¹ Semua urang ti nanggung beban perbudakan aruslah nganggap tuan sidak pantaeh bulieh penghormatan, agar nama Allah Taala enggau ajaran kitai nadai dipejaie' urang. ² Asa tuan sidak kurang di pecayak , anang sampai ia nadai dintekie' kaban urang karna dalam Kristus baka menyadie', maka lebih manah agie' ia dikemela sidak, karena tuan ti nerima berkat pelayanan sidak tentu kaban menyadie' ti pecaya' dan terkaseeh. Semua nyak ajarkan dan ñggau merie' nasehat. ³ Asa bisik urang ti ngajar ajaran lain dan nadai nurut jakuk ti manah - yaitu jakuk Yesus Kristus - dan nadai nurut ajaran dalam ibadah kitai, ⁴ ia adalah urang Ti belagak nemu, tapi nadai nemu utai sama sekalie'. Akibat nyak ia ngegak masalah dan bejakuk nadai sie' tentu rudu,akibat bekenyak timbul dengki iri,curiga,ngeransing kedirie' dan bejakuk keurang bukai, lalu ⁵ cekcok nggau urang karna nadai sepikir nggau urang agie' dan nadai dipecayak urang agie', karna ia kira ibadah nyak bisie' merie' untung. ⁶ Memang ibadah nyak asa disertai nggai rasa syukur pasti merie' keuntungan ti besai. ⁷ Karna kita nadai maie' nama nama kedalam dunia dan kitai ugak nadai maie' nama nama ngebuh dari dunia. ⁸ Asal bisie' ti depakai dan kelambie' ti nggau udah umaeh. ⁹ Tapi asa sidak ti kak kaya labuh kedalam cobaan, kedalam jerat dan kedalam berbagai hawa nafsu ti tauk ngawai urang celaka dan mensia tenggelam dalam keruntuhan dan kebinasaan. ¹⁰ Karna akar segala ti jaie' adalah duit. Sebab urang ti kerja nitih keduit udah nyimpang dari iman dan nyiksa diri kedirie' nggau segala macam pemeringksak idup. ¹¹ Tapi nuan,ti mensia Allah Taala, jauhlah dari segala nyak, gagailah keadilan, ibadah, kesetiaan, kasih, kesabaran dan kelembutan. ¹² Berlumbalah dalam pertandingan iman ti kenak dan raihlah idup ti kekal. uleh nyak nuan udah dikumbai dan dikukuhkan dimua urang mayuh ti jadi saksi. ¹³ Dimua Allah Taala ti merie' idup ngusung sgala utai dan dimua Yesus Kristus ti udah dikukuhkan nggau benar bekenyak gak dimua Pontius Pilatus, ku padah ngusung nuan: ¹⁴ Turutlah nama ti deperintah tuk, nggau nadai bercacat cela sampai saat Tuhan kitai Yesus Kristus madahkan dirik ia kedirie'. ¹⁵ Dini semua nyak ilak ditentukan oleh ti sikuk penguasa ti ngawai nyamai gerai idup, raja atas sgala raja, dan tuan atas sgala tuan. ¹⁶ Dialah sikuk mensia ti nadai ntekie' ngusung maut, beselubung nggau terang ti nadai tauk kitai ulieh. Sikuk mensiapun nadai kalak medak Ia dan mimang mensia nadai bisie' tauk medak Ia. Bagi Ialah sembah hurmat dan kuasa ti kekal! Amin. ¹⁷ Padahlah ngusung urang urang ti kaya didunia tuk ayu kesidak nadai tinggik ati dan anang ngarap pek utai ti nadai tentu baka kekayaan, melainkan ngusung Allah ti dalam kekayaanNya ti merie' kitai segala utai ti kitai nikmati. ¹⁸ Padalah ngusung sidak nyak ayu mulah utai ti manah. nyadi kaya dalam ti manah, kak merie' dan bebagi nggau urang. ¹⁹ Dan uleh nyak bearti ngumpul arta sebagai dasar ti manah bagi dirie' kedirie' untuk waktu ti akan datai agar bulieh idup pemanah. ²⁰ Timotius, piaralah segala utai ti udah dipecayak ngusung nuan. Indar segala jakuk ti puang dan nadai suci serta ilmu ilmu ti nimbul pertentangan. ²¹ Karna bisie' urang urang ti ngajar nyimpang dari iman. Kasih karunia selalu besarung pek nuan.