¹ Tulishi ati amayanda apesonde itente ilyonawilwe, tulikwete icikulwa ukufuma kuli Lesa. Iyi ng'anda taili ya minwe aba bantu, sombi yamuyayaya, mwiulu. ² Muli itente tulalilila, ukuti tufwikwe ifya kwiulu. ³ Paukuti pali fyo tatukasangwa ababula ukufwala. ⁴ Pano pakuba muli ili tente tulalilila uku kwa fisendo. Tatulukufwayapo ukuba aba kubuls ukufwala. Sombi tulukufwaya ukufwala uukweba ati icamuvili icingaminwa ku mweo. ⁵ Uyo uwa tupekanishishe ifi fyonse fintu ni Lesa. Uwatuopela umupashi uwaku tulingilila mukwisa. ⁶ Efyefyo mube abashipa lyonse. Beni abakwiluka ukubona ukweba ati ili tuli pa mushi mumubili, tulipamo na Shikulu. ⁷ Tulu kwenda mu ciketekelo, takuli ku menso. ⁸ Ececo tulishininkishe. Limbi kuti apa tamulipile na ku mubili na pamushi na Shikulu. ⁹ Eco tuli pangile libulukilo, kani tuli pa mushi nangaba ati kumbi, uku mutonda. ¹⁰ Pakuti fwense tuli na kuboneka ku cipuna ca bupingushi ica kwa Kilisitu, ukweba ati cila muntu akapokelele umubili wakwe kani ciweme neli cibipile. ¹¹ Pakuba nakatina kuli Shikulu, tulalula abantu. Ifi tulu tulabonwa bwino bwino kuli Lesa, ndabona ukweba ati cili bwino ku malangushi yenu. ¹² Tulakwesha uku mwalulula nakabili muli bu cine. Icalingile, tulukumupeleni umulandu wakuba ne cilumba pali fye, efi mukasuka kuli babo abaitakishi mumimonekele sombi temukati kamumitima yabo. ¹³ Kani tuli fumine mukati ka malangulushi yabo, cili kuli Lesa kani cili ku malangulushi aya weme, nkipa mulandu wenu. ¹⁴ Kukutemwa kwakwa Kilisitu kupalanya kuli fwebo pakuti twalilangulukile ati: Pakuti umuntu umo afwilile bonse, mukwweba ati bonse balifwile. ¹⁵ Afwilile bonse, mukweba ati aba mweobeyikalilapo abene sombi ku uyo uwabafwilile kabili uwabukile. ¹⁶ Pali uyu mulandu, ukufuma luno tatungebukisha uli onse ukulosha ku mubili, nangaba ati twali mwishi Kilisitu ukulosha ku mbili sombi luno tatungeshibapo. ¹⁷ Ukubako, kani umuntu ali muli Kilisitu, cibumbwa cabu kumo. Ifyakale filipitile boneni, fyaba ifyabukumo. ¹⁸ Fyonse ifi fintu fyafuma kuli Lesa. Ali tubusesha ku mwine ukupitila muli Kilisitu Yesu ali tupele umulimo uwakubwesesha bambi. ¹⁹ Ifi efi ukupitila muli Yesu Les alabwesha abaku calo ku mwine nokuluba uku bapendela ifilubo. Alapela kulifye ici cebo kuli fye ica kubwesha. ²⁰ Efi twalisontele ukuba abeminishi bakwa Kilisitu, nangabati Lesa alipangile ukubwesha kufwebo. Twali papatile pa mulandu wakwa Kilisitu. "Natubwelele kuli Lesa!" ²¹ Alipangile ushaishipo ukubifya kukuba acibipile kuli fwe, pakuti tube abalungeme kuli ye.