ gee le flɛn. ²⁴ Tɔjihun lɔ ko sɛyi oxuzan lɔ mɛ, bɔ oxu lɔ nɔ mli wa gba d'ewu, ɖo ohun lɔ le kpe jɛhɔn. ²⁵ Sɔn ogan atɔn mɛ do yi ogan ɛnɛ mɛ zanfifɔn, Jezu xlɛ oxu lɔ ji, bo ɖi zɔnlin bo na do yi kpe ye. ²⁶ Ke xodotɔ Jezu tɔn le mɔɛ bɔ e le ɖi zɔnlin gbɔn oxu lɔ ji, obu ɖi ye bɔ ye ɖɔ: « Onu wɛ mi le kpe», bɔ obu ɖi ye bɔ ye d'axwa. ²⁷ Jezu ka ɖɔ na ye tlolo ɖɔ: « Mi kpan kɔn, nyɛ wɛ, obu ni nɔ kpɔn ɖi mi gɛ.» ²⁸ Piyɛ ka ɖɔ ni ɖɔ: « Aklunɔ, e nyi yɔ jan wɛ xonugbo, bo ɖegbe nawun na ma ɖi zɔnlin gbɔn oxu lɔ ji wa kpe we.» ²⁹ Jezu ɖɔ ni ɖɔ: « Wa!» Piye ka tɔn sɔn tɔjihun lɔ mɛ, bo jɛ zɔnlin ɖi ji xwe Jezu de. ³⁰ Amɔ, ke Piyɛ mɔ ɖɔ jɛhɔn lɔ bo le syɛn d'eji, obu ɖi, bɔ e jɛ odo yi ji, bo gbɔ bo d'axwa bo ɖɔ: « Aklunɔ, hwlɛn un!» ³¹ Trolo, Jezu drɛn alɔ, bo hɛn ɛ, bo ɖɔ ni ɖɔ: « Nuɖiɖi ovu nɔ, etɛwutu wɛ axo nu kpɔn?» ³² Bɔ ye byɔ tɔjihun lɔ mɛ, bɔ jɛhɔn ɖote. ³³ Mɛ ke le tɔjihun lɔ mɛ lɛ wa jɛ klo le jesu samɛ bo ɖɔɔ Mawu vi wɛ a nyi xonugbo . ³⁴ Ke ye jɛ otɔ lɔ go Ganezalɛti nu lɛ wo tɔ to wɛ ohun lɔ yi gli do. ³⁵ Mɛ ke le flɛn lɛ ka mɔ dɔ jezu wɛ wa bo ɖowɛn ɖo xlan toxo lɔ kpokpo sese mɛ, bɔ yeyi bɛ mɛ ke ma le gangangɛ lɛ kpokpowa ni-i. ³⁶ Ye do kɛnklɛn ni ɖɔ e ni bo ɖ'alɔ awu etɔn wu vɔvɔ, bɔ mɛ ke ɖ'alɔ ewu lɛ kpo we azɔn wɛ gbɔ.