¹ Paulo umutumwa wakwa Yesu mubwanshiko bwakwa Les, Tomoti umukwa besu, kwi Kelesha ,lyaba Lesa ilili mu Kolinti, naku bonse abaswetele bakwe monse munchingo ya Achaia. ² Inkumbu shibe na mwe ne mutende ukufuma kuliba Lesa ba wishifwe na Shikulu Yesu Kilisitu. ³ Kani ba Lesa kabili ba wishifwe baba Shikulu Yesu Kilisitu kabatotwe naba wishifwe abab nkumbu kabili niba Lesa citalalishi. ⁴ Ba Lesa bala tusangalasha kufya ku katasha fyonse ukweba ati nefwebo tukasangashe abo abali mufya ku katasha. Tulasangalasha bambi ne nsagalashi usha bomfwe ba Lesa wesu kulifwe. ⁵ Koti nifyenkefyo muku penga kwaba Kilisitu pa mulandu wesu kabili insangalashi ukupula muli Kilisitu. ⁶ Sombi kani twasuminishiwa, cili kusangalala ne pusukilo. Sombi kani twasangalashiwa, fili mnsangalashi fili kutemwa kwenu. Insangalashi shinu shili kubomba mukuba kuba kenu mukupenga ukweba ati nafwe tukapenga. ⁷ Ukusubila kwesu kuli mwebo takutekanishiwepo, mulishi ati mu kupenga, tukaba nenu muku talalikwa. ⁸ Tatulu kufwayapo ukubula ukwishiba, mweba kwasu, pafya kupenga ifi twali nafyo ku Esiya, tuli twikilwe ifipinto ukucila pa maka esu, ukwakuti twali fwililemo. ⁹ Pano tuli mumfwa. Sombi tacali caku iketekelemo, sombi muli Lesa uubusha abafwa. ¹⁰ Pakuti ali tupulwishe ku lubola lwamfwa, nakambi akatupulusha muli ye emo tubikile isubilo ati akatubusha. ¹¹ Akacita ifi koti nifyo twafwile mu kupepa kwenu. Eli abengi baka totela ppakuti pa fwe pa kutemwa ukwapelwe kuli fwe ukupitila mu mapepo abengi. ¹² Ichakuli takisha niti: Imikitile yesu ili ukulangililaati tulifumine mu calo mmuli ba Lesa na bu cine, tekwikalalila mu mano umu mumubili sombi mu nkumbu shaba Lesa. ¹³ Tatulembelepo ifi mungabula ukubelenga ne kufyumfwikisha, sombi ndishi ukweba atimuka fyumfwikisha. ¹⁴ Koti nifyefyo ifi mwatumfwile, pakuti muli takishishe pali fwebo pa bushiku bwaba shikulu Yesu. Koti nifyefyo ifi tulitakishisha pali mwebo. ¹⁵ Pakuti nalishinkishe palifi, nalukufwaya ukwisa kuli mwebo pa kutanga, pakweba ati mupokelele ica bupe icankumbu ica bubili. nali kufwalikisha ukumipempula ili palwendo lwa ku Makedonia. ¹⁶ Eli nalu kufwaya uku mupempula nakabii mu lwendo ukufuma ku Makedonia, sombi kuli mwebo ukuntuma mulwendo lwandi ulwaku Yudeya. ¹⁷ Ili nalu kulanguluka muli ye nshila, nalu kuwayawaya? kani pali kulanguluka koti waku mubili ukweba ati nalabila ati, "Ee, ni ee"awe, ni awe pa mpindi imo yenka? ¹⁸ Sombi palifyefyo ba Lesa balu kucetekela, ishiwi lyesu kuli mwebo talili "Ee" neli "Awe." ¹⁹ Palwa mwana wakwa Lesa, Yesu Kilisitu, uwo Silifanasi, na Tomoti na nebo twalishimikile muli mwebo, tayalipo ni "Ee" neli "Awe." ²⁰ Sombi ye lyonse ni "Ee." Muli fonse ifipangano Lesa lyonse ni "Ee" muli ye. ²¹ Pano ni Lesa ewikatanya fwebo na mwebo muli Kilisitu, kabili ali subile, ²² alibikile icikakaciko pali fwe ne kutupeela umupashi mu mitima Yesu icakwishibisha ifi mu kwisa ²³ Sombi ndeta Lesa ukuba imboni ya mweo wandi emulandu nshaishilepo ku Kolinti ukweba ati mupuluke. ²⁴ Ifi tafili mukweba ati Tube ifipinto pa fitetekelo fyenu sombi tuli babomfi banenu muku sekelela kwenu, ili mwimakene mukiketekelo.