¹ Wěma ke ɖɔ́ xó ɖó Jezu klisi ovǐ Davidi tɔn, ovǐ Ablaxamu tɔn we dǎgbò dǎgbò lɛ go ke: ² Ablaxamu ji Izaki, Izaki ka ji Jakɔbu, bɔ Jakɔbu ji Juda kpó nɔnvyɛ lɛ kpo. ³ Juda ji Pɛlɛ́si kpó Zeláxi kpo le Tamáa wu; Pɛlɛ́si ji Hɛklɔni , bɔ Hɛklɔni ji Ablamu. ⁴ Ablamu ji Aminádabu; Aminádabu ji Naxicɔni, bɔ Naxicɔni ji Saluma. ⁵ Saluma ji Bowozi le hlaxábu wu; Bowozi ji ovɛ́di ovɛ́di le Hwliti wú, bɔ ovɛ́di ji Jɛsée. ⁶ Jɛsée ka ji Davidi axɔ́lú lɔ́. Davidi ji Salomɔ́ɔ le Ulí ke kú lɔ wé asi wú. ⁷ Salomɔ́ɔ ji Hlobowámu; Hlobowámu ji Abiya, bɔ Abiya ji Asa. ⁸ Asa ka ji Jozafáti; Jozafáti ji Yolamu, bɔ Yolamu ji Oziási. ⁹ Oziasi ji Yotámu, Yotámu ji Akázi bɔ Akázi ji Ezekiyási. ¹⁰ Ezekiyási ka ji Manassée; Manassée JI Amɔni , Amɔni ji Josiayási. ¹¹ Josiayási ka ji Jékoniyasi kpó nɔvyyɛ̌ lɛ kpo hwekenu ahwan wlě mɛ lɛ́ɛ zé yi Babilɔnu. ¹² Ke yě bɛ mɛ lɛ́ɛ zé yi Bbilɔnu gódo, Jekoniyási ji Calutiyɛli, bɔ Calutiyɛli ji Zolobabɛli. ¹³ Zolobabɛli kaji Abiwúdi; Abiwúdi ji Eliakimu, bɔ Eliakimu ji Azɔ́ɔ. ¹⁴ Azɔ́ɔ ka ji Sadɔ́ki ; Sadɔ́ki ji Akímú, bɔ Akímú ji Etiwúdi. ¹⁵ Etiwúdi ji Eleazáa, Eleazáa ji Matáan bɔ Matáan ji Jakɔ́bu. ¹⁶ Jakɔ́bu ji Jozɛfu ke nyí Malǐ wé asú, Malǐ wɛ nyi mɛ ke ji Jezǔ ke e ylɔ̌ ɖɔ Klísi lɔ. ¹⁷ Xokplé jijimɛ kpokpo lɛ́ɛ tɔn ké: Bɛsɔn Ablaxámu jǐ wa Davídi jǐ, é blo jijimɛ wyɛ̀nɛ(14); Sɔn Davidi jǐ̌ wa jɛ hwekenu è bɛ mɛ lɛ̀ɛ zé yi Babilɔ́nu gódo, é bló jijim wyɛ̀nɛ (14); sɔn hwekeno e bɛ̀ kannumɔ yětɔn ź yi Babilɔ́nu káká wá jɛ klísi we hwenu, e bló jijimɛ wyɛ̀nɛ (14). ¹⁸ Lě ke e ji Jezu klísi ɖo lɔ́ ke: Malǐ, ke nyi Jezǔ we nɔ, asihwlannyǐ Jozɛ́fu tɔn wɛ è nyí; amɔ̌ yě ma kó sɛkpɔ́ yědé hwɛ̌kpó bɔ é dó mɔ Jezǔ wé xo do gbon oy ɖedóvo tɔn lɔ mɛ gɛ. ¹⁹ Jozɛ́fu asihwlannyǐ Malǐ tɔn, gbɛtó dé wɛ é nyi bo nɔ nyi osɛ́n Moyzi tɔn lɛ́ɛ ganjǐ. Ɖó é má jló wunnyǎ Mali gɛ wǔtu, é lé lin ɖó ayi mɛ bona jó é dó le nǔgɔ. ²⁰ Linlin xɔn lomɛ wɛ Jozɛ̀fu le, bɔ wenzangun Aklúno tɔn wá lé ɖɔ́ ni ǐ le drɔ̌ mɛ ɖɔ:Jozefu, ovǐ Davidi tɔ, nɔ kpɔ́n dibǔ na dó kplǎn Malǐ Asiwe d'ákpá gɛ̀; ɖó Oyɛ ɖéɖóvo wé nǔ wiwa me e mɔ wo le. ²¹ É ná ji ovǐ sunnu dokpó bɔ a na ɖó nyikɔ́ n' ǐ ɖɔ Jezǔ, ɖó é wɛ̀ ná hwlɛ̌n togun étɔn gán sɔn ohwɛ étɔn lɛɛ. ²² Onǔ ké jɔ xɔn lɛ̀ɛ kpòkpò sɔgbe xá oxó ke Aklúnɔ kó ɖɔ ɖ'anyǐ gbɔn xóyíɖɔtɔ étɔ ji. ²³ I ke, nyɔ́nu le alɔdji lɔ́ ná mɔ́ xo, bo ná ji vǐ súnnu ɖokpó bɔ e na ɖó nyikɔ́ n'i ɖɔ Emanuwɛ̀li.( Nyikɔ́ lɔ wé timmɛ wɛ nyi: Mǎwǔ le kpɔ́ xá mǐ). ²⁴ Ke Jozɛ́fu fɔ́n sɔn amlɔ mɛ, é blo nǔ ke Wenzangun Aklunɔ tɔn ɖɔ n'ǐ d'éji bo yǐ asyɛ ɖò xwé gbe. ²⁵ Amɔ Jozɛ̀fu ma sɛkpɔ́ Malǐ kaka e do ji vǐ gɛ.Jozɛ̀fu ɖó nyikɔ́ na vǐ lɔ́ ɖɔ Jezǔ.